ਗਿੱਪੀ ਗਰੇਵਾਲ ਦੇ ਵੱਡੇ ਪੁੱਤਰ ਦੀ ਫਿਲਮ 'ਡੈਡ ਐਂਡ''ਚ ਜ਼ਬਰਦਸਤ ਐਂਟਰੀ

ਪੰਜਾਬੀ ਸਿਨੇਮਾ ਸਟਾਰ ਗਿੱਪੀ ਗਰੇਵਾਲ ਬਤੌਰ ਨਿਰਮਾਤਾ ਲਗਾਤਾਰ ਨਵੇਂ ਬੀਮ ਪੱਥਰ ਕਾਇਮ ਕਰ ਰਹੇ ਹਨ,ਜਿਨ੍ਹਾਂ ਵੱਲੋਂ ਨਿਰਮਿਤ 'Dead End' ਦਾ ਟੀਜ਼ਰ ਜਾਰੀ ਕਰ ਦਿੱਤਾ ਗਿਆ ਹੈ,ਜੋ ਅਗਲੇ ਨਵੇਂ ਵਰ੍ਹੇ 2026 ਦੇ ਮੁੱਢਲੇ ਪੜਾਅ ਦੌਰਾਨ ਸਿਨੇਮਾਘਰਾਂ ਦਾ ਸ਼ਿੰਗਾਰ ਬਣੇਗੀ।

'ਹੰਬਲ ਮੋਸ਼ਨ ਪਿਕਚਰਸ' ਦੇ ਬੈਨਰ ਹੇਠ ਬਣਾਈ ਗਈ ਇਸ ਪ੍ਰਭਾਵਪੂਰਨ ਫਿਲਮ ਦਾ ਨਿਰਮਾਣ ਰਵਨੀਤ ਕੌਰ ਗਰੇਵਾਲ,ਜਦਕਿ ਨਿਰਦੇਸ਼ਨ ਜਸ਼ਨ ਦਿਓਲ ਵਲੋਂ ਕੀਤਾ ਗਿਆ ਹੈ।

ਐਕਸ਼ਨ ਕ੍ਰਾਈਮ ਅਤੇ ਥ੍ਰਿਲਰ ਭਰਪੂਰ ਤਾਣੇ ਬਾਣੇ ਅਧੀਨ ਬੁਣੀ ਗਈ ਉਕਤ ਫਿਲਮ ਵਿੱਚ ਪ੍ਰਿੰਸ ਕੰਵਲਜੀਤ ਸਿੰਘ,ਰਘਬੀਰ ਬੋਲੀ ਅਤੇ ਏਕਮ ਗਰੇਵਾਲ ਵੱਲੋਂ ਲੀਡਿੰਗ ਰੋਲ ਨਿਭਾਅ ਰਹੇ ਹਨ,ਇਨ੍ਹਾਂ ਤੋਂ ਇਲਾਵਾ ਗੋਲਡੀ ਜੀ ਸੈਮੁਅਲ ਵੀ ਇਸ ਸ਼ਾਨਦਾਰ ਫਿਲਮ ਦਾ ਖਾਸ ਆਕਰਸ਼ਨ ਹੋਣਗੇ, ਜੋ ਇਸ ਫਿਲਮ ਨਾਲ ਪਾਲੀਵੁੱਡ ਵਿੱਚ ਪ੍ਰਭਾਵੀ ਅਗਾਜ਼ ਵੱਲ ਵੱਧਣ ਜਾ ਰਹੇ ਹਨ। ਦੱਸ ਦੇਈਏ ਕਿ ਇਸ ਫਿਲਮ ਦੀ ਕਹਾਣੀ ਏਕਮ ਨੇ ਖੁਦ ਲਿਖੀ ਹੈ।