ਕਪਿਲ ਸ਼ਰਮਾ ਨੇ ਕੈਨੇਡਾ ਤੋਂ ਬਾਅਦ ਹੁਣ ਦੁਬਈ 'ਚ ਖੋਲ੍ਹਿਆ ਆਪਣਾ ਦੂਜਾ 'ਕੈਪਸ ਕੈਫੇ'

ਦੁਨੀਆ ਭਰ ਵਿੱਚ ਆਪਣੀ ਕਾਮੇਡੀ ਨਾਲ ਸਭ ਨੂੰ ਹਸਾਉਣ ਵਾਲੇ ਕਪਿਲ ਸ਼ਰਮਾ ਹੁਣ ਖਾਣ-ਪੀਣ ਦੇ ਕਾਰੋਬਾਰ ਵਿੱਚ ਵੀ ਵੱਡੀਆਂ ਮੱਲਾਂ ਮਾਰ ਰਹੇ ਹਨ। ਕਪਿਲ ਸ਼ਰਮਾ ਨੇ ਆਪਣੇ ਹੋਸਪਿਟੈਲਿਟੀ ਵੈਂਚਰ ਦਾ ਵਿਸਤਾਰ ਕਰਦੇ ਹੋਏ ਸੰਯੁਕਤ ਅਰਬ ਅਮੀਰਾਤ (UAE) ਦੇ ਦੁਬਈ ਸ਼ਹਿਰ ਵਿੱਚ ਆਪਣੇ 'ਕੈਪਸ ਕੈਫੇ' ਦੀ ਦੂਜੀ ਸ਼ਾਖਾ ਖੋਲ੍ਹਣ ਦਾ ਐਲਾਨ ਕੀਤਾ ਹੈ।

ਇਹ ਨਵਾਂ ਕੈਫੇ ਦੁਬਈ ਦੇ ਅਲ ਕਿਫਾਫ ਇਲਾਕੇ ਵਿੱਚ ਸਥਿਤ ਹੈ,ਜਿਸ ਨੂੰ ਕਿਰਪਾ ਪ੍ਰਾਪਰਟੀਜ਼ ਰਾਹੀਂ ਫਾਈਨਲ ਕੀਤਾ ਗਿਆ ਹੈ। ਰਿਪੋਰਟ ਅਨੁਸਾਰ,ਇਸ ਖਾਸ ਜਗ੍ਹਾ ਦੀ ਚੋਣ ਕਰਨ ਤੋਂ ਪਹਿਲਾਂ ਲਗਭਗ 20 ਤੋਂ ਵੱਧ ਸੰਭਾਵਿਤ ਸਥਾਨਾਂ ਦੀ ਜਾਂਚ ਕੀਤੀ ਗਈ ਸੀ,ਜੋ ਕਿ ਇਸ ਪ੍ਰੋਜੈਕਟ ਪਿੱਛੇ ਕੀਤੀ ਗਈ ਸਖ਼ਤ ਮਿਹਨਤ ਅਤੇ ਯੋਜਨਾਬੰਦੀ ਨੂੰ ਦਰਸਾਉਂਦਾ ਹੈ। ਇਹ ਕੈਫੇ 31 ਦਸੰਬਰ 2025 ਨੂੰ ਅਧਿਕਾਰਤ ਤੌਰ 'ਤੇ ਆਮ ਲੋਕਾਂ ਲਈ ਖੁੱਲ੍ਹ ਜਾਵੇਗਾ।