19.86C Vancouver 19.86C VancouverSep 1, 2022 12:47 PM - Agencies
ਅੱਲੂ ਅਰਜੁਨ ਦੀ ਪੁਸ਼ਪਾ ਪਿਛਲੇ ਸਾਲ ਸਭ ਤੋਂ ਸਫਲ ਫਿਲਮਾਂ ਵਿਚੋਂ ਇੱਕ ਰਹੀ। ਪ੍ਰਸ਼ੰਸਕਾਂ ਤੋਂ ਲੈ ਕੇ ਨਿਊਯਾਰਕ ਸਿਟੀ ਦੇ ਮੇਅਰ ਤੱਕ ਪੁਸ਼ਪਾ ਦੇ ਸਵੈਗ ਨੇ ਸਾਰਿਆਂ 'ਤੇ ਆਪਣੀ ਛਾਪ ਛੱਡੀ ਹੈ।
ਗਣੇਸ਼ ਚਤੁਰਥੀ 'ਤੇ ਪੁਸ਼ਪਾ ਦਾ ਜਨੂੰਨ ਇੱਕ ਹੋਰ ਹੀ ਪੱਧਰ 'ਤੇ ਦੇਖਣ ਨੂੰ ਮਿਲਿਆ ਹੈ। ਫਿਲਮ ਤੋਂ ਪ੍ਰੇਰਿਤ ਗਣੇਸ਼ ਦੀਆਂ ਮੂਰਤੀਆਂ ਬਾਜ਼ਾਰ ਵਿਚ ਵਿਕ ਰਹੀਆਂ ਹਨ ਅਤੇ ਇਸ ਦੀਆਂ ਤਸਵੀਰਾਂ ਵਾਇਰਲ ਹੋ ਗਈਆਂ ਹਨ।
ਤਸਵੀਰ ਵਿਚ ਭਗਵਾਨ ਗਣੇਸ਼ ਦੀ ਪ੍ਰਤਿਮਾ ਨੂੰ ਵ੍ਹਾਈਟ ਕੁੜਤਾ-ਪਜਾਮਾ ਵਿਚ ਦੇਖਿਆ ਜਾ ਸਕਦਾ ਹੈ, ਜਿਸ ਦਾ ਗੈਸਚਰ ਫਿਲਮ ਵਿਚ ਅੱਲੂ ਅਰਜੁਨ ਵਾਲਾ ਬਣਾਇਆ ਗਿਆ ਹੈ। ਭਗਵਾਨ ਗਣੇਸ਼ ਦੇ ਪ੍ਰਸ਼ੰਸਕਾਂ ਅਤੇ ਭਗਤਾਂ ਨੇ ਨਿਰਾਸ਼ਾ ਜ਼ਾਹਰ ਕਰਦਿਆਂ ਕਿਹਾ ਹੈ ਕਿ ਇਹ ਭਗਵਾਨ ਦਾ ਨਿਰਾਦਰ ਹੈ।
ਇੱਕ ਯੂਜ਼ਰ ਨੇ ਲਿਖਿਆ, ਸ਼ਰਮਨਾਕ! ਭਗਵਾਨ ਦਾ ਫੇਸ ਸਮੱਗਲਰ ਦੇ ਕਿਰਦਾਰ ਨਾਲ ਨਹੀਂ ਜੋੜਿਆ ਜਾ ਸਕਦਾ..ਇਹ ਬੰਦ ਹੋਣਾ ਚਾਹੀਦਾ ਹੈ। ਇੱਕ ਹੋਰ ਨੇ ਲਿਖਿਆ, “ਕੀ ਮੂਰਖ਼ਤਾ ਹੈ? ਇਹ ਬਹੁਤ ਹੀ ਗਲ਼ਤ ਗੱਲ ਹੈ।” ਇੱਕ ਹੋਰ ਨੇ ਟਵੀਟ ਵਿਚ ਲਿਖਿਆ, “ਗਣੇਸ਼ ਪ੍ਰਤਿਮਾ ਇੱਕ ਫਿਲਮੀ ਕਿਰਦਾਰ ਤੋਂ ਪ੍ਰੇਰਿਤ ਹੈ, ਜੋ ਇੱਕ ਸਮੱਗਲਰ ਅਤੇ ਇੱਕ ਗੁੰਡਾ ਸੀ! ਕੀ ਇਹ ਹੁਣ ਹਿੰਦੂ ਵਿਰੋਧੀ ਨਹੀਂ ਹੈ? ਸਾਊਥ ਫਿਲਮ ਇੰਡਸਟਰੀ ਖਿਲਾਫ ਕੋਈ ਗੁੱਸਾ ਕਿਉਂ ਨਹੀਂ ਹੈ? ਬਾਈਕਾਟ ਗੈਂਗ ਕਿੱਥੇ ਹੈ?
