21.82C Vancouver 21.82C VancouverDec 8, 2021 9:49 PM - ANI
ਇਹ ਆਸ ਨਾ ਰੱਖੋ ਕਿ ਸੰਗੀਤ ਦੀ ਸਭ ਤੋਂ ਅਹਿਮ ਤੇ ਸ਼ਾਨਾਮੱਤੀ ਰਾਤ ਨੂੰ ਡਰੇਕ ਟਰਾਫੀ ਹਾਸਲ ਕਰਨਗੇ।
ਦਰਅਸਲ ਇਹ ਕਲਾਕਾਰ 2022 ਦੇ ਗਰੈਮੀ ਐਵਾਰਡਜ਼ ਦੇ ਮੁਕਾਬਲਿਆਂ ਚ ਹਿੱਸਾ ਹੀ ਨਹੀਂ ਲੈ ਰਿਹਾ ਅਤੇ ਆਪਣੀਆਂ ਦੋ ਨਾਮੀਨੇਸ਼ਨਜ਼ ਵਾਪਸ ਲੈ ਲਈਆਂ ਹਨ।'ਪੀਪਲ' ਰਸਾਲੇ ਅਨੁਸਾਰ ਡਰੇਕ ਅਤੇ ਉਸ ਦੇ ਪ੍ਰਬੰਧਕਾਂ ਨੇ 'ਸਰਟੀਫਾਈਡ ਲਵਰ ਬੁਆਏ' ਐਲਬਮ ਲਈ ਗਰੈਮੀ ਐਵਾਰਡਜ਼ ਨਾਮੀਨੇਸ਼ਨ ਵਾਪਸ ਲੈ ਲਈ ਹੈ ਜੋ ਕਿ ਬੈਸਟ ਰੈਪ ਐਲਬਮ ਲਈ ਸੀ ਅਤੇ ਇੰਜ ਹੀ 'ਵੇਅ 2 ਸੈਕਸੀ' ਦੀ ਨਾਮੀਨੇਸ਼ਨ ਵੀ ਵਾਪਸ ਲੈ ਲਈ ਹੈ ਜਿਹੜੀ ਕਿ ਬੈਸਟ ਰੈਪ ਪਰਫਾਰਮੈਂਸ ਲਈ ਸੀ।
ਸੂਤਰਾਂ ਨੇ ਵੈਰਾਇਟੀ ਨੂੰ ਦੱਸਿਆ ਕਿ ਇਹ ਫ਼ੈਸਲਾ ਡਰੇਕ ਅਤੇ ਉਸ ਦੇ ਪ੍ਰਬੰਧਨ ਵੱਲੋਂ ਲਿਆ ਗਿਆ ਸੀ ਅਤੇ ਗ੍ਰੈਮੀਜ਼ ਨੇ ਇਸ ਅਰਜ਼ ਦਾ ਮਾਣ ਰੱਖਿਆ ਹੈ ਭਾਵੇਂ ਕਿ ਡਰੇਕ ਦਾ ਮੰਤਵ ਅਜੇ ਸਾਫ਼ ਸਾਫ਼ ਪਤਾ ਨਹੀਂ ਲੱਗਾ।ਰੈਪਰ ਦਾ ਇਹ ਫੈਸਲਾ ਉਸ ਵੱਲੋਂ ਇਸ ਅਵਾਰਡ ਸ਼ੋਅ ਦੀ ਆਲੋਚਨਾ ਦੇ ਤਕਰੀਬਨ ਇਕ ਸਾਲ ਪਿੱਛੋਂ ਆਇਆ ਹੈ ਜਦ ਉਸ ਨੇ ਕਿਹਾ ਸੀ ਕਿ ਉਸ ਦੀ ਐਲਬਮ 'ਆਫਟਰ ਆਵਰਜ਼' ਅਤੇ ਖਾਸ ਕਰਕੇ ਇਸ ਦੇ ਹਿੱਟ ਸਿੰਗਲ 'ਬਲਾਈਂਡਿੰਗ ਲਾਈਟਸ' ਨੂੰ ਬੇਹੱਦ ਸਫ਼ਲਤਾ ਮਿਲਣ ਪਿੱਛੋਂ 'ਦਿ ਵੀਕੈਂਡ' ਨੂੰ ਕਿਸੇ ਐਵਾਰਡ ਲਈ ਨਾਮਜ਼ਦ ਕਿਓਂ ਨਹੀਂ ਸੀ ਕੀਤਾ ਗਿਆ।
