ਕਰਨ ਔਜਲਾ ਤੇ ਵਨ ਰਿਪਬਲਿਕ ਦਾ ਸਹਿਯੋਗ

ਅੰਤਰਰਾਸ਼ਟਰੀ ਪੱਧਰ 'ਤੇ ਪ੍ਰਸਿੱਧੀ ਪ੍ਰਾਪਤ ਪੰਜਾਬੀ ਗਾਇਕ ਕਰਨ ਔਜਲਾ ਨੇ ਗ੍ਰੈਮੀ-ਨਾਮਜ਼ਦ ਪੌਪ ਸਨਸੇਸ਼ਨ ਵਨ ਰਿਪਬਲਿਕ ਨਾਲ ਮਿਲ ਕੇ ਆਪਣਾ ਬਹੁਤ ਉਡੀਕਿਆ ਜਾਣ ਵਾਲਾ ਸਿੰਗਲ, "ਟੈਲ ਮੀ" ਰਿਲੀਜ਼ ਕੀਤਾ ਹੈ।

ਇਸ ਗੀਤ ਦੀ ਖਾਸੀਅਤ ਇਹ ਹੈ ਕਿ ਇਸ ਗੀਤ ਵਿੱਚ ਗਾਇਕ ਨੇ ਅੰਤਰਰਾਸ਼ਟਰੀ ਬੈਂਡ 'ਵਨ ਰਿਪਬਲਿਕ' ਨਾਲ ਸਹਿਯੋਗ ਕੀਤਾ ਹੈ। ਦਿਲਚਸਪ ਗੱਲ ਇਹ ਵੀ ਹੈ ਕਿ ਇਸ ਗੀਤ ਵਿੱਚ ਬਾਲੀਵੁੱਡ ਸੁੰਦਰੀ ਦਿਸ਼ਾ ਪਟਾਨੀ ਨੇ ਵੀ ਆਪਣੇ ਹੁਸਨ ਦਾ ਤੜਕਾ ਲਾਇਆ ਹੈ।

ਇਸ ਦੇ ਨਾਲ ਹੀ ਤੁਹਾਨੂੰ ਦੱਸ ਦੇਈਏ ਕਿ ਗੀਤ ਵਿੱਚ ਅੰਤਰਰਾਸ਼ਟਰੀ ਬੈਂਡ 'ਵਨ ਰਿਪਬਲਿਕ' ਦੇ ਗਾਇਕ ਰਿਆਨ ਟੇਡਰ ਪੰਜਾਬੀ ਵਿੱਚ ਗਾਇਕ ਕਰਨ ਔਜਲਾ ਨਾਲ ਤਾਲ ਮਿਲਾਉਂਦੇ ਨਜ਼ਰੀ ਪੈਂਦੇ ਹਨ। ਗਾਇਕ ਰਿਆਨ ਟੇਡਰ ਦੇ ਮੂੰਹੋਂ ਪੰਜਾਬੀ ਸੁਣ ਕੇ ਪ੍ਰਸ਼ੰਸਕ ਕਾਫੀ ਖੁਸ਼ ਹਨ।