ਫਿਲਮ ਨਿਰਮਾਤਾ ਅਨੁਰਾਗ ਕਸ਼ਯਪ 'ਤੇ ਕੇਸ ਹੋਇਆ ਦਰਜ

ਫਿਲਮ ਨਿਰਮਾਤਾ ਅਨੁਰਾਗ ਕਸ਼ਯਪ ਕਾਨੂੰਨੀ ਝੰਜਟ 'ਚ ਘਿਰ ਗਏ ਹਨ। ਕਿਉਂਕਿ ਉਨ੍ਹਾਂ ਖਿਲਾਫ਼ ਰਾਏਪੁਰ ਪੁਲਿਸ ਨੇ ਇਕ ਐਫ.ਆਈ.ਆਰ. ਦਰਜ ਕੀਤੀ ਹੈ। ਜਿਸ ਵਿੱਚ ਦੋਸ਼ ਲਾਇਆ ਗਿਆ ਹੈ ਕਿ ਉਨ੍ਹਾਂ ਨੇ ਕਥਿਤ ਤੌਰ ਤੇ ਬ੍ਰਾਹਮਣ ਭਾਈਚਾਰੇ ਨੂੰ ਲੈ ਕੇ ਹਮਲਾਵਰ ਟਿੱਪਣੀਆਂ ਕੀਤੀਆਂ ਹਨ। ਇਕ ਪੁਲਿਸ ਅਧਿਕਾਰੀ ਨੇ ਇਸ ਦੀ ਪੁਸ਼ਟੀ ਕੀਤੀ ਕਿ ਸ਼ਿਕਾਇਤ ਵਿੱਚ ਅਨੁਰਾਗ ਦੇ ਖਿਲਾਫ ਵੱਖ-ਵੱਖ ਸਮਾਜਿਕ ਵਰਗਾਂ ਦਰਮਿਆਨ ਵਿਵਾਦ ਨੂੰ ਸ਼ਹਿ ਦੇਣ ਦੇ ਦੋਸ਼ ਹਨ।

ਇਹ ਮਾਮਲਾ ਰਾਏਪੁਰ ਨਿਵਾਸੀ ਪੰਡਿਤ ਨੀਲ ਕੰਠ ਤ੍ਰਿਪਾਠੀ ਅਤੇ ਰਾਸ਼ਟਰੀ ਬ੍ਰਾਹਮਣ ਮਹਾਸੰਗ ਦੇ ਉੱਪ ਪ੍ਰਧਾਨ ਦੀ ਸ਼ਿਕਾਇਤ ਤੋਂ ਬਾਅਦ ਦਰਜ ਕੀਤਾ ਗਿਆ ਸੀ। ਸ਼ਿਕਾਇਤ ਕਰਤਾਵਾਂ ਦਾ ਕਹਿਣਾ ਹੈ ਕਿ ਕਸ਼ਯਪ ਨੇ ਪਿਛਲੇ ਦਿਨੀਂ ਸੋਸ਼ਲ ਮੀਡੀਆ 'ਤੇ ਇਕ ਪੋਸਟ ਪਾਈ ਸੀ, ਜਿਹੜੀ ਕਿ ਜਾਤੀਵਾਦੀ ਅਤੇ ਬ੍ਰਾਹਮਣ ਭਾਈਚਾਰੇ ਪ੍ਰਤੀ ਅਪਮਾਨ ਜਨਕ ਢੰਗ ਦੀ ਸੀ।

ਇਸ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਇਸ ਟਿੱਪਣੀ ਨਾਲ ਭਾਈਚਾਰਕ ਭਾਵਨਾਵਾਂ ਨੂੰ ਠੇਸ ਪੁੱਜੀ ਅਤੇ ਸਮਾਜਿਕ ਏਕਤਾ ਦੇ ਵੀ ਵਿਗੜਨ ਦਾ ਖਤਰਾ ਹੈ। ਹਾਲਾਂਕਿ ਬਾਅਦ 'ਚ ਨਿਰਮਾਤਾ ਨੇ ਇਸ ਮਾਮਲੇ 'ਚ ਮੁਆਫੀਨਾਮਾ ਜਾਰੀ ਕਰਕੇ ਇਹ ਮੰਨ ਲਿਆ ਕਿ ਉਸ ਨੇ ਸੋਸ਼ਲ ਮੀਡੀਆ 'ਤੇ ਅਢੁੱਕਵੇਂ ਸ਼ਬਦਾਂ ਦੀ ਵਰਤੋਂ ਕੀਤੀ ਸੀ।