ਦਿਲਜੀਤ ਦੋਸਾਂਝ ਦੇ 'ਸਕਾਟਿਸ਼' ਕਿੱਸੇ

Jasmine Singh

ਕੌਮਾਂਤਰੀ ਪ੍ਰਸਿੱਧੀ ਪ੍ਰਾਪਤ ਗਾਇਕ ਅਤੇ ਅਦਾਕਾਰ ਦਿਲਜੀਤ ਦੋਸਾਂਝ ਇਨ੍ਹੀਂ ਦਿਨੀਂ ਸਕਾਟਲੈਂਡ ਦੇ ਮਨਮੋਹਕ ਖ਼ੇਤਰਾਂ 'ਚ ਆਪਣੀ ਆਉਣ ਵਾਲੀ ਫ਼ਿਲਮ ਸਰਦਾਰ ਜੀ 3 ਦੀ ਸ਼ੂਟਿੰਗ 'ਚ ਰੁਝੇ ਹੋਏ ਹਨ। ਇਸ ਫ਼ਿਲਮ ਦਾ ਨਿਰਦੇਸ਼ਨ ਅਮਰ ਹੁੰਦਲ ਵਲੋਂ ਕੀਤਾ ਗਿਆ ਹੈ, ਜਿਸ ਨੂੰ ਵਾਰਨਿੰਗ ਅਤੇ ਰਜਨੀ ਵਰਗੀਆਂ ਫ਼ਿਲਮਾਂ ਲਈ ਜਾਣਿਆ ਜਾਂਦਾ ਹੈ। ਇਸ ਫ਼ਿਲਮ 'ਚ ਦਿਲਜੀਤ ਅਤੇ ਨੀਰੂ ਬਾਜਵਾ ਇਕੱਠੇ ਕੰਮ ਕਰ ਰਹੇ ਹਨ। ਬਲਾਕਬਸਟਰ ਹਿੱਟ ਫ਼ਿਲਮਾਂ ਸਰਦਾਰ ਜੀ ਅਤੇ ਸਰਦਾਰ ਜੀ 2 ਤੋਂ ਬਾਅਦ ਅਕਸਰ ਸਰਦਾਰ ਜੀ 3 ਬਾਰੇ ਵੀ ਅੰਦਾਜ਼ੇ ਲਗਾਏ ਜਾਂਦੇ ਸਨ, ਜੋ ਕਿ ਹੁਣ ਹਕੀਕਤ 'ਚ ਬਦਲ ਰਹੇ ਹਨ। ਪਹਿਲੀਆਂ ਦੋਵੇਂ ਫ਼ਿਲਮ ਬਹੁਤ ਸਫ਼ਲ ਰਹੀਆਂ ਅਤੇ ਉਨ੍ਹਾਂ ਨੇ ਕਰੋੜਾਂ ਦੀ ਕਮਾਈ ਕੀਤੀ।

ਦਿਲਜੀਤ ਅਤੇ ਅਮਰ ਹੁੰਦਲ ਵਲੋਂ ਪਰਦੇ ਪਿਛਲੇ ਕਈ ਚਿੱਤਰਾਂ ਰਾਹੀਂ ਸਕਾਟਲੈਂਡ ਦੀਆਂ ਖ਼ੂਬਸੂਰਤ ਲੋਕੇਸ਼ਨ ਅਤੇ ਦਿਲਕਸ਼ ਨਜ਼਼ਾਰਿਆਂ ਦੀਆਂ ਝਲਕੀਆਂ ਪ੍ਰਸ਼ੰਸਕਾਂ ਤੱਕ ਪੁੱਜ ਰਹੀਆਂ ਰਨ। ਇਨ੍ਹਾਂ ਝਲਕੀਆਂ 'ਚ ਬਲਜੀਤ ਦਿਓ ਦੇ ਵੀ ਚਰਚੇ ਹਨ ਜੋ ਇਸ ਫ਼ਿਲਮ ਦੀ ਕੋਰਿਓਗ੍ਰਾਫ਼ੀ ਸੰਭਾਲ ਰਹੇ ਹਨ। ਹਾਲ 'ਚ ਆਪਣੇ ਦਿਲ ਲੁਮਿਨਾਤੀ ਟੂਰ ਨੂੰ ਸਫ਼ਲਤਾ ਸਾਹਿਤ ਸਮੇਟਣ ਤੋਂ ਬਾਅਦ ਦਿਲਜੀਤ ਸੰਨੀ ਦਿਓਲ ਨਾਲ ਬਾਰਡਰ 2 'ਚ ਵੀ ਵੱਡੇ ਪਰਦੇ ਤੇ ਨਜ਼ਰ ਆਵੇਗਾ।