ਲੌਂਗੋਵਾਲ ਤੋਂ ਵੱਡੇ ਪਰਦੇ ਤੱਕ ਧੁੱਤਾ ਪਿੰਡੀ ਵਾਲਾ

Jasmine Singh

ਪੰਜਾਬ ਦੇ ਲੌਂਗੋਵਾਲ ਪਿੰਡ ਦਾ ਇਕ ਸਾਧਾਰਣ ਜਿਹਾ ਮੁੰਡਾ ਆਪਣੀ ਅਣਥੱਕ ਮਿਹਨਤ ਅਤੇ ਪ੍ਰਤਿਭਾ ਦੇ ਸਿਰ 'ਤੇ ਵੱਡੇ ਪਰਦੇ ਤੱਕ ਪਹੁੰਚ ਗਿਆ। ਉਸ ਨੂੰ ਆਪਣੀ ਅਦਾਕਾਰੀ ਤੇ ਕਮਾਨ ਹਾਸਲ ਹੈ ਅਤੇ ਨਾਲ ਹੀ ਸਪੱਸ਼ਟ ਨਜ਼ਰੀਆ ਤੇ ਪ੍ਰਮਾਣਕ ਸਮਗਰੀ ਲੌਂਗੋਵਾਲ ਦਾ ਸੁਖਵਿੰਦਰ ਨਾਮੀ ਇਹ ਨੌਜਵਾਨ ਇੰਸਟਾਗ੍ਰਾਮ 'ਤੇ ਆਪਣੀ ਪ੍ਰਸ਼ੰਸਕਾਂ ਵਿੱਚ ਧੁੱਤਾ ਪਿੰਡੀ ਵਾਲਾ ਜਾਂ 'ਧੁੱਤਾ ਵੈਲੀ' ਵਜੋਂ ਜਾਣਿਆ ਜਾਂਦਾ ਹੈ।

ਸੋਸ਼ਲ ਮੀਡੀਆ 'ਤੇ ਉਹ ਆਪਣੀ ਕਾਮੇਡੀ ਨੂੰ ਲੈ ਕੇ ਚਰਚਿਤ ਹੋਇਆ ਸੀ ਅਤੇ ਫਿਰ ਉਹ ਇਕ ਤੇਜ਼ ਲਹਿਰ ਦੇ ਰੂਪ ਵਿੱਚ ਬਦਲ ਗਿਆ। ਉਸ ਦੀ ਆਪਣੀ ਸ਼ੈਲੀ ਹੈ ਵੱਖਰਾ ਸਵੈਗ ਅਤੇ ਹਾਸਿਆਂ ਨਾਲ ਭਰਪੂਰ ਚੁਟਕਲੇ। ਧੁੱਤੇ ਨੇ ਇਸ ਤਰ੍ਰਾਂ ਪੰਜਾਬੀ ਮਨੋਰੰਜਨ ਜਗਤ 'ਚ ਆਪਣਾ ਇਕ ਨਵਾਂ ਰਾਹ ਬਣਾ ਲਿਆ। ਹੁਣ ਧੁੱਤਾ ਵੱਡੇ ਪਰਦੇ 'ਤੇ ਪ੍ਰਸਿੱਧੀ ਹਾਸਲ ਕਰ ਰਿਹਾ ਹੈ।

'ਜੱਟ ਐਂਡ ਜੂਲੀਅਟ 3' 'ਚ ਆਪਣੀ ਪਛਾਣ ਬਣਾਉਣ ਤੋਂ ਬਾਅਦ ਸੁਖਵਿੰਦਰ ਨੂੰ ਦਰਸ਼ਕ 'ਸਰਵਾਲਾ ਜੀ' 'ਚ ਵੀ ਦੇਖਣਗੇ। ਪੰਜਾਬ ਦੇ ਖੇਤਾਂ ਤੋਂ ਲੈ ਕੇ ਪਾਲੀਵੁੱਡ ਦੇ ਫਿਲਮੀ ਸੈਟਾਂ ਤੱਕ ਉਸ ਨੇ ਪ੍ਰਸ਼ੰਸਕਾਂ ਦਾ ਇਕ ਵੱਡਾ ਘੇਰਾ ਬਣਾ ਲਿਆ ਹੈ, ਜਿਹੜੇ ਉਸ ਦੀ ਸਮਗੱਰੀ ਦਾ ਅਤੇ ਅਦਾਕਾਰੀ ਦਾ ਆਨੰਦ ਮਾਣਦੇ ਹਨ।