10.02C Vancouver 10.02C VancouverJan 31, 2025 11:29 AM - Connect Newsroom
ਅਭਿਨੇਤਰੀ ਆਲਿਆ (ਐਫ) ਨੂੰ ਉਸ ਦੀ ਤੇਜ਼ ਬੁੱਧੀ ਅਤੇ ਆਕਰਸ਼ਨ ਲਈ ਜਾਣਿਆ ਜਾਂਦਾ ਹੈ। ਬੇਦੀ ਪਰਿਵਾਰ 'ਚ ਪੈਦਾ ਹੋਈ ਅਮਰੀਕਨ ਅਭਿਨੇਤਰੀ ਆਲਿਆ ਨੇ ਪਿਛਲੇ ਦਿਨੀਂ ਕੁਨੈਕਟ ਸਿਨੇ ਲਈ ਫਰੀਦੂਨ ਸ਼ਹਿਰਯਾਰ ਨਾਲ ਇਕ ਵਿਸ਼ੇਸ਼ ਗੱਲਬਾਤ 'ਚ ਆਪਣੀ ਮਾਂ ਪੂਜਾ ਬੇਦੀ ਦੀ ਫ਼ਿਲਮ 'ਜੋ ਜੀਤਾ ਵਹੀ ਸਿਕੰਦਰ' ਬਾਰੇ ਕਈ ਖ਼ੁਲਾਸੇ ਕੀਤੇ। ਇਸ ਫ਼ਿਲਮ ਦੀ ਸਟਾਰ ਕਾਸਟ ਨੂੰ ਲੈ ਕੇ ਉਹ ਬੜੀ ਉਤਸ਼ਾਹਿਤ ਹੈ ਅਤੇ ਉਸ ਸੰਬੰਧੀ ਕਈ ਸੁਪਨੇ ਬੁਣ ਰਹੀ ਹੈ।
ਉਸ ਦਾ ਕਹਿਣਾ ਹੈ ਕਿ ਆਮਿਰ ਖਾਨ (ਸੰਜੂ ਦੀ ਭੂਮਿਕਾ ਲਈ ਉਸ ਦੇ ਮਨ 'ਚ ਈਸ਼ਾਨ ਖੱਟਰ, ਵੇਦਾਂਗ ਰੈਨਾ, ਜਾਂ ਅਗਸਤਿਆ ਨੰਦਾ ਬੜੇ ਮਜ਼ਬੂਤ ਦਾਅਵੇਦਾਰ ਹਨ। ਆਪਣੀ ਮਾਂ ਦੇ ਕਿਰਦਾਰ ਦੇਵਿਕਾ ਸੰਬੰਧੀ ਉਹ ਮਹਿਸੂਸ ਕਰਦੀ ਹੈ ਕਿ ਜਾਨ੍ਹਵੀ ਕਪੂਰ ਅਤੇ ਸ਼ਰਵਰੀ ਪੂਰੀ ਤਰ੍ਹਾਂ ਫ਼ਿਟ ਰਹਿਣਗੀਆਂ।
ਗੱਲਬਾਤ ਨੂੰ ਇਕ ਦਿਲਚਸਪ ਮੋੜ ਦਿੰਦਿਆਂ ਆਲਿਆ ਨੇ ਬੜੇ ਵਿਸ਼ਵਾਸ ਨਾਲ ਖ਼ੁਦ ਨੂੰ ਅੰਜਲੀ ਦੇ ਕਿਰਦਾਰ ਲਈ ਪੇਸ਼ ਕੀਤਾ। ਜਿਹੜੀ ਭੂਮਿਕਾ ਪਹਿਲਾਂ ਬਣ ਚੁੱਕੀ 'ਜੋ ਜੀਤਾ ਵਹੀ ਸਿਕੰਦਰ' 'ਚ ਆਇਸ਼ਾ ਜੁਲਕਾ ਵਲੋਂ ਨਿਭਾਈ ਗਈ ਸੀ। ਸਟਾਰ ਕਾਸਟ ਬਾਰੇ ਆਲ਼ਿਆ ਦੀ ਅਜਿਹੀ ਚੋਣ ਸਾਬਤ ਕਰਦੀ ਹੈ ਕਿ ਉਸ ਨੂੰ ਇਸ ਫ਼ਿਲਮ ਪ੍ਰਤੀ ਡੂੰਘੀ ਦਿਲਚਸਪੀ ਹੈ। ਆਲਿਆ ਨਾਲ ਹੋਈ ਗੱਲਬਾਤ ਦੇ ਹੋਰ ਵੇਰਵਿਆਂ ਅਤੇ ਮਜ਼ੇਦਾਰ ਕਿੱਸਿਆਂ ਲਈ ਕੁਨੈਕੁਟ ਸਿਨੇ ਦੇ ਯੂ -ਟਿਊਬ ਚੈਨਲ 'ਤੇ ਆਲਿਆ ਦੀ ਇੰਟਰਵਿਊ ਦੇਖ ਸਕਦੇ ਹੋ।
