ਪ੍ਰਸਿੱਧ ਟੀ.ਵੀ. ਅਭਿਨੇਤਰੀ ਅਚਿੰਤ ਕੌਰ ਨੂੰ ਕੰਮ ਦੀ ਤਲਾਸ਼

ਉੱਘੀ ਟੈਲੀਵਿਜ਼ਨ ਅਦਾਕਾਰਾ ਅਚਿੰਤ ਕੌਰ ਇਨ੍ਹੀਂ ਦਿਨੀਂ ਕੰਮ ਦੀ ਭਾਲ 'ਚ ਹੈ। ਕਿਉਂਕਿ 'ਸਾਸ ਬੀ ਕਬੀ ਬਹੁ ਥੀ' ਅਤੇ 'ਜਮਾਈ ਰਾਜਾ' ਵਰਗੇ ਸੀਰੀਅਲਾਂ 'ਚ ਆਪਣੀ ਜ਼ਬਰਦਸਤ ਅਭਿਨੈ ਕਲਾ ਦਾ ਪ੍ਰਗਟਾਵਾ ਕਰਨ ਵਾਲੀ ਅਚਿੰਤ ਕੌਰ ਨੇ ਇੰਸਟਾਗ੍ਰਾਮ 'ਤੇ ਇਕ ਵੀਡੀਓ ਸ਼ੇਅਰ ਕਰਕੇ ਆਪਣੇ ਲਈ ਕੰਮ ਮੰਗਿਆ ਹੈ।

ਨਵੇਂ ਪ੍ਰਾਜੈਕਟਾਂ ਲਈ ਅਦਾਕਾਰਾਂ ਦੀ ਚੋਣ ਕਰਨ ਵਾਲੇ ਲੋਕਾਂ ਨੂੰ ਇਕ ਗੰਭੀਰ ਅਪੀਲ ਕਰਦਿਆਂ ਅਚਿੰਤ ਕੌਰ ਨੇ ਲਿਖਿਆ ਹੈ ਕਿ ਉਹ ਆਪਣੇ ਆਉਣ ਵਾਲੇ ਪ੍ਰਾਜੈਕਟਾਂ ਲਈ ਉਸ ਨੂੰ ਧਿਆਨ 'ਚ ਰੱਖਣ। ਉਸ ਨੇ ਇਕ ਕੈਪਸ਼ਨ ਲਿਖਿਆ ਹੈ, 'ਨਵੇਂ ਕੰਮ ਦੀ ਭਾਲ'।

ਉਸ ਦੀ ਇਸ ਪੋਸਟ ਤੋਂ ਉਸ ਦੇ ਹਾਲਾਤ ਅਤੇ ਕੰਮ ਪ੍ਰਤੀ ਇੱਛਾ ਦੀ ਝਲਕ ਮਿਲਦੀ ਹੈ। ਉਸ ਨੇ ਆਪਣੇ ਕਈ ਸਾਲਾਂ ਦੇ ਤਜ਼ਰਬਿਆਂ ਦਾ ਜ਼ਿਕਰ ਕੀਤਾ ਹੈ ਜਦੋਂ ਉਸ ਨੇ ਵੱਖ-ਵੱਖ ਪਾਤਰਾਂ ਦੀ ਭੂਮਿਕਾ ਨਿਭਾਈ। ਉਹ ਚਾਹੁੰਦੀ ਹੈ ਕਿ ਉਸ ਨੂੰ ਭਾਰਤ ਵਿਚ ਜਾਂ ਵਿਦੇਸ਼ਾਂ 'ਚ ਨਵੇਂ ਕੰਮ ਦਾ ਮੌਕਾ ਦਿੱਤਾ ਜਾਵੇ। ਉਸ ਨੇ ਆਸ ਕੀਤੀ ਕਿ ਉਸ ਦਾ ਇਹ ਸੰਦੇਸ਼ ਜ਼ਰੂਰ ਰੰਗ ਲਿਆਵੇਗਾ।