6.38C Vancouver 6.38C VancouverFeb 12, 2025 12:38 PM - Connect Newsroom
'ਸਨਮ ਤੇਰੀ ਕਸਮ' (2016) ਦੀ ਜ਼ਬਰਦਸਤ ਫੈਨ ਫੋਲੋਇੰਗ ਨੂੰ ਕੌਣ ਨਹੀਂ ਜਾਣਦਾ? ਰਾਧਿਕਾ ਰਾਓ ਅਤੇ ਵਿਨੈ ਸਪਰੂ ਵਲੋਂ ਨਿਰਦੇਸ਼ਿਤ, ਇਸ ਫਿਲਮ 'ਚ ਹਰਸ਼ਵਰਧਨ ਰਾਣੇ ਅਤੇ ਮਾਵਰਾ ਹੋਕੇਨ ਮੁੱਖ ਭੂਮਿਕਾਵਾਂ ਵਿੱਚ ਸਨ ਅਤੇ ਬਾਲੀਵੁੱਡ ਦੇ ਸਭ ਤੋਂ ਪਿਆਰੇ ਰੋਮਾਂਟਿਕ ਡਰਾਮੇ ਵਿਚੋਂ ਇਕ ਹੈ।
ਪਾਕਿਸਤਾਨੀ ਅਦਾਕਾਰਾ ਮਾਵਰਾ ਹੋਕੇਨ ਹਾਲ ਹੀ 'ਚ ਅਦਾਕਾਰ ਅਮੀਰ ਗਿਲਾਨੀ ਦੇ ਨਾਲ ਵਿਆਹ ਦੇ ਬੰਧਨ 'ਚ ਬੱਝੀ ਹੈ। ਜਿਸ ਦੇ ਕਾਰਨ ਉਹ ਸੁਰਖੀਆਂ 'ਚ ਹੈ। ਇਸ ਖ਼ਾਸ ਮੌਕੇ ਤੇ ਉਸ ਦੇ 'ਸਨਮ ਤੇਰੀ ਕਸਮ' ਦੇ ਸਹਿ-ਕਲਾਕਾਰ ਹਰਸ਼ਵਰਧਨ ਰਾਣੇ ਨੇ ਆਪਣੀ ਦਿਲੋਂ ਸ਼ੁੱਭਕਾਮਨਾਵਾਂ ਸਾਂਝੀਆਂ ਕੀਤੀਆਂ ਹਨ।
ਕੁਨੈਕਟ ਸਿਨੇ 'ਤੇ ਫਰੀਦੂਨ ਸ਼ਹਿਰਯਾਰ ਨਾਲ ਇਕ ਵਿਸ਼ੇਸ਼ ਇੰਟਰਵਿਊ ਵਿੱਚ, ਹਰਸ਼ਵਰਧਨ ਨੇ ਭਾਰਤ ਵਿੱਚ ਫਿਲਮ ਦੀ ਮੁੜ ਰਿਲੀਜ਼ ਨੂੰ ਮਿਲੇ ਭਰਵੇਂ ਹੁੰਗਾਰੇ ਬਾਰੇ ਗੱਲ ਕੀਤੀ ਅਤੇ ਮਾਵਰਾ ਨੂੰ ਇਕ ਵਿਲੱਖਣ ਤਰੀਕੇ ਨਾਲ ਆਪਣੀਆਂ ਸ਼ੁਭਕਾਮਨਾਵਾਂ ਦਿੱਤੀਆਂ।
“ਮੈਂ ਉਸ ਨੂੰ ਨੰਬਰਾਂ ਜ਼ਰੀਏ ਸ਼ੁਭਕਾਮਨਾਵਾਂ ਦੇਣਾ ਚਾਹਾਂਗਾ। ਮੈਨੂੰ ਲੱਗਦਾ ਹੈ ਕਿ ਇਹ ਮੇਰੀ ਗਲਤੀ ਹੈ ਕਿ ਜਦੋਂ ਇਸ ਫਿਲਮ ਨੂੰ ਉਮੀਦ ਅਨੁਸਾਰ ਹੁੰਗਾਰਾ ਨਹੀਂ ਮਿਲਿਆ, ਤਾਂ ਮੇਰਾ ਸਾਰਿਆਂ ਨਾਲ ਸੰਪਰਕ ਟੁੱਟ ਗਿਆ -ਸਾਡੇ ਨਿਰਦੇਸ਼ਕਾਂ,ਨਿਰਮਾਤਾਵਾਂ,ਅਦਾਕਾਰਾਂ,ਜਿਨ੍ਹਾਂ ਵਿੱਚ ਮਾਵਰਾ ਵੀ ਸ਼ਾਮਲ ਹੈ। ਉਹ ਆਪਣੀਆਂ ਵਿਆਹ ਦੀਆਂ ਤਸਵੀਰਾਂ ਵਿੱਚ ਖੂਬਸੂਰਤ ਲੱਗ ਰਹੀ ਹੈ,ਅਤੇ ਮੈਨੂੰ ਉਮੀਦ ਹੈ ਕਿ ਉਸਦੀ ਚਮਕ ਕਈ ਗੁਣਾ ਵੱਧ ਜਾਵੇਗੀ,ਖਾਸ ਕਰਕੇ 'ਸਨਮ ਤੇਰੀ ਕਸਮ' ਨੂੰ ਇਸ ਦੇ ਦੁਬਾਰਾ ਰਿਲੀਜ਼ ਹੋਣ 'ਤੇ ਮਿਲ ਰਹੇ ਪਿਆਰ ਨਾਲ। "
ਉਸ ਸਮੇਂ ਬਾਕਸ-ਆਫਿਸ 'ਤੇ ਇਸ ਦੇ ਨਿਰਾਸ਼ਾਜਨਕ ਪ੍ਰਦਰਸ਼ਨ ਦੇ ਬਾਵਜੂਦ,'ਸਨਮ ਤੇਰੀ ਕਸਮ' ਪ੍ਰਸ਼ੰਸਕਾਂ ਦੀ ਪਸੰਦੀਦਾ ਬਣੀ ਹੋਈ ਹੈ,ਜਿਸ ਨੂੰ ਅਕਸਰ ਬਾਲੀਵੁੱਡ ਦੀਆਂ ਸਭ ਤੋਂ ਵਧੀਆ ਰੋਮਾਂਟਿਕ ਫਿਲਮਾਂ ਵਿੱਚੋਂ ਇੱਕ ਵਜੋਂ ਮਨਾਇਆ ਜਾਂਦਾ ਹੈ। ਪ੍ਰਸ਼ੰਸਕਾਂ ਦੇ ਪਿਆਰ ਅਤੇ ਮੰਗ ਦਾ ਜਵਾਬ ਦਿੰਦੇ ਹੋਏ, ਨਿਰਮਾਤਾਵਾਂ ਨੇ ਹੁਣ ਅਧਿਕਾਰਤ ਤੌਰ 'ਤੇ ਇੱਕ ਸੀਕਵਲ ਦਾ ਐਲਾਨ ਕੀਤਾ ਹੈ, ਜੋ 2026 ਵਿੱਚ ਰਿਲੀਜ਼ ਹੋਣ ਲਈ ਤਿਆਰ ਹੈ।
