20.47C Vancouver 20.47C VancouverAug 11, 2022 5:25 PM - ANI
ਅਮਰੀਕੀ ਰੈਪਰ ਤੇ ਗੀਤਕਾਰ ਕੈਨਯ ਵੈਸਟ ਵੱਲੋਂ ਸੋਸ਼ਲ ਮੀਡੀਆ 'ਤੇ ਕਿਮ ਕਾਰਦਾਸ਼ੀਅਨ ਅਤੇ ਪੀਟ ਡੇਵਿਡਸਨ ਦੇ ਬ੍ਰੇਕਅੱਪ 'ਤੇ ਪ੍ਰਤੀਕਿਰਿਆ ਕਰਨ 'ਤੇ ਕਿਮ ਕਾਰਦਸ਼ੀਅਨ ਨੇ ਨਾਰਾਜ਼ਗੀ ਜ਼ਾਹਰ ਕੀਤੀ ਹੈ।
ਗ੍ਰੈਮੀ-ਜੇਤੂ ਰੈਪਰ ਕੈਨਯ ਨੇ ਸੋਮਵਾਰ ਨੂੰ ਇੰਸਟਾਗ੍ਰਾਮ 'ਤੇ ਨਿਊਯਾਰਕ ਟਾਈਮਜ਼ ਨਿਊਜ਼ਪੇਪਰ ਦੇ ਨਕਲੀ ਹੈੱਡਲਾਈਨ ਦੀ ਇੱਕ ਪੋਸਟ ਸਾਂਝੀ ਕੀਤੀ ਸੀ, ਜਿਸ ਵਿਚ ਲਿਖਿਆ ਸੀ, "28 ਸਾਲ ਦੀ ਉਮਰ ਵਿੱਚ ਸਕੇਟ ਡੇਵਿਡਸਨ ਦੀ ਮੌਤ"। ਇਸ ਪੋਸਟ ਨੂੰ ਬਾਅਦ ਵਿਚ ਡਿਲੀਟ ਕਰ ਦਿੱਤਾ ਗਿਆ। ਇਸ ਦੀ ਨਜ਼ਦੀਕੀ ਜਾਣਕਾਰੀ ਰੱਖਣ ਵਾਲੇ ਇੱਕ ਸੂਤਰ ਨੇ ਕਿਹਾ ਕਿ ਕਿਮ ਇਸ ਤੋਂ ਕਾਫ਼ੀ ਨਾਰਾਜ਼ ਹੋਏ। ਸੂਤਰ ਨੇ ਅੱਗੇ ਕਿਹਾ ਕਿ ਕਿਮ ਨੂੰ "ਇਸ ਤਰ੍ਹਾਂ ਦਾ ਵਿਵਹਾਰ ਪਸੰਦ ਨਹੀਂ ਅਤੇ ਉਹ ਆਪਣੇ ਹਰਮਨ ਪਿਆਰਿਆਂ ਪ੍ਰਤੀ ਇਸ ਤਰ੍ਹਾਂ ਦਾ ਮਖੌਲ ਬਰਦਾਸ਼ਤ ਨਹੀਂ ਕਰੇਗੀ।"
ਕਿਮ ਤੇ ਪੀਟ ਦੇ ਨਜ਼ਦੀਕੀ ਸੂਤਰ ਨੇ ਬ੍ਰੇਕਅੱਪ ਦੀ ਪੁਸ਼ਟੀ ਕਰਦੇ ਹੋਏ ਕਿਹਾ ਕਿ ਉਨ੍ਹਾਂ ਨੇ ਸਿਰਫ਼ ਦੋਸਤ ਬਣੇ ਰਹਿਣ ਦਾ ਫ਼ੈਸਲਾ ਕੀਤਾ ਹੈ। ਹਾਲਾਂਕਿ, ਦੋਹਾਂ ਵਿਚਕਾਰ ਇੱਕ-ਦੂਜੇ ਲਈ ਭਰਪੂਰ ਪਿਆਰ ਅਤੇ ਸਤਿਕਾਰ ਹਾਲੇ ਵੀ ਹੈ। ਇਸ ਦਾ ਸਬੂਤ ਕਿਮ ਕਾਰਦਸ਼ੀਅਨ ਨੇ ਕੈਨਯ ਦੀ ਇੰਸਟਾਗ੍ਰਾਮ ਪੋਸਟ ਨੂੰ ਹਟਾਉਣ ਲਈ ਜ਼ੋਰ ਪਾ ਕੇ ਦਿਖਾਇਆ ਹੈ। ਕਿਮ ਨੇ ਕਈ ਵਾਰ ਪੋਸਟ ਨੂੰ ਹਟਾਉਣ ਲਈ ਕਿਹਾ।
ਪੀਟ ਫਿਲਮ 'ਵਿਜ਼ਾਰਡਜ਼' 'ਤੇ ਕੰਮ ਕਰਦੇ ਹੋਏ ਆਸਟ੍ਰੇਲੀਆ ਵਿਚ ਗਰਮੀਆਂ ਦਾ ਕੁਝ ਹਿੱਸਾ ਬਿਤਾ ਰਹੇ ਹਨ, ਜਦੋਂ ਕਿ ਕਿਮ ਕੈਨੇ ਨਾਲ ਆਪਣੇ ਚਾਰ ਬੱਚਿਆਂ ਦੇ ਪਾਲਣ-ਪੋਸ਼ਣ 'ਤੇ ਧਿਆਨ ਦੇ ਰਹੀ ਹੈ। ਹਾਲਾਂਕਿ, ਉਹ ਕੈਨਯ ਨਾਲ ਸੁਲ੍ਹਾ ਕਰਨ ਦੇ ਮੂਡ ਵਿਚ ਨਹੀਂ ਹੈ।
ਗੌਰਤਲਬ ਹੈ ਕਿ ਕਿਮ ਨੇ ਫਰਵਰੀ 2021 ਵਿਚ ਕੈਨੀ ਨਾਲ ਆਪਣਾ ਰਿਸ਼ਤਾ ਖ਼ਤਮ ਕਰਨ ਲਈ ਅਰਜ਼ੀ ਦਾਇਰ ਕੀਤੀ ਸੀ ਅਤੇ ਮਾਰਚ ਵਿਚ ਕਾਨੂੰਨੀ ਤੌਰ 'ਤੇ ਉਨ੍ਹਾਂ ਨੂੰ ਸਿੰਗਲ ਘੋਸ਼ਿਤ ਕਰ ਦਿੱਤਾ ਗਿਆ ਸੀ।
