ਹਨੀ ਸਿੰਘ ਨੇ ਬਾਦਸ਼ਾਹ 'ਤੇ ਕੱਸਿਆ ਵਿਅੰਗ

ਵੱਖਰੇ ਅੰਦਾਜ਼ ਵਾਲੇ ਗਾਇਕ ਹਨੀ ਸਿੰਘ ਨੇ ਮੁੰਬਈ ਸ਼ੋਅ ਨਾਲ ਆਪਣੇ ਮਿਲੀਅਨ ਏਅਰ ਇੰਡੀਆ ਟੂਰ ਦੀ ਸ਼ੁਰੂਆਤ ਕਰ ਦਿੱਤੀ ਅਤੇ ਇਹ ਸ਼ੋਅ ਕਈ ਕਾਰਨਾਂ ਕਰਕੇ ਸੁਰਖੀਆਂ 'ਚ ਰਿਹਾ। ਇਸ ਪ੍ਰਦਰਸ਼ਨ ਦੌਰਾਨ ਹੀ ਹਨੀ ਸਿੰਘ ਨੇ ਆਪਣੇ ਸਾਥੀ ਰੈਪਰ ਬਾਦਸ਼ਾਹ ਅਤੇ ਰਫ਼ਤਾਰ ਨੂੰ ਇਕ ਮੱਠਾ ਅਤੇ ਤਿੱਖਾ ਝਟਕਾ ਵੀ ਲਾਇਆ। ਇਸ ਬਾਰੇ ਇਕ ਵੀਡੀਓ ਕਲਿਪ ਵਾਇਰਲ ਹੋਇਆ ਹੈ,ਜਿਸ 'ਚ ਹਨੀ ਸਿੰਘ ਨੇ ਟਿੱਪਣੀ ਕੀਤੀ ਕਿ ਕੁਝ ਅਜਿਹੇ ਹਨ ਜਿਹੜੇ ਕਹਿੰਦੇ ਹਨ ਕਿ ਉਹ ਮੇਰੇ ਭਰਾ ਹਨ ਅਤੇ ਕੁਝ ਹਨ ਜਿਹੜੇ ਦਾਅਵਾ ਕਰਦੇ ਹਨ ਕਿ ਮੇਰੀ ਵਾਪਸੀ ਨਹੀਂ ਹੋ ਰਹੀ,ਕੁਝ ਅਜਿਹੇ ਵੀ ਹਨ,ਜਿਹੜੇ ਇਹ ਕਹਿੰਦੇ ਹਨ ਕਿ ਉਨ੍ਹਾਂ ਨੇ ਮੇਰੇ ਗੀਤ ਲਿਖੇ ਅਤੇ ਉਨ੍ਹਾਂ ਦਾ ਇਹ ਵੀ ਦਾਅਵਾ ਹੈ ਕਿ ਉਹ ਮੇਰੇ ਮੁਕੱਦਰ ਨੂੰ ਦੁਬਾਰਾ ਲਿਖਣਗੇ।

ਉਸ ਨੇ ਵੱਡੇ ਭਰੋਸੇ ਨਾਲ ਆਪਣੀ ਗੱਲ ਜਾਰੀ ਰੱਖਦਿਆਂ ਆਖਿਆ ਕਿ ਮੈਨੂੰ ਇਕ ਛੋਟੀ ਜਿਹੀ ਕਵਿਤਾ ਸ਼ੇਅਰ ਕਰਨੀ ਚਾਹੀਦੀ ਹੈ,'ਉਸ ਨੇ ਕਿਹਾ ਆਓ ਇਸ ਬਾਰੇ ਇਕ ਵੀਡੀਓ ਬਣਾਓ ਅਤੇ ਉਨ੍ਹਾਂ ਨੂੰ ਟੈਗ ਕਰੋ'। ਹਨੀ ਸਿੰਘ ਨੇ ਕਿਹਾ ਪਿਛਲੇ ਸਾਲ ਮੇਰੀ ਕਿਸਮਤ ਨੇ ਮੇਰੇ ਹੰਕਾਰ ਨੂੰ ਝਟਕਾ ਦਿੱਤਾ ਸੀ,ਜਿਸ ਦਾ ਇਹ ਵੀ ਸੰਦੇਸ਼ ਸੀ ਕਿ ਵਾਪਸੀ ਲਈ ਸਖ਼ਤ ਮਿਹਨਤ ਕਰਨੀ ਪਵੇਗੀ।

ਜ਼ਿਕਰਯੋਗ ਹੈ ਕਿ ਇਕ ਸਮੇਂ ਹਨੀ ਸਿੰਘ ਅਤੇ ਬਾਦਸ਼ਾਹ ਜਾਣੀ ਪਛਾਣੀ ਰੈਪ ਮਾਫੀਆ ਮੰਡੀਰ ਦਾ ਹਿੱਸਾ ਸਨ ਅਤੇ ਇੱਕਾ ਲਿਲ ਗੋਲੂ ਅਤੇ ਰਫ਼ਤਾਰ ਵੀ ਉਨ੍ਹਾਂ ਦੇ ਨਾਲ ਸਨ ਅਤੇ ਫਿਰ ਇਹ ਗਰੁੱਪ ਕੁਝ ਕਾਰਨਾਂ ਕਰਕੇ ਖ਼ਿਲਰ ਗਿਆ। ਜਦੋਂਕਿ ਹਨੀ ਸਿੰਘ ਅਤੇ ਬਾਦਸ਼ਾਹ ਨੇ ਸਮੇਂ ਦੇ ਨਾਲ-ਨਾਲ ਇਸ ਘੁੰਮਣ ਘੇਰੀ 'ਚੋਂ ਨਿਕਲਣ ਦੀ ਕੋਸ਼ਿਸ਼ ਕੀਤੀ। ਉਨ੍ਹਾਂ ਦਰਮਿਆਨ ਚੱਲ ਰਹੀਆਂ ਮੀਡੀਆ ਪੋਸਟਾਂ ਦੇ ਨਿੱਜੀ ਕੈਰੀਅਰ ਦੁਆਲੇ ਚੱਲ ਰਹੇ ਡਰਾਮੇ ਨੂੰ ਹੋਰ ਰਫ਼ਤਾਰ ਦੇ ਦਿੱਤੀ।