ਗੁਰਪ੍ਰੀਤ ਘੁੱਗੀ ਦੀ ਆਉਣ ਵਾਲੀ ਫਿਲਮ '40 ਦਿਨ' ਬਾਰੇ ਛਿੜੇ ਚਰਚੇ

Jasmine Singh

ਪੰਜਾਬੀ ਅਦਾਕਾਰ ਗੁਰਪ੍ਰੀਤ ਘੁੱਗੀ ਨੇ ਦੱਸਿਆ ਕਿ ਉਹ ਪੰਜਾਬੀ ਦੀ ਇਕ ਚਰਚਿਤ ਕਿਤਾਬ 'ਤੇ ਆਧਾਰਿਤ ਆਪਣੀ ਆਉਣ ਵਾਲੀ ਫਿਲਮ '40 ਦਿਨ' ਤੋਂ ਬਹੁਤ ਉਤਸ਼ਾਹਿਤ ਹਨ। ਸਰੀ ਦੇ ਕੁਨੈਕਟ ਮੀਡੀਆ ਨੈਟਵਰਕ ਸਟੂਡੀਓ ਵਿੱਚ ਅਦਾਕਾਰ ਨੇ ਇਸ ਫਿਲਮ ਬਾਰੇ ਖੁੱਲ੍ਹ ਕੇ ਚਰਚਾ ਕੀਤੀ ਅਤੇ ਕਿਹਾ ਕਿ ਅਜਿਹੇ ਪ੍ਰਾਜੈਕਟਾਂ ਨੂੰ ਪ੍ਰਮੋਟ ਕਰਨ ਵਾਸਤੇ ਸ਼ੋਸ਼ਲ ਮੀਡੀਆ ਦੀ ਵੱਡੀ ਲੋੜ ਹੈ।

ਇਸ ਦੌਰਾਨ ਘੁੱਗੀ ਨੇ ਇਹ ਵੀ ਖੁਲਾਸਾ ਕੀਤਾ ਕਿ ਉਸ ਦਾ ਬੇਟਾ ਸੁਖਨ ਵੜੈਚ ਵੀ ਇਸ ਫਿਲਮ ਵਿੱਚ ਅਹਿਮ ਭੂਮਿਕਾ ਨਿਭਾਅ ਰਿਹਾ ਹੈ। ਸੁਖਨ ਨੇ ਅਦਾਕਾਰੀ ਦੇ ਖੇਤਰ ਵਿੱਚ ਆਪਣਾ ਰਸਤਾ ਖੁਦ ਬਣਾਉਣ ਲਈ ਮਿਹਨਤ ਕੀਤੀ ਹੈ।

ਸੁਖਨ ਜਿੱਥੇ 'ਬਾਰਡਰ 2' ਵਿੱਚ ਡਾਇਰੈਕਟਰ ਅਨੁਰਾਗ ਸਿੰਘ ਦੇ ਸਹਾਇਕ ਵਜੋਂ ਕੰਮ ਕਰ ਰਿਹਾ ਹੈ ਉੱਥੇ ਫਿਲਮ ਵਿੱਚ ਇਕ ਭੂਮਿਕਾ ਵੀ ਨਿਭਾਅ ਰਿਹਾ ਹੈ।