ਜੋਸ਼ ਬਰਾੜ ਦਾ 'ਦਿਲ ਤੇ ਦਰਦ'

ਗਾਇਕ ਜੋਸ਼ ਬਰਾੜ ਦਾ ਬਿਲਕੁਲ ਤਾਜ਼ਾ ਸਿੰਗਲ ਟਰੈਕ 'ਦਿਲ ਤੇ ਦਰਦ' ਨਵੀਆਂ ਤਰੰਗਾਂ ਛੇੜ ਰਿਹਾ ਹੈ। ਇਹ ਦੋ ਬਿਲਕੁਲ ਵੱਖਰੀਆਂ ਅਤੇ ਉਲਟਸ਼ੈਲੀਆਂ ਦੀ ਪੇਸ਼ਕਾਰੀ ਦਾ ਇਕ ਦਲੇਰਾਨਾ ਫਿਊਜ਼ਨ ਹੈ, ਜਿਹੜਾ ਸੁਣਨ ਵਾਲੇ ਨੂੰ ਭਾਵਨਾਤਮਕ ਤੌਰ 'ਤੇ ਵੱਖਰਾ ਅਨੁਭਵ ਪ੍ਰਦਾਨ ਕਰਦਾ ਹੈ।

ਬਰਾੜ ਇਸ ਗੀਤ ਨੂੰ ਬੜਾ ਡੂੰਘਾ ਅਤੇ ਨਿੱਜੀ ਵਿਸ਼ਾ ਦੱਸਦਿਆਂ ਕਹਿੰਦਾ ਹੈ ਕਿ, ਮੈਂ 2023 'ਚ ਦਿਲ ਅਤੇ ਦਰਦ ਲਿਖਿਆ ਸੀ ਅਤੇ ਅਜੇ ਇਹ ਮੈਨੂੰ ਆਪਣੇ ਦਿਲ ਦੀ ਧੜਕਣ ਵਾਂਗ ਮਹਿਸੂਸ ਹੁੰਦਾ ਹੈ। ਉਸ ਨੇ ਦੱਸਿਆ ਕਿ 2 ਵੱਖਰੀਆਂ ਸ਼ੈਲੀਆਂ ਨੂੰ ਮਿਲਾਉਣਾ ਇਕ ਸਿਰਜਣਾਤਮਕ ਚੁਣੌਤੀ ਸੀ। ਮੈਂ ਇਸ ਨੂੰ ਇਮਾਨਦਾਰੀ ਨਾਲ ਹਕੀਕਤ ਦੇ ਪ੍ਰਗਟਾਵੇ ਵਜੋਂ ਦੇਖਿਆ ਸੀ।

ਸਰੋਤੇ ਜ਼ਰੂਰ ਮਹਿਸੂਸ ਕਰਨਗੇ ਕਿ ਮੈਂ ਇਸ ਨੂੰ ਬਣਾਉਣ ਵੇਲੇ ਕਿਸ ਤਰ੍ਰਾਂ ਮਹਿਸੂਸ ਕੀਤਾ ਹੋਵੇਗਾ। ਸੰਗੀਤ ਨੇ ਇਸ ਗੀਤ ਦੇ ਰੰਗਾਂ ਨੂੰ ਨਿਖਾਰਣ ਲਈ ਪ੍ਰਭਾਵਸ਼ਾਲੀ ਪਿਛੋਕੜ ਵਲੋਂ ਕੰਮ ਕੀਤਾ ਹੈ। ਬੰਟੀ ਬੈਂਸ ਵਲੋਂ ਪੇਸ਼ ਅਤੇ ਟੀ-ਸੀਰੀਜ਼ ਦੇ ਬੈਨਰ ਅਧੀਨ ਰਿਲੀਜ਼ 'ਦਿਲ ਤੇ ਦਰਦ' ਹੁਣ ਸਾਰੇ ਪ੍ਰਮੁੱਖ ਸਟ੍ਰੀਮਿੰਗ ਪਲੇਟਫਾਰਮ ਤੇ ਉਪਲੱਬਧ ਹੈ। ਇਸ ਦਾ ਸੰਗੀਤ ਅਗਮਮਾਨ ਦੁਆਰਾ ਅਤੇ ਨਿਰਦੇਸ਼ਨ ਅਸੀਨ ਮਾਨ ਵਲੋਂ ਦਿੱਤਾ ਗਿਆ ਹੈ।