ਜਦੋਂ ਕਪਿਲ ਨੂੰ ਸ਼ਰਾਬ ਦੇ ਨਸ਼ੇ 'ਚ ਪੀਐੱਮ ਨੂੰ ਟਵੀਟ ਪਿਆ ਮਹਿੰਗਾ

ਕਪਿਲ ਸ਼ਰਮਾ ਦੇ ਨੈਟਫਲਿਕਸ ਦੇ ਸਪੈਸ਼ਲ ਟ੍ਰੇਲਰ ਵਿਚ ਦਿਖਾਇਆ ਜਾ ਰਿਹੈ ਕਿ ਜਦੋਂ ਸ਼ਰਾਬ ਪੀ ਕੇ ਕਪਿਲ ਨੇ ਪ੍ਰਧਾਨ ਮੰਤਰੀ ਮੋਦੀ ਨੂੰ ਟਵੀਟ ਕੀਤਾ ਤਾਂ ਉਸ ਤੋਂ ਬਾਅਦ ਕੀ ਹੋਇਆ।

ਦਰਸ਼ਕਾਂ ਨੂੰ ਹਸਾਉਣ ਲਈ ਕਾਮੇਡੀ ਦੀਆਂ ਵੱਖ ਵੱਖ ਨਬਜ਼ਾਂ ਫੜਨ ਵਾਲੇ ਕਪਿਲ ਸ਼ਰਮਾ ਦਾ ਨੈਟਫਲਿਕਸ ਸ਼ੋਅ 'ਆਈ ਐਮ ਨੌਟ ਡੰਨ ਯੈੱਟ' ਵਿਚ ਉਹ ਆਪਣੀ ਰੀਅਲ ਲਾਈਫ਼ ਅਨੁਭਵ ਸਾਂਝੇ ਕਰਨ ਜਾ ਰਿਹਾ ਹੈ।

ਕਪਿਲ ਨੇ ਇਹ ਟੇ੍ਰਲਰ ਸੋਮਵਾਰ ਨੂੰ ਆਪਣੇ ਇੰਸਟਾ ਹੈਂਡਲ 'ਤੇ ਸ਼ੇਅਰ ਕੀਤਾ ਹੈ। ਕਪਿਲ ਨੇ ਉਸ ਕਿੱਸੇ ਦਾ ਵੀ ਜਿ਼ਕਰ ਕੀਤਾ ਜਦੋਂ ਉਸ ਨੇ ਸ਼ਰਾਬ ਦੇ ਨਸ਼ੇ ਵਿਚ ਪ੍ਰਧਾਨ ਮੰਤਰੀ ਨੂੰ ਟਵੀਟ ਕੀਤਾ ਸੀ।

ਕਪਿਲ ਨੇ ਉਸ ਬਾਰੇ ਵੀ ਜਿ਼ਕਰ ਕੀਤਾ ਜਦੋਂ ਓ ਬੀ ਵੈਨਜ਼ ਨੇ ਅਗਲੀ ਸਵੇਰ ਉਸ ਦੇ ਘਰ ਨੂੰ ਚੁਫੇਰਿਓਂ ਘੇਰ ਲਿਆ। ਉਸ ਨੇ ਸੋਚਿਆ ਕਿ ਇਹ ਫਾਇਰਬ੍ਰਿਗੇਡ ਦੀਆਂ ਗੱਡੀਆਂ ਹਨ।ਜਦੋਂ ਉਸ ਨੇ ਆਪਣੇ ਕੁੱਕ ਨੂੰ ਪੁੱਛਿਆ ਕਿ ਕਿਤੇ ਅੱਗ ਲੱਗੀ ਹੈ? ਤਾਂ ਉਸ ਨੇ ਕਿਹਾ 'ਤੁਸੀਂ ਲਾਈ ਹੈ।ਤੁਸੀਂ ਕੱਲ੍ਹ ਰਾਤੀਂ ਟਵਿੱਟਰ 'ਤੇ ਅੱਗ ਲਾਈ ਹੈ।'

ਕਪਿਲ ਦੇ ਵਿਵਾਦਗ੍ਰਸਤ ਟਵੀਟ ਵਿਚ ਲਿਖਿਆ ਸੀ, "ਮੈਂ ਪਿਛਲੇ 5 ਸਾਲਾਂ ਤੋਂ 15 ਕਰੋੜ ਇਨਕਮ ਟੈਕਸ ਭਰ ਰਿਹਾਂ ਪਰ ਫਿਰ ਵੀ ਮੈਨੂੰ ਦਫਤਰ ਬਣਾਉਣ ਲਈ ਬੀ ਐਮ ਸੀ ਦਫ਼ਤਰ ਨੂੰ 5 ਲੱਖ ਦੀ ਰਿਸ਼ਵਤ ਦੇਣੀ ਪੈ ਰਹੀ ਹੈ।"

ਇਸ ਟਵੀਟ ਕਾਰਨ ਕਪਿਲ ਵਿਵਾਦਾਂ ਵਿਚ ਫਸ ਗਏ ਸਨ।