ਤਿੱਬਤ ਕੰਸਰਟ ਕਾਰਨ ਕੀਨੂੰ ਰੀਵਜ਼ ਹੋਏ ਚੀਨੀ ਸੋਸ਼ਲ ਮੀਡੀਆ ਦੇ ਪ੍ਰਤੀਕਰਮ ਦਾ ਸਿ਼ਕਾਰ

ਹਾਲੀਵੁੱਡ ਅਭਿਨੇਤਾ ਕੀਨੂੰ ਰੀਵਜ਼ ਨੂੰ 'ਚੀਨੀ ਰਾਸ਼ਟਰਵਾਦੀਆਂ' ਦੇ ਗੁੱਸੇ ਦਾ ਉਸ ਸਮੇਂ ਸਾਹਮਣਾ ਕਰਨਾ ਪਿਆ, ਜਦੋਂ ਇਸ ਹਫ਼ਤੇ ਦੇ ਸ਼ੁਰੂ ਵਿਚ ਇਹ ਖ਼ਬਰ ਸਾਹਮਣੇ ਆਈ ਕਿ ਉਹ ਤਿੱਬਤ ਦੇ ਇਕ ਆਉਣ ਵਾਲੇ ਬੈਨੀਫਿਟ ਕੰਨਸਰਟ ਵਿਚ ਹਿੱਸਾ ਲੈਣਗੇ।

'ਦਿ ਹਾਲੀਵੁੱਡ ਰਿਪੋਰਟ' ਮੁਤਾਬਕ ਕੁਝ ਚੀਨੀ ਸੋਸ਼ਲ ਮੀਡੀਆ ਯੂਜ਼ਰਾਂ ਨੇ, ਜਿਨ੍ਹਾਂ ਨੂੰ 'ਲਿਟਲ ਪਿੰਕਸ' ਕਿਹਾ ਜਾਂਦਾ ਹੈ, ਨੇ ਇਹ ਸੁਝਾਅ ਦਿੱਤਾ ਹੈ ਕਿ ਰੀਵਜ਼ ਦੀ ਹਾਲ ਹੀ ਵਿਚ ਰਿਲੀਜ਼ ਹੋਈ 'ਦਿ ਮੈਟ੍ਰਿਕਸ ਰੀਸਰੈਕਸ਼ਨਜ਼' ਦਾ ਬਾਈਕਾਟ ਕੀਤਾ ਜਾਣਾ ਚਾਹੀਦਾ ਹੈ।

ਰੀਵਜ਼ ਦੀ ਤਿੱਬਤ ਘਟਨਾ ਵਿਚ ਸ਼ਾਮਿਲ ਹੋਣ ਵਾਲੀ ਖ਼ਬਰ ਤੋਂ ਪਹਿਲਾਂ ਹੀ ਉਸ ਦੀ ਫਿ਼ਲਮ 'ਮੈਟ੍ਰਿਕਸ' ਚੀਨ ਵਿਚ ਫਲਾਪ ਹੋ ਗਈ ਸੀ। ਫਿ਼ਲਮ ਨੇ ਓਪਨਿੰਗ ਵਿਚ ਸਿਰਫ 7. 5 ਮਿਲੀਅਨ ਅਮਰੀਕੀ ਡਾਲਰ ਦੀ ਕਮਾਈ ਕੀਤੀ ਅਤੇ ਹੁਣ ਤਕ 12. 4 ਮਿਲੀਅਨ ਡਾਲਰ ਹੀ ਕਮਾਏ ਹਨ। ਲਿਹਾਜ਼ਾ, ਵਾਰਨਰ ਬ੍ਰਦਰਜ਼ ਨੂੰ ਇਸ ਖ਼ਬਰ ਨਾਲ ਕੋਈ ਬਹੁਤਾ ਫਰਕ ਨਹੀਂ ਪਵੇਗਾ।