ਦਿਲਜੀਤ ਦੋਸਾਂਝ ਟੌਰਾਂਟੋ ਯੂਨੀਵਰਸਿਟੀ ਦੇ ਕਲਾਸਰੂਮ 'ਚ ਹੋਇਆ ਦਾਖਲ

ਦਿਲਜੀਤ ਦੋਸਾਂਝ ਦੇ ਚਰਚੇ ਹੁਣ ਸਟੇਡੀਅਮ ਦੀਆਂ ਸਟੇਜਾਂ ਤੋਂ ਅੱਗੇ ਵੱਧ ਕੇ ਯੂਨੀਵਰਸਿਟੀ ਦੇ ਲੈਕਚਹਾਲਾਂ ਤੱਕ ਪੁੱਜ ਗਏ ਹਨ। ਦਿਲਜੀਤ ਇਸ ਤਰ੍ਰਾਂ ਇਕ ਨਵਾਂ ਇਤਿਹਾਸ ਸਿਰਜ ਰਹੇ ਹਨ। ਟੌਰਾਂਟੋ ਮੈਟਰੋਪੋਲੀਜ਼ਨ ਯੂਨੀਵਰਸਿਟੀ ਦਿਲਜੀਤ ਦੇ ਸੱਭਿਆਚਾਰਕ ਅਤੇ ਸੰਗੀਤਕ ਪ੍ਰਭਾਵ ਬਾਰੇ ਇਕ ਮੁਕੰਮਲ ਪੋਸਟ ਸ਼ੁਰੂ ਕਰਨ ਦੀ ਤਿਆਰੀ 'ਚ ਹੈ।

ਇਸ ਤਰ੍ਰਾਂ ਇਹ ਕੌਮਾਂਤਰੀ ਪ੍ਰਸਿੱਧੀ ਪ੍ਰਾਪਤ ਗਾਇਕ ਅਤੇ ਅਦਾਕਾਰ ਹੁਣ ਅਕਾਦਮਿਕ ਅਧਿਐਨ ਦਾ ਵਿਸ਼ਾ ਬਣਨ ਜਾ ਰਿਹਾ ਹੈ। ਦਿਲਜੀਤ ਬਾਰੇ ਇਸ ਕੋਰਸ ਦਾ ਅਧਿਕਾਰਤ ਤੌਰ 'ਤੇ ਐਲਾਨ 'ਦਿ ਕ੍ਰਿਏਟਿਵ ਸਕੂਲ ਵਲੋਂ ਟੌਰਾਂਟੋ 'ਚ ਆਯੋਜਿਤ ਇਕ ਸੰਮੇਲਨ ਦੌਰਾਨ ਕੀਤਾ ਗਿਆ ਸੀ।

ਇਸ ਤਰ੍ਰਾਂ ਦਿਲਜੀਤ ਹੁਣ ਬੀਟਲਜ਼, ਬਿਓਂਸੇ ਅਤੇ ਟੇਲਰ ਸਵਿਫਟ ਵਰਗੇ ਕਲਾਕਾਰਾਂ ਦੀ ਕਤਾਰ 'ਚ ਸ਼ਾਮਲ ਹੋ ਰਹੇ ਹਨ। ਇਨ੍ਰਾਂ ਕਲਾਕਾਰਾਂ ਦਾ ਕੰਮ ਮਨੋਰੰਜਨ ਤੋਂ ਹਟ ਕੇ ਵਿਦਵਤਾ ਖੇਤਰ ਨਾਲ ਸੰਬੰਧਤ ਹੈ। ਯੂਨੀਵਰਸਿਟੀ ਦਾ ਕੋਰਸ 2026 ਸ਼ੁਰੂ ਹੋਣ ਦੀ ਉਮੀਦ ਹੈ।

'ਦਿ ਕ੍ਰਿਏਟਿਵ ਸਕੂਲ ਦੇ ਸਹਾਇਕ ਪ੍ਰੋਫੈਸਰ ਡਾ. ਚਾਰਲੀ ਵਾਲ ਨੇ ਇਸ ਕੋਰਸ ਨੂੰ ਇਕ ਮੀਲ ਪੱਥਰ ਦੱਸਿਆ ਅਤੇ ਕਿਹਾ ਕਿ ਦਿਲਜੀਤ ਦੀ ਇਹ ਯਾਤਰਾ ਵਿਸ਼ਵ ਪੱਧਰ ਤੇ ਪੰਜਾਬੀ ਸੰਗੀਤ ਦੇ ਸੱਭਿਆਚਾਰਕ ਪ੍ਰਭਾਵ ਅਤੇ ਆਰਥਿਕ ਸੰਭਾਵਨਾਵਾਂ ਨੂੰ ਦਰਸਾਉਂਦੀ ਹੈ। ਇਸ ਤੋਂ ਜ਼ਾਹਰ ਹੁੰਦਾ ਹੈ ਕਿ ਕਿਸ ਤਰ੍ਰਾਂ ਖੇਤਰੀ ਕਲਾਕਾਰ ਵੀ ਅੱਜ ਗਲੋਬਲ ਬਿਰਤਾਂਤ ਸਿਰਜ ਰਹੇ ਹਨ।