ਅਕਸ਼ੈ ਨਾਲ ਨਰਾਜ਼ਗੀ ਦੀ ਖ਼ਬਰਾਂ 'ਤੇ ਕਪਿਲ ਦੀ ਪ੍ਰਤਿਕ੍ਰਿਆ, ਕਿਹਾ — ''ਸਭ ਠੀਕ ਹੈ''

ਅਦਾਕਾਰ ਅਕਸ਼ੈ ਕੁਮਾਰ ਅਤੇ ਕਾਮੇਡੀਅਨ ਕਪਿਲ ਸ਼ਰਮਾ ਵਿਚਾਲੇ ਸਭ ਕੁਝ ਠੀਕ ਠਾਕ ਹੈ। ਕਪਿਲ ਨੇ ਟਵਿੱਟਰ 'ਤੇ ਉਨ੍ਹਾਂ ਅਫ਼ਵਾਹਾਂ ਪ੍ਰਤੀ ਪ੍ਰਤੀਕ੍ਰਿਆ ਦਿੱਤੀ, ਜਿਸ ਵਿਚ ਕਿਹਾ ਗਿਆ ਸੀ ਕਿ ਅਕਸ਼ੈ ਨੇ ਆਪਣੀ ਫਿ਼ਲਮ 'ਬਚਨ ਪਾਂਡੇ' ਦੇ ਪ੍ਰਮੋਸ਼ਨ ਲਈ ਉਸ ਦੇ ਸ਼ੋਅ 'ਤੇ ਆਉਣ ਤੋਂ ਇਨਕਾਰ ਕਰ ਦਿੱਤਾ ਹੈ। ਉਸ ਨੇ ਟਵੀਟ ਕਰਕੇ ਕਿਹਾ ਕਿ ਅਕਸ਼ੈ ਉਸ ਦਾ ਵੱਡਾ ਭਰਾ ਹੈ ਅਤੇ ਉਹ ਬਹੁਤ ਜਲਦੀ ਉਸ ਨੂੰ ਮਿਲਣ ਵਾਲਾ ਹੈ।

''ਪਿਆਰੇ ਦੋਸਤੋ, ਮੀਡੀਆ ਵਿਚ ਮੈਂ ਆਪਣੇ ਤੇ ਅਕਸ਼ੈ ਭਾਜੀ ਬਾਰੇ ਖ਼ਬਰਾਂ ਪੜ੍ਹ ਰਿਹਾ ਸੀ, ਮੈਂ ਭਾਜੀ ਨਾਲ ਗੱਲ ਕੀਤੀ ਹੈ ਇਹ ਸਭ ਕੁਝ ਸਪਸ਼ਟ ਕੀਤਾ ਹੈ। ਇਹ ਗੱਲਬਾਤ ਵਿਚ ਵਕਫ਼ਾ ਪੈਣ ਕਰਕੇ ਹੋਇਆ। ਅਸੀਂ ਬਹੁਤ ਜਲਦੀ 'ਬਚਨ ਪਾਂਡੇ' ਐਪੀਸੋਡ ਦੀ ਸ਼ੂਟਿੰਗ ਲਈ ਮਿਲ ਰਹੇ ਹਾਂ। ਉਹ ਮੇਰਾ ਵੱਡਾ ਭਰਾ ਅਤੇ ਮੇਰੇ ਨਾਲ ਕਦੇ ਨਾਰਾਜ਼ ਨਹੀਂ ਹੋ ਸਕਦਾ।" ਕਪਿਲ ਨੇ ਟਵੀਟ ਵਿਚ ਲਿਖਿਆ।

ਇਸ ਮਾਮਲੇ ਤੋਂ ਅਣਜਾਣ ਪਾਠਕਾਂ ਲਈ ਇਹ ਸਪਸ਼ਟ ਕਰ ਦੇਈਏ ਕਿ ਅਕਸ਼ੈ ਅਤੇ ਕਪਿਲ ਵਿਚ ਤਣਾਅ ਦੀਆਂ ਕਈ ਖ਼ਬਰਾਂ ਮੀਡੀਆ ਵਿਚ ਆ ਰਹੀਆਂ ਹਨ। ਰਿਪੋਰਟਾਂ ਮੁਤਾਬਕ ਅਕਸ਼ੈ ਕਪਿਲ ਨਾਲ ਨਾਰਾਜ਼ ਹੈ ਕਿਉਂਕਿ ਕਪਿਲ ਦੇ ਸ਼ੌਅ ਦੌਰਾਨ ਕਈ ਮਜ਼ਾਕੀਆ ਸੀਨ ਲੀਕ ਕਰ ਦਿੱਤੇ ਗਏ ਸਨ। ਇਸ ਹਿੱਸੇ ਵਿਚ ਕਾਮੇਡੀਅਨ ਨੇ ਪ੍ਰਧਾਨ ਮੰਤਰੀ ਮੋਦੀ ਨਾਲ ਅਕਸ਼ੈ ਦੇ ਇੰਟਰਵਿਊ ਦਾ ਅਸਿੱਧੇ ਤੌਰ 'ਤੇ ਮਜ਼ਾਕ ਉਡਾਇਆ। ਜਦਕਿ ਟੀਵੀ 'ਤੇ ਇਹ ਸੀਨ ਪ੍ਰਸਾਰਿਤ ਨਾ ਕਰਨ 'ਤੇ ਸਹਿਮਤੀ ਦਿੱਤੀ ਗਈ ਸੀ। ਇਸੇ ਸੀਨ ਦੀ ਫੁਟੇਜ ਸੋਸ਼ਲ ਮੀਡੀਆ 'ਤੇ ਲੀਕ ਹੋ ਗਈ ਸੀ।