'ਲੀ' ਦੇ ਕਰੋਸ਼ੀਆ ਸੈੱਟ 'ਤੇ ਫਿਸਲਣ ਤੋਂ ਬਾਅਦ ਕੇਟ ਵਿੰਸਲੇਟ ਹਸਪਤਾਲ 'ਚ ਦਾਖ਼ਲ

ਹਾਲੀਵੁੱਡ ਸਟਾਰ ਕੇਟ ਵਿੰਸਲੇਟ ਕਰੋਸ਼ੀਆ ਵਿਚ "ਲੀ" ਦੀ ਸ਼ੂਟਿੰਗ ਦੌਰਾਨ ਦੁਰਘਟਨਾ ਦਾ ਸ਼ਿਕਾਰ ਹੋ ਗਈ, ਜਿਸ ਮਗਰੋਂ ਉਨ੍ਹਾਂ ਨੂੰ ਹਸਪਤਾਲ ਵਿਚ ਦਾਖ਼ਲ ਹੋਣਾ ਪਿਆ। ਹਾਲਾਂਕਿ, ਹੁਣ ਉਨ੍ਹਾਂ ਦੀ ਸਿਹਤ ਵਿਚ ਸੁਧਾਰ ਦੱਸਿਆ ਜਾ ਰਿਹਾ ਹੈ ਅਤੇ ਉਹ ਜਲਦ ਹੀ ਇਸ ਹਫ਼ਤੇ ਫਿਲਮ ਦੀ ਸ਼ੂਟਿੰਗ ਮੁੜ ਸ਼ੁਰੂ ਕਰਨਗੇ।

ਇੱਕ ਬਿਆਨ ਵਿਚ ਦੱਸਿਆ ਗਿਆ ਹੈ, ''ਕੇਟ ਫਿਸਲ ਗਏ ਸਨ, ਜਿਸ ਨੂੰ ਦੇਖਦੇ ਹੋਏ ਪ੍ਰੋਡਕਸ਼ਨ ਵੱਲੋਂ ਜ਼ਰੂਰੀ ਹਦਾਇਤਾਂ ਦੇ ਤੌਰ 'ਤੇ ਉਨ੍ਹਾਂ ਨੂੰ ਹਸਪਤਾਲ ਲਿਜਾਇਆ ਗਿਆ। ਉਹ ਠੀਕ ਹਨ ਅਤੇ ਇਸ ਹਫ਼ਤੇ ਪਲਾਨ ਅਨੁਸਾਰ ਫਿਲਮ ਦੀ ਸ਼ੂਟਿੰਗ ਵਿਚ ਸ਼ਾਮਲ ਹੋਣਗੇ।"

ਵਿੰਸਲੇਟ ਨੇ ਆਪਣੀ ਆਉਣ ਵਾਲੀ ਫੀਚਰ ਫਿਲਮ ਵਿਚ ਲੀ ਮਿਲਰ ਦੀ ਭੂਮਿਕਾ ਵਿਚ ਹਨ, ਜੋ ਕਿ ਵੋਗ ਕਵਰ ਮਾਡਲ ਤੋਂ ਫੋਟੋਗ੍ਰਾਫਰ ਬਣੇ ਸਨ ਅਤੇ ਦੂਜੇ ਵਿਸ਼ਵ ਯੁੱਧ ਦੌਰਾਨ ਪੱਤਰਕਾਰ ਦੇ ਤੌਰ 'ਤੇ ਕੰਮ ਕੀਤਾ ਸੀ। ਮਿਲਰ ਨੇ ਆਪਣੀਆਂ ਤਸਵੀਰਾਂ ਰਾਹੀਂ ਦੁਨੀਆ ਦਾ ਧਿਆਨ ਨਾਜ਼ੀ ਕੈਂਪਾਂ ਵਿਚ ਹੋਏ ਅੱਤਿਆਚਾਰਾਂ ਵੱਲ ਲਿਆਂਦਾ ਸੀ। ਫਿਲਮ ਦਾ ਨਿਰਦੇਸ਼ਨ ਏਲਨ ਕੁਰਸ ਵੱਲੋਂ ਕੀਤਾ ਜਾ ਰਿਹਾ ਹੈ, ਉਨ੍ਹਾਂ ਨੇ ਪਹਿਲਾਂ ਵਿੰਸਲੇਟ ਨਾਲ "ਇਟਰਨਲ ਸਨਸ਼ਾਈਨ ਆਫ ਦਿ ਸਪੌਟਲੇਸ ਮਾਈਂਡ" 'ਤੇ ਸਿਨੇਮੈਟੋਗ੍ਰਾਫਰ ਵਜੋਂ ਵੀ ਕੰਮ ਕੀਤਾ ਸੀ।

"ਲੀ" ਵਿਚ ਮੈਰੀਅਨ ਕੋਟੀਲਾਰਡ, ਜੂਡ ਲਾਅ, ਐਂਡਰੀਆ ਰਾਈਸਬਰੋ ਅਤੇ ਜੋਸ਼ ਓ'ਕੌਨਰ ਵੀ ਹਨ।