ਦਿਲਜੀਤ ਦੋਸਾਂਝ ਨੇ ਜ਼ੇਂਦਿਆ ਅਤੇ ਰਿਹਾਨਾ ਨੂੰ ਵਧੀਆ ਪਹਿਰਾਵੇ ਦੇ ਮੁਕਾਬਲੇ 'ਚ ਦਿੱਤੀ ਮਾਤ

ਦਿਲਜੀਤ ਦੋਸਾਂਝ ਨੇ 2025 ਮੈਟ ਗਾਲਾ 'ਚ ਇਕ ਜ਼ਬਰਦਸਤ ਐਂਟਰੀ ਕਰਕੇ ਫੈਂਸ਼ਨ ਦੇ ਇਤਿਹਾਸ 'ਚ ਆਪਣੇ ਨਾਂਅ ਨੂੰ ਬੁਲੰਦੀ 'ਤੇ ਪਹੁੰਚਾਅ ਦਿੱਤਾ ਹੈ। ਮੈਟਰੋਪੋਲੀਟਨ ਮਿਊਜ਼ੀਅਮ ਆਫ਼ ਆਰਟ ਦੇ ਨਿਊਯਾਰਕ 'ਚ ਇਸ ਸ਼ੋਅ ਦੌਰਾਨ ਗਾਇਕ ਅਤੇ ਅਭਿਨੇਤਾ ਦਿਲਜੀਤ ਨੇ ਮਹਾਰਾਜਿਆਂ ਵਾਲੀ ਇਕ ਸ਼ਾਹੀ ਪੋਸ਼ਾਕ 'ਚ ਭੀੜ ਦਾ ਮਨ ਮੋਹ ਲਿਆ। ਇਹ ਪੋਸ਼ਾਕ ਡਿਜ਼ਾਇਨਰ ਪ੍ਰਬਲ ਗੁਰੂੰਗ ਵਲੋਂ ਤਿਆਰ ਕੀਤੀ ਗਈ ਸੀ।

ਇਸ ਪੋਸ਼ਾਕ 'ਚ ਸਜੇ ਦਿਲਜੀਤ ਦੀ ਨਾ ਸਿਰਫ ਦਿਖ ਬੇਮਿਸਾਲ ਅਤੇ ਸ਼ਾਨਦਾਰ ਸੀ ਸਗੋਂ ਉਸ ਨੇ ਜ਼ੇਂਦਿਆ ਅਤੇ ਰਿਹਾਨਾ ਵਰਗੇ ਫੈਸ਼ਨ ਜਗਤ ਦੇ ਨਾਵਾਂ ਨੂੰ ਪਛਾੜਦੇ ਹੋਏ ਵਧੀਆ ਪਹਿਰਾਵੇ ਲਈ ਆਯੋਜਿਤ ਪੋਲ 'ਚ ਸਭ ਤੋਂ ਉਪਰਲਾ ਸਥਾਨ ਪ੍ਰਾਪਤ ਕੀਤਾ।

ਦੱਖਣੀ ਕੋਰੀਆਈ ਰੈਪਰ ਅਤੇ ਗਾਇਕ ਐਸ ਕੂਪਸ ਦੂਜੇ ਸਥਾਨ 'ਤੇ ਰਹੇ। ਜਿਸ ਨੇ ਸਲੀਕ ਸਲੇਟੀ ਸੂਟ 'ਚ ਆਪਣੀ ਪੇਸ਼ਕਾਰੀ ਦਿੱਤੀ। ਬਾਲੀਵੁੱਡ ਦੇ ਮਹਾਨ ਕਲਾਕਾਰ ਸ਼ਾਹਰੁਖ ਖਾਨ ਆਪਣੇ ਇਸ ਪਹਿਲੇ ਮੈਟ ਗਾਲਾ ਆਯੋਜਨ 'ਚ ਚੋਟੀ ਦੇ 10 ਪ੍ਰਤੀਯੋਗੀਆਂ 'ਚ ਜਗ੍ਹਾ ਨਹੀਂ ਬਣਾ ਸਕੇ।