ਹਰ ਪਾਸੇ ਛਾ ਗਈ ਮੋਨਾਲੀਸਾ

ਪ੍ਰਯਾਗਰਾਜ 'ਚ ਚੱਲ ਰਹੇ ਮਹਾਕੁੰਭ ਦੌਰਾਨ ਇਕ ਚਿਹਰਾ ਸੋਸ਼ਲ ਮੀਡੀਆ 'ਤੇ ਉਭਰਿਆ ਅਤੇ ਹਰ ਪਾਸੇ ਚਰਚੇ ਛਿੜ ਪਏ। ਇਹ ਮੋਨਾਲੀਸਾ ਸੀ ,ਜਿਸ ਨੇ ਆਪਣੀ ਆਕਰਸ਼ਕ ਦਿੱਖ ਨਾਲ ਸਭ ਲੋਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚ ਲਿਆ। ਇਸ ਕਾਰਨ ਹੀ ਮੇਲੇ 'ਚੋਂ ਆਵਾਜ਼ਾਂ ਉਠਣ ਲੱਗੀਆਂ ਸਨ। 'ਮੇਲਾ ਵੇਖ ਦੀਏ ਮੁਟਿਆਰੇ ਮੇਲਾ ਤੈਨੂੰ ਦੇਖਦਾ' ਅਤੇ ਮੇਲੇ 'ਚ ਆਪਣੇ ਜਲਵਿਆਂ ਕਾਰਨ ਚਰਚਾ ਦਾ ਵਿਸ਼ਾ ਬਣਨ ਤੋਂ ਬਾਅਦ ਹੁਣ ਉਸ ਨੇ ਆਉਣ ਵਾਲੀ ਫ਼ਿਲਮ 'ਦਿ ਡਾਇਰੀ ਆਫ' ਮਨੀਪੁਰ 'ਚ ਇਕ ਮੁੱਖ ਭੂਮਿਕਾ ਵੀ ਪ੍ਰਾਪਤ ਕਰ ਲਈ ਹੈ।

'ਦਿ ਡਾਇਰੀ ਆਫ' ਵੈਸਟ ਬੰਗਾਲ ਫਿਲਮ ਨਾਲ ਪ੍ਰਸਿੱਧੀ ਖੱਟਣ ਵਾਲੇ ਸਨੋਜ ਮਿਸ਼ਰਾ ਵਲੋਂ ਨਿਰਦੇਸ਼ਕ ਕੀਤੀ ਜਾਣ ਵਾਲੀ ਇਸ ਫ਼ਿਲਮ ਤੋਂ ਕਹੀ ਮਾਰ ਕੇ ਮਾਰੇ ਜਾਣ ਦੀਆਂ ਉਮੀਦਾਂ ਬਣ ਰਹੀਆਂ ਹਨ। ਮੂਲ ਰੂਪ 'ਚ ਖਰਗੂਨ ਜ਼ਿਲ੍ਹੇ ਦੇ ਮਹੇਸ਼ਵਰ 'ਚ ਰਹਿਣ ਵਾਲੀ ਮੋਨਾਲੀਸਾ ਨੇ ਆਪਣੇ ਨਗਰ 'ਚ ਕਈ ਸਾਲ ਫੁੱਲ ਵੇਚਦਿਆਂ ਗੁਜ਼ਾਰੇ ਅਤੇ ਹੁਣ ਉਹ ਫਿਲਮ ਰਾਹੀਂ ਪਰਦੇ 'ਤੇ ਆਉਣ ਦੀ ਪ੍ਰਕਿਰਿਆ 'ਚੋਂ ਲੰਘ ਰਹੀ ਹੈ।

ਸਨੋਜ ਮਿਸ਼ਰਾ ਨੇ ਜਦੋਂ ਮਨੋਲੀਸਾ ਅਤੇ ਉਸ ਦੇ ਪਰਿਵਾਰ ਨਾਲ ਮੁਲਾਕਾਤ ਕੀਤੀ ਸੀ ਤਾਂ ਉਦੋਂ ਡਾਇਰੀ ਆਫ ਮਨੀਪੁਰ ਬਾਰੇ ਭਰਪੂਰ ਚਰਚਾ ਹੋਈ ਸੀ। ਹਾਲਾਂਕਿ ਮੋਨਾਲੀਸਾ ਅਤੇ ਸਨੋਜ ਨੇ ਆਪਣੀ ਗੱਲਬਾਤ ਦੇ ਵੇਰਵੇ ਲੁਕਾ ਕੇ ਹੀ ਰੱਖੇ ਸਨ।