14.95C Vancouver 14.95C VancouverNov 24, 2021 11:27 PM -
ਅਵਸੋਸ ਦੀ ਗੱਲ ਹੈ ਕਿ ਕੋਈ ਵੀ ਭਾਰਤੀ ਕਲਾਕਾਰ ਐਮੀ ਅਵਾਰਡ ਨਹੀਂ ਜਿੱਤ ਪਾਇਆ। ਭਾਰਤੀ ਅਭਿਨੇਤਾ ਨਵਾਜ਼ੂਦੀਨ ਸਿੱਦੀਕੀ, ਸੁਸ਼ਮਿਤਾ ਸੇਨ-ਸਟਾਰਰ 'ਆਰਿਆ' ਅਤੇ ਸਟੈਂਡ-ਅੱਪ ਕਾਮੇਡੀਅਨ ਵੀਰ ਦਾਸ ਨਿਊਯਾਰਕ ਸਿਟੀ ਵਿਖੇ ਆਯੋਜਿਤ ਅੰਤਰਰਾਸ਼ਟਰੀ ਐਮੀ ਅਵਾਰਡਜ਼ 2021 ਲਈ ਕਈ ਨਾਮਜ਼ਦ ਵਿਅਕਤੀਆਂ ਵਿੱਚੋਂ ਸਨ।
ਇੰਨਾ ਤਿੰਨਾਂ ਦਾ ਵੱਕਾਰੀ ਪੁਰਸਕਾਰ ਸਮਾਰੋਹ ਵਿੱਚ ਭਾਰਤ ਦੀ ਨੁਮਾਇੰਦਗੀ ਕਰਨਾ ਨਿਸ਼ਚਤ ਤੌਰ 'ਤੇ ਮਾਣ ਵਾਲੀ ਗੱਲ ਸੀ ਪਰ ਇਹ ਤਿੰਨੇ ਆਪਣੇ-ਆਪਣੇ ਵਰਗਾਂ ਵਿੱਚ ਜਿੱਤਣ ਤੋਂ ਖੁੰਝ ਗਏ।
ਪਿੱਛਲੇ ਸਾਲ, ਨਵੰਬਰ 2020 ਵਿੱਚ ਭਾਰਤੀ ਫ਼ਿਲਮ ਨਿਰਮਾਤਾ ਰਿਚੀ ਮਹਿਤਾ ਦੀ 'ਦਿੱਲੀ ਕ੍ਰਾਈਮ' ਦੇ ਸਰਬੋਤਮ ਡਰਾਮਾ ਲੜੀ ਦਾ ਸਨਮਾਨ ਜਿੱਤ ਕੇ 48ਵੇਂ ਅੰਤਰਰਾਸ਼ਟਰੀ ਐਮੀ ਅਵਾਰਡਾਂ ਵਿੱਚ ਭਾਰਤ ਲਈ ਜ਼ਬਰਦਸਤ ਪ੍ਰਦਰਸ਼ਨ ਕੀਤਾ ਸੀ।
