16.67C Vancouver 16.67C VancouverMay 30, 2025 4:27 PM - Connect Newsroom
ਨਿਰਮਾਤਾ ਸਾਜਿਦ ਨਾਡੀਆਡਵਾਲਾ ਦੀ ਚਿਰਾਂ ਤੋਂ ਉਡੀਕੀ ਜਾ ਰਹੀ ਫਿਲਮ 'ਹਾਊਸ ਫੁੱਲ਼ 5' ਦਾ ਟ੍ਰੇਲਰ ਇਕ ਬੇਉਮੀਦੇ ਟਵਿੱਸਟ ਨਾਲ ਜਾਰੀ ਹੋ ਗਿਆ ਹੈ। ਟ੍ਰੇਲਰ ਨੂੰ ਰਿਲੀਜ਼ ਕਰਨ ਮੌਕੇ ਸਾਜਿਦ ਨੇ ਖੁਲਾਸਾ ਕੀਤਾ ਕਿ ਫਿਲਮ ਦੇ ਦੋ ਵੱਖ-ਵੱਖ ਅੰਤ ਹੋਣਗੇ। ਉਨ੍ਹਾਂ ਕਿਹਾ ਕਿ ਇਹ ਇਕ ਵੱਖਰੀ ਕਿਸਮ ਦਾ ਤਜ਼ਰਬਾ ਹੈ ਅਤੇ ਅਜਿਹਾ ਇਸ ਗੱਲ 'ਤੇ ਨਿਰਭਰ ਹੋਵੇਗਾ ਕਿ ਤੁਸੀਂ ਇਸ ਫਿਲਮ ਨੂੰ ਕਿੱਥੇ ਦੇਖ ਰਹੇ ਹੋ।
ਸਾਜ਼ਿਦ ਦਾ ਕਹਿਣਾ ਹੈ ਕਿ ਉਸ ਕੋਲ ਅਜਿਹਾ ਵਿਚਾਰ 30 ਸਾਲਾਂ ਤੋਂ ਦਿਮਾਗ 'ਚ ਘੁੰਮ ਰਿਹਾ ਸੀ। ਉਸ ਨੇ ਕਿਹਾ ਕਿ ਇਹ ਕਿਸ ਤਰ੍ਹਾਂ ਲੱਗੇਗਾ ਜੇ ਹਰ ਖੇਤਰ 'ਚ ਖਲਨਾਇਕ ਦੀ ਪਛਾਣ ਵੱਖਰੇ ਰੂਪ 'ਚ ਹੋਵੇਗੀ। ਜਿਸ ਕਾਤਲ ਨੂੰ ਤੁਸੀਂ ਗੈਟੀ ਵਿੱਚ ਦੇਖਦੇ ਹੋ, ਉਸ ਨੂੰ ਗਲੈਕਸੀ ਜਾਂ ਪੀ.ਵੀ.ਆਰ. 'ਚ ਨਹੀਂ ਦੇਖੋਗੇ। ਸਾਜਿਦ ਨੇ ਕਿਹਾ ਕਿ ਇਸ ਤੋਂ ਪਹਿਲਾਂ ਅਜਿਹਾ ਕਦੇ ਨਹੀਂ ਹੋਇਆ। ਕਿਸੇ ਫਿਲਮ ਦੇ 2 ਵੱਖ-ਵੱਖ ਅੰਤ ਹੋਣ, ਅਜਿਹਾ 'ਹਾਊਸ ਫੁੱਲ 5' 'ਚ ਪਹਿਲੀ ਵਾਰ ਹੋ ਰਿਹਾ ਹੈ। ਫਿਲਮ 6 ਜੂਨ ਨੂੰ ਸਿਨੇਮਾ ਘਰਾਂ 'ਚ ਰਿਲੀਜ਼ ਹੋਵੇਗੀ।
