12.05C Vancouver 12.05C VancouverMar 27, 2025 4:52 PM - Connect Newsroom
ਪੰਜਾਬੀ ਸੰਗੀਤ ਉਦਯੋਗ 'ਚ ਚੰਨੀ ਨੱਤਾਂ ਅਤੇ ਇੰਦਰਪਾਲ ਮੋਗਾ 2 ਅਜਿਹੇ ਹਰਮਨ ਪਿਆਰੇ ਕਲਾਕਾਰ ਹਨ, ਜਿਨ੍ਹਾਂ ਨੂੰ ਉਨ੍ਹਾਂ ਦੀ ਪੇਸ਼ਕਾਰੀ ਲਈ ਪ੍ਰਸ਼ੰਸਕਾਂ ਤੋਂ ਢੇਰ ਸਾਰਾ ਪਿਆਰ ਮਿਲਦਾ ਹੈ। ਪਿਛਲੇ ਦਿਨੀਂ ਕੁਨੈਕਟ ਸਿਨੇ ਨਾਲ ਇਸ ਜੋੜੀ ਦੀ ਇਕ ਵਿਸ਼ੇਸ਼ ਗੱਲਬਾਤ ਹੋਈ, ਜਿਸ 'ਚ ਉਨ੍ਹਾਂ ਨੇ ਦਿਲਜੀਤ ਦੋਸਾਂਝ ਦੀ ਵੀਡੀਓ ਅਬੰਰੇਲਾ ਦੇ ਸੰਬੰਧ 'ਚ ਕਈ ਖੁਲਾਸੇ ਕੀਤੇ।
'ਅੰਬੇਰਲਾ' ਨੂੰ ਚੰਨੀ ਨੱਤਾਂ ਦੇ ਪ੍ਰਸਿੱਧ ਟਰੈਕਾਂ 'ਚੋਂ ਇਕ ਮੰਨਿਆ ਜਾਂਦਾ ਹੈ ਅਤੇ ਹੈਰਾਨੀ ਦੀ ਗੱਲ ਇਹ ਹੈ ਕਿ ਪ੍ਰਸ਼ੰਸਕਾਂ ਨੇ 'ਅੰਬਰੇਲਾ' ਦੀ ਵੀਡੀਓ 'ਚੋਂ ਉਸ ਦੀ ਗੈਰ-ਹਾਜ਼ਰੀ ਨੂੰ ਨੋਟਿਸ ਕੀਤਾ ਹੋਵੇਗਾ। ਇਸ ਵੀਡੀਓ ਤੋਂ ਬਾਹਰ ਕੀਤੇ ਜਾਣ ਸੰਬੰਧੀ ਗੱਲਬਾਤ ਕਰਦਿਆਂ ਚੰਨੀ ਨੇ ਦੱਸਿਆ ਕਿ ਉਹ ਅਤੇ ਇੰਦਰਪਾਲ ਦੋਵੇਂ ਇਸ ਵੀਡੀਓ ਦਾ ਹਿੱਸਾ ਬਣਨ ਵਾਲੇ ਸਨ। ਇਸ ਗੱਲ ਨੂੰ ਲੈ ਕੇ ਸਾਰੇ ਬਹੁਤ ਖ਼ੁਸ਼ ਹਨ। ਉਨ੍ਹਾਂ ਨੂੰ ਇਸ ਐਲਬਮ 'ਚ ਸ਼ਾਮਲ ਹੋਣਾ ਬੜਾ ਜੋਸ਼ ਭਰਪੂਰ ਲੱਗਦਾ ਸੀ ਅਤੇ ਸ਼ੂਟਿੰਗ ਲਈ ਉਨ੍ਹਾਂ ਨੇ ਆਪਣੇ ਵਿਸ਼ੇਸ਼ ਪਹਿਰਾਵੇ ਵੀ ਖਰੀਦ ਲਏ ਸਨ ਪਰ ਬਾਅਦ 'ਚ ਅਜਿਹੀ ਗਲਤ ਫ਼ਹਿਮੀ ਹੋਈ, ਜਿਸ ਕਾਰਨ ਆਖਲੀ ਪਲਾਂ 'ਚ ਵੀਡੀਓ ਤੋਂ ਬਾਹਰ ਕਰ ਦਿੱਤਾ ਗਿਆ।
ਚੰਨੀ ਦਾ ਕਹਿਣਾ ਹੈ ਕਿ ਕਿਸੇ ਨੇ ਉਨ੍ਹਾਂ ਨੇ ਖ਼ਿਲਾਫ਼ ਦਿਲਜੀਤ ਦੀ ਟੀਮ ਕੋਲ ਝੂਠ ਬੋਲਿਆ ਅਤੇ ਚੁੰਗਲੀਆਂ ਲਾਈਆਂ। ਜਿਸ ਕਰਕੇ ਉਨ੍ਹਾਂ ਨੂੰ ਪਾਸੇ ਹਟਾ ਦਿੱਤਾ ਗਿਆ। ਅਜਿਹਾ ਵਾਪਰਣ ਦੇ ਬਾਵਜੂਦ ਦੋਵੇਂ ਵੀਡੀਓ ਲਈ ਖਰੀਦੇ ਪਹਿਰਾਵੇ 'ਚ ਸੈਟ 'ਤੇ ਮੌਜੂਦ ਰਹੇ। ਮਾਮਲਾ ਕਾਫ਼ੀ ਨਿਰਾਸ਼ਾਜਨਕ ਸੀ ਪਰ ਫਿਰ ਅਚਾਨਕ ਦਿਲਜੀਤ ਨੇ ਦੋਹਾਂ ਨਾਲ ਸੰਪਰਕ ਕੀਤਾ ਅਤੇ ਸਥਿਤੀ ਨੂੰ ਸੰਭਾਲਣ ਦੀ ਕੋਸ਼ਿਸ਼ ਕੀਤੀ।
'ਅੰਬਰੇਲਾ' ਦੀ ਕਹਾਣੀ ਨਾਂ ਸਿਰਫ ਅਚਨਚੇਤ ਲੱਗਣ ਵਾਲੇ ਝਟਕਿਆਂ 'ਤੇ ਰੋਸ਼ਨੀ ਪਾਉਂਦੀ ਹੈ ਸਗੋਂ ਦਿਲਜੀਤ ਦੋਸਾਂਝ ਦੀ ਚੀਜ਼ਾਂ ਨੂੰ ਠੀਕ ਕਰਨ ਦੀ ਇੱਛਾ ਸ਼ਕਤੀ ਨੂੰ ਵੀ ਦਰਸਾਉਂਦੀ ਹੈ।
