'ਲਾਕ ਅੱਪ' ਰਿਆਲਟੀ ਸ਼ੋਅ ਨੂੰ ਹੋਸਟ ਕਰਨ ਲਈ ਬੇਹੱਦ ਉਤਸ਼ਾਹਿਤ ਹੈ ਕੰਗਨਾ ਰਣੌਤ

ਅਦਾਕਾਰਾ ਕੰਗਨਾ ਰਣੌਤ ਆਪਣੇ ਆਉਣ ਵਾਲੇ ਸ਼ੋਅ 'ਲਾਕ ਅੱਪ' ਨੂੰ ਹੋਸਟ ਕਰਨ ਲਈ ਬੇਹੱਦ ਉਤਸ਼ਾਹਿਤ ਹੈ। ਆਉਣ ਵਾਲੇ ਸ਼ੋਅ ਵਿਚ 16 ਹਸਤੀਆਂ ਨੂੰ ਮਹੀਨਿਆਂ ਬੱਧੀ, ਉਨ੍ਹਾਂ ਦੀਆਂ ਵਿਰੋਧੀ ਹਸਤੀਆਂ ਨਾਲ ਲਾਕ ਅੱਪ ਵਿਚ ਰੱਖਿਆ ਜਾਵੇਗਾ।
ਇਸ ਪ੍ਰਾਜੈਕਟ ਬਾਰੇ ਗੱਲ ਕਰਦਿਆਂ ਕੰਗਨਾ ਨੇ ਕਿਹਾ, ''ਮੈਂ ਇਸ ਅਨੋਖੇ ਤੇ ਸ਼ਾਨਦਾਰ ਕਾਂਸੈਪਟ ਦੇ ਨਾਲ ਓਟੀਟੀ ਵਿਚ ਸ਼ਾਮਿਲ ਹੋਣ ਲਈ ਉਤਸ਼ਾਹਿਤ ਹਾਂ। ਏਐਲਟੀ ਬਾਲਾਜੀ ਅਤੇ ਐੱਮ ਐਕਸ ਪਲੇਅਰ ਦੋਹਾਂ ਦਾ ਪੈਮਾਨਾ ਅਤੇ ਅਪਰੋਚ ਬਹੁਤ ਉੱਚੇ ਪੱਧਰ ਦੀ ਹੈ। ਮੈਨੂੰ ਪੂਰਾ ਯਕੀਨ ਹੈ ਕਿ ਇਸ ਪ੍ਰੋਗਰਾਮ ਦੀ ਹੋਸਟ ਵਜੋਂ ਮੈਨੂੰ ਆਪਣੇ ਫੈਨਜ਼ ਨੂੰ ਐਂਟਰਟੇਨ ਕਰਨ ਅਤੇ ਉਨ੍ਹਾਂ ਦੇ ਰੂਬਰੂ ਹੋਣ ਦਾ ਬਹੁਤ ਵਧੀਆ ਮੌਕਾ ਮਿਲੇਗਾ।ਮੈਂ ਬੌਸ ਲੇਡੀ ਏਕਤਾ ਨੂੰ ਇਹ ਮੌਕੇ ਦੇਣ ਲਈ ਸ਼ੁਕਰੀਆ ਕਹਿਣਾ ਚਾਹੁੰਦੀ ਹਾਂ ਜਿਨ੍ਹਾਂ ਤੋਂ ਮੈਂ ਬਹੁਤ ਪ੍ਰਭਾਵਿਤ ਰਹੀ ਹਾਂ। ਮੈਨੂੰ ਬਹੁਤ ਖ਼ੁਸ਼ੀ ਹੈ ਕਿ ਉਹ ਮੇਰੇ ਓਟੀਟੀ ਡੈਬਿਊ ਕਰ ਰਹੇ ਹਾਂ। ਮੇਰੇ ਸਾਰੇ ਫੈਨਜ਼, ਹੁਣ ਤੱਕ ਦੇ ਸਭ ਤੋਂ ਬੇਖ਼ੌਫ ਸ਼ੋਅ ਲਈ ਤਿਆਰ ਰਹਿਣ।''

ਐਂਡਮੋਲ ਸ਼ਾਈਨ ਇੰਡੀਆ ਵੱਲੋਂ ਨਿਰਮਿਤ ਇਸ ਸ਼ੋਅ ਦਾ ਪ੍ਰੀਮੀਅਰ ਏਐਲਟੀ ਬਾਲਾਜੀ ਅਤੇ ਮੈਕਸ ਪਲੇਅਰ ਵਲੋਂ 27 ਫਰਵਰੀ ਨੂੰ ਹੋਣ ਜਾ ਰਿਹਾ ਹੈ।