ਦੀਪਿਕਾ ਕੱਕੜ ਨੂੰ ਹੋਈ ਲੀਵਰ ਟਿਊਮਰ ਦੀ ਸਮੱਸਿਆ

ਟੈਲੀਵਿਜ਼ਨ ਅਦਾਕਾਰਾ ਦੀਪਿਕਾ ਕੱਕੜ, ਜਿਸ ਨੂੰ ਕਿ 'ਸਸੁਰਾਲ ਸਿਮਰ ਕਾ' 'ਚ ਉਸ ਦੀ ਪੇਸ਼ਕਾਰੀ ਲਈ ਵੱਡੀ ਪ੍ਰਸਿੱਧੀ ਮਿਲੀ ਸੀ ਨੂੰ ਹਾਲ ਹੀ 'ਚ ਲੀਵਰ ਦੇ ਟਿਊਮਰ ਦਾ ਰੋਗ ਸਾਹਮਣੇ ਆਇਆ ਹੈ। ਦੀਪਿਕਾ ਦੇ ਪਤੀ ਅਤੇ ਸਾਥੀ ਅਭਿਨੇਤਾ ਸ਼ੋਇਬ ਇਬਰਾਹਿਮ ਨੇ ਇਕ ਬਲਾਗ 'ਚ ਇਸ ਸਮੱਸਿਆ ਦਾ ਜ਼ਿਕਰ ਕੀਤਾ ਹੈ। ਇਸ ਖ਼ਬਰ ਕਾਰਨ ਜੋੜੇ ਅਤੇ ਉਨ੍ਹਾਂ ਦੇ ਪਰਿਵਾਰ ਨੂੰ ਕਾਫੀ ਝਟਕਾ ਲੱਗਾ ਹੈ। ਸ਼ੋਇਬ ਨੇ ਆਪਣੇ ਪ੍ਰਸ਼ੰਸਕਾਂ ਨੂੰ ਇਹ ਅਪੀਲ ਵੀ ਕੀਤੀ ਹੈ ਕਿ ਉਹ ਦੀਪਿਕਾ ਦੀ ਸਿਹਤਯਾਬੀ ਲਈ ਪ੍ਰਾਰਥਨਾ ਕਰਨ।

'ਆਪਣੇ ਬਲਾਗ 'ਚ ਉਸ ਨੇ ਜ਼ਿਕਰ ਕੀਤਾ ਕਿ ਦੀਪਿਕਾ ਪਿਛਲੇ ਕੁਝ ਸਮੇਂ ਤੋਂ ਸਿਹਤ ਦੀ ਸਮੱਸਿਆ ਮਹਿਸੂਸ ਕਰ ਰਹੀ ਸੀ। ਜਦੋਂ ਮੈਂ ਚੰਡੀਗੜ੍ਹ 'ਚ ਸਾਂ ਪਰ ਉਸ ਨੂੰ ਪੇਟ 'ਚ ਦਰਦ ਦੀ ਤਕਲੀਫ ਰਹਿਣ ਲੱਗੀ ਸੀ। ਅਸੀਂ ਤਾਂ ਇਸ ਨੂੰ ਐਸੇਟੀਟੀ ਹੀ ਮੰਨ ਰਹੇ ਸਾਂ ਪਰ ਜਦੋਂ ਤਕਲੀਫ ਹੋ ਵੱਧ ਗਈ ਤਾਂ ਸਾਡੇ ਪਰਿਵਾਰਕ ਡਾਕਟਰ ਨੇ ਕੁਝ ਦਵਾਈਆਂ ਤੇ ਟੈਸਟਾਂ ਦੀ ਸਿਫ਼ਾਰਿਸ਼ ਕੀਤੀ।' ਸ਼ੋਇਬ ਨੇ ਆਪਣੇ ਬਲਾਗ ਦੇ ਅਖੀਰ 'ਚ ਲਿਖਿਆ ਪ੍ਰਸ਼ੰਸਕਾਂ ਨੂੰ ਇਸ ਔਖੀ ਘੜੀ 'ਚ ਦੀਪਿਕਾ ਲਈ ਪ੍ਰਾਰਥਨਾ ਕਰਨੀ ਚਾਹੀਦੀ ਹੈ।