ਵਿੱਕੀ ਕੌਸ਼ਲ ਤੇ ਕੈਟਰੀਨਾ ਕੈਫ ਨੇ ਆਪਣੇ ਪੁੱਤਰ ਦਾ ਨਾਂਅ ਕੀਤਾ ਜ਼ਾਹਰ

ਬਾਲੀਵੁੱਡ ਅਦਾਕਾਰਾ ਕੈਟਰੀਨਾ ਕੈਫ ਅਤੇ ਅਦਾਕਾਰ ਵਿੱਕੀ ਕੌਸ਼ਲ ਨੇ 7 ਨਵੰਬਰ ਨੂੰ ਆਪਣੇ ਪੁੱਤਰ ਦੇ ਜਨਮ ਦਾ ਐਲਾਨ ਕੀਤਾ ਸੀ। ਹਾਲਾਂਕਿ, ਉਨ੍ਹਾਂ ਨੇ ਉਸ ਸਮੇਂ ਉਸ ਦਾ ਨਾਂਅ ਨਹੀਂ ਦੱਸਿਆ ਸੀ। ਹੁਣ, ਜਨਮ ਤੋਂ ਲਗਭਗ ਦੋ ਮਹੀਨੇ ਬਾਅਦ, ਜੋੜੇ ਨੇ ਆਖਰਕਾਰ ਆਪਣੇ ਪੁੱਤਰ ਦਾ ਨਾਮ ਜਨਤਕ ਕਰ ਦਿੱਤਾ ਹੈ।

ਇੱਕ ਸਾਂਝੀ ਪੋਸਟ ਵਿੱਚ, ਕੈਟਰੀਨਾ ਅਤੇ ਵਿੱਕੀ ਨੇ ਲਿਖਿਆ, "ਸਾਡੀ ਰੋਸ਼ਨੀ ਦੀ ਕਿਰਨ - ਵਿਹਾਨ ਕੌਸ਼ਲ। ਸਾਡੀਆਂ ਪ੍ਰਾਰਥਨਾਵਾਂ ਦਾ ਜਵਾਬ ਮਿਲ ਗਿਆ ਹੈ। ਜ਼ਿੰਦਗੀ ਬਹੁਤ ਸੁੰਦਰ ਹੈ। ਸਾਡੀ ਦੁਨੀਆ ਇੱਕ ਪਲ ਵਿੱਚ ਬਦਲ ਗਈ ਹੈ। ਸ਼ਬਦਾਂ ਤੋਂ ਪਰੇ ਧੰਨਵਾਦੀ।"

ਦੱਸ ਦੇਈਏ ਕਿ 'ਵਿਹਾਨ' ਇੱਕ ਸੰਸਕ੍ਰਿਤ ਨਾਮ ਹੈ ਜਿਸ ਦਾ ਅਰਥ ਹੈ ਸਵੇਰ, ਸੂਰਜ ਦਾ ਚੜ੍ਹਨਾ ਜਾਂ ਸੂਰਜ ਦੀ ਰੌਸ਼ਨੀ ਅਜਿਹੇ ਅਰਥ ਕੀਤੇ ਜਾ ਸਕਦੇ ਹਨ।