ਦੁਆ ਲੀਪਾ ਨੇ ਕੈਲਮ ਟਰਨਰ ਨਾਲ ਰਿਸ਼ਤੇ ਦਾ ਕੀਤਾ ਐਲਾਨ

ਲੇਵੀਟੇਟਿੰਗ, ਹੂਡੀਨੀ ਅਤੇ ਡਾਂਸ ਦਿ ਨਾਈਟ ਵਰਗੇ ਹਿੱਟ ਗੀਤਾਂ ਲਈ ਪ੍ਰਸਿੱਧ ਹੋਈ ਸੰਸਾਰ ਪੱਧਰੀ ਪਾਪ ਗਾਇਕਾ ਦੁਆ ਲੀਪਾ ਨੇ ਬ੍ਰਿਟਿਸ਼ ਅਦਾਕਾਰ ਕੈਲਮ ਟਰਨਰ ਨਾਲ ਆਪਣੀ ਸਗਾਈ ਦਾ ਰਸਮੀ ਤੌਰ 'ਤੇ ਐਲਾਨ ਕਰ ਦਿੱਤਾ ਹੈ। ਉਸ ਨੇ ਪੁਸ਼ਟੀ ਕੀਤੀ ਅਸੀਂ ਰਿਸ਼ਤੇ 'ਚ ਬੱਝ ਚੁੱਕੇ ਹਾਂ।

ਉਸ ਨੇ ਅੱਗੇ ਕਿਹਾ, ਇਹ ਬਹੁਤ ਜ਼ਿਆਦਾ ਰੋਮਾਂਚਕ ਗੱਲ਼ ਹੈ। ਕਿਸੇ ਨਾਲ ਇਕੱਠਿਆਂ ਜੀਵਣ ਜਿਊਣਾ, ਸਦਾ ਲਈ ਚੰਗੇ ਦੋਸਤ ਬਣੇ ਰਹਿਣਾ ਅਤੇ ਇਕੱਠੇ ਬੁੱਢੇ ਹੋਣ ਦਾ ਰਾਹ ਚੁਨਣਾ ਇਕ ਬੜਾ ਸੁੰਦਰ ਅਤੇ ਸਾਰਥਕ ਅਹਿਸਾਸ ਹੈ।

ਗਾਇਕਾ ਨੇ ਵਿਆਹ ਸੰਬੰਧੀ ਤਾਰੀਖ਼ਾਂ ਦਾ ਅਜੇ ਖੁਲਾਸਾ ਨਹੀਂ ਕੀਤਾ ਪਰ ਉਸ ਨੇ ਅਜੇ ਇਹ ਗੱਲ ਸਾਂਝੀ ਕੀਤੀ ਹੈ ਕਿ ਉਨ੍ਹਾਂ ਦਾ ਰੋਮਾਂਸ ਪਿਛਲੇ ਸਾਲ ਜਨਵਰੀ ਚ ਲੰਡਨ ਦੇ ਇਕ ਕੈਫੇ 'ਚ ਸ਼ੁਰੂ ਹੋਇਆ ਸੀ। ਉਦੋਂ ਤੋਂ ਉਨ੍ਹਾਂ ਦੇ ਪਿਆਰ ਦੀਆਂ ਗੰਢਾਂ ਲਗਾਤਾਰ ਪੱਕੀਆਂ ਹੁੰਦੀਆਂ ਰਹੀਆਂ। ਹੁਣ ਤਾਂ ਪ੍ਰਸ਼ੰਸਕਾਂ ਨੂੰ ਉਸ ਦੇ ਵਿਆਹ ਵਾਲੇ ਦਿਨ ਦਾ ਇੰਤਜ਼ਾਰ ਹੈ।