21.82C Vancouver 21.82C VancouverDec 9, 2021 10:33 PM -
ਚੀਫ ਆਫ ਡਿਫੈਂਸ ਸਟਾਫ ਜਨਰਲ ਬਿਪਨ ਰਾਵਤ ਦੀ ਅਚਾਨਕ ਹੋਈ ਮੌਤ ਨੇ ਪੂਰੇ ਦੇਸ਼ ਨੂੰ ਸਦਮਾ ਪਹੁੰਚਾਇਆ ਹੈ।
ਬਾਲੀਵੁੱਡ ਭਾਈਚਾਰੇ ਦੇ ਮੈਂਬਰਾਂ ਨੇ ਵੀ ਕੱਲ ਤਾਮਿਲਨਾਡੂ ਵਿਚ ਹੋਏ ਹੈਲੀਕਾਪਟਰ ਹਾਦਸੇ 'ਚ ਮਾਰੇ ਗਏ ਇੰਡੀਆ ਦੇ ਪਹਿਲੇ ਚੀਫ ਆਫ ਡਿਫੈਂਸ ਸਟਾਫ ਦੀ ਮੌਤ 'ਤੇ ਆਪਣੇ ਦੁੱਖ ਦਾ ਪ੍ਰਗਟਾਵਾ ਸ਼ੋਸਲ ਮੀਡੀਆ 'ਤੇ ਕੀਤਾ ਹੈ।
ਇਸ ਹਵਾਈ ਹਾਦਸੇ ਵਿੱਚ ਕੁਲ 13 ਜਣੇ ਮਾਰੇ ਗਏ ਸਨ।ਕੰਗਨਾ ਰਣੌਤ ਅਤੇ ਅਨੂਪਮ ਖੇਰ ਨੇ ਜਨਰਲ ਰਾਵਤ ਦੀਆਂ ਤਸਵੀਰਾਂ ਪਾ ਕੇ ਅਫ਼ਸੋਸ ਦੇ ਪ੍ਰਗਟਾਵੇ ਬਾਰੇ ਟਵੀਟ ਕੀਤੇ ਹਨ।ਇੰਜ ਹੀ ਯਾਮੀ ਗੌਤਮ ਨੇ ਆਪਣੀ ਦੇਸ਼ ਭਗਤੀ ਸਬੰਧੀ ਫ਼ਿਲਮ 'ਉੜੀ: ਦਿ ਸਰਜੀਕਲ ਸਟਰਾਈਕ' ਦੀ ਟੀਮ ਦੀ ਜਨਰਲ ਰਾਵਤ ਨਾਲ ਫੋਟੋ ਪਾ ਕੇ ਇੰਸਟਾਗ੍ਰਾਮ 'ਤੇ ਸਟੋਰੀ ਪਾਈ ਹੈ।
ਹੋਰਾਂ ਤੋਂ ਇਲਾਵਾ ਵਿਵੇਕ ਉਬਰਾਏ, ਤਮੰਨਾ ਭਾਟੀਆ, ਲਾਰਾ ਦੱਤਾ ਅਤੇ ਰਵੀ ਕਿਸ਼ਨ ਵਰਗੀਆਂ ਫ਼ਿਲਮੀ ਹਸਤੀਆਂ ਨੇ ਵੀ ਸੋਸ਼ਲ ਮੀਡੀਆ ਹੈਂਡਲਜ਼ 'ਤੇ ਜਨਰਲ ਰਾਵਤ ਦੀ ਮੌਤ 'ਤੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ।
