ਜੈਸਮੀਨ ਸੈਂਡਲਸ ਨੇ ‘ਵਰਲਡ ਟੂਰ’ ਦਾ ਕੀਤਾ ਐਲਾਨ

ਗੁਲਾਬੀ ਕੁਈਨ ਵਜੋਂ ਜਾਣੀ ਜਾਂਦੀ ਪੰਜਾਬੀ ਗਾਇਕਾ ਜੈਸਮੀਨ ਸੈਂਡਲਸ ਨੇ ਆਪਣੇ ਪਹਿਲੇ ਵਰਲਡ ਟੂਰ, ਜਿਸ ਦਾ ਨਾਂਅ ‘ਗੁਲਾਬੀ ਵਰਲਡ ਟੂਰ’ ਹੈ ਦਾ ਐਲਾਨ ਕੀਤਾ ਹੈ। ਜੈਸਮੀਨ ਨੇ ਇਸ ਖਬਰ ਬਾਰੇ ਆਪਣੇ ਸੋਸ਼ਲ ਮੀਡੀਆ ’ਤੇ ਜਾਣਕਾਰੀ ਦਿੱਤੀ ਹੈ ਕਿ ਇਸ ਟੂਰ ਦਾ ਆਗਾਜ਼ ਅਪ੍ਰੈਲ 2025 ’ਚ ਯੂ.ਕੇ ਵਿਖੇ ਹੋਵੇਗਾ ਅਤੇ ਇਹ ਟੂਰ ਅਮੀਰ ਪੰਜਾਬੀ ਰਿਵਾਇਤੀ ਮਿਊਜ਼ਿਕ ਅਤੇ ਕੰਟੈਂਪਰੇਰੀ ਬੀਟਾਂ ਨਾਲ ਮਿਲਾਉਣ ਦਾ ਵਾਅਦਾ ਕਰਦਾ ਹੈ।

ਆਪਣੀ ਇਮਾਨਦਾਰੀ ਅਤੇ ਖੁੱਲ੍ਹੇਪਣ ਲਈ ਜਾਣੀ ਜਾਂਦੀ ਜੈਸਮੀਨ ਸੈਂਡਲਸ ਹਮੇਸ਼ਾ ਆਪਣੀਆਂ ਭਾਵਨਾਵਾਂ, ਅਸੁਰੱਖਿਆ ਅਤੇ ਉਨ੍ਹਾਂ ਚੁਣੌਤੀਆਂ ਬਾਰੇ ਬੋਲਦੀ ਰਹੀ ਹੈ ਜਿਨ੍ਹਾਂ ਦਾ ਉਸ ਨੇ ਸਾਹਮਣਾ ਕੀਤਾ ਹੈ। ਉਹ ਕਦੇ ਵੀ ਆਪਣੇ ਆਪ ਨੂੰ ਪ੍ਰਗਟ ਕਰਨ ਤੋਂ ਪਿੱਛੇ ਨਹੀਂ ਹਟੀ, ਇੱਥੋਂ ਤੱਕ ਕਿ ਆਪਣੇ ਦਰਸ਼ਕਾਂ ਦੇ ਸਾਹਮਣੇ ਹੰਝੂ ਵੀ ਵਹਾਏ। ਦੱਸ ਦੇਈਏ ਕਿ ਜਿਵੇਂ-ਜਿਵੇਂ ਟੂਰ ਨੇੜੇ ਆ ਰਿਹਾ ਹੈ, ਹੋਰ ਵੇਰਵਿਆਂ ਦਾ ਖੁਲਾਸਾ ਕੀਤਾ ਜਾਵੇਗਾ।

ਜੈਸਮੀਨ, ਜੋ ਕਿ ਇੱਕ ਹੋਣਹਾਰ ਗੀਤਕਾਰ ਵੀ ਹੈ। ਉਸ ਨੇ ਕਈ ਦਿਲ ਨੂੰ ਛੂਹ ਲੈਣ ਵਾਲੇ ਗੀਤ ਲਿਖੇ ਹਨ। ਹਾਲਾਂਕਿ ਬਹੁਤ ਸਾਰੇ ਲੋਕ ਅਕਸਰ ਉਸਦੀ ਨਿੱਜੀ ਜ਼ਿੰਦਗੀ, ਖਾਸ ਤੌਰ ’ਤੇ ਗੈਰੀ ਸੰਧੂ ਨਾਲ ਉਸਦੇ ਰਿਸ਼ਤੇ ਨੂੰ ਉਜਾਗਰ ਕਰਦੇ ਹਨ, ਜੈਸਮੀਨ ਨੇ ਹਮੇਸ਼ਾ ਇਸ ਬਾਰੇ ਖੁੱਲ੍ਹ ਕੇ ਬੋਲਿਆ ਹੈ ਅਤੇ ਸੱਚਾਈ ਨੂੰ ਛੁਪਾਉਣ ਤੋਂ ਕਦੇ ਇਨਕਾਰ ਨਹੀਂ ਕੀਤਾ।