ਕੁਨਾਲ ਕਪੂਰ ਤੇ ਨੈਨਾ ਬੱਚਨ ਨੂੰ ਪੁੱਤਰ ਦੀ ਦਾਤ ਮਿਲੀ

ਅਦਾਕਾਰ ਕੁਨਾਲ ਕਪੂਰ ਅਤੇ ਉਸ ਦੀ ਪਤਨੀ ਨੈਨਾ ਬੱਚਨ ਨੂੰ ਪੁੱਤਰ ਦੀ ਦਾਤ ਮਿਲੀ ਹੈ।ਸੋਮਵਾਰੀਂ ਕੁਨਾਲ ਨੇ ਇੰਸਟਾਗ੍ਰਾਮ 'ਤੇ ਇਹ ਖ਼ਬਰ ਆਪਣੇ ਪ੍ਰਸ਼ੰਸਕਾਂ ਨਾਲ ਸਾਂਝੀ ਕੀਤੀ।
ਉਨ੍ਹਾਂ ਲਿਖਿਆ, "ਆਪਣੇ ਸਾਰੇ ਪ੍ਰਸ਼ੰਸਕਾਂ ਸ਼ੁਭਚਿੰਤਕਾਂ ਨਾਲ ਮੈਂ ਇਹ ਗੱਲ ਸਾਂਝੀ ਕਰ ਰਿਹਾ ਹਾਂ ਕਿ ਨੈਨਾ ਤੇ ਮੈਨੂੰ ਇਹ ਗੱਲ ਸਾਂਝੀ ਕਰਦਿਆਂ ਬੇਹੱਦ ਖ਼ੁਸ਼ੀ ਹੋ ਰਹੀ ਹੈ ਕਿ ਅਸੀਂ ਇਕ ਖ਼ੂਬਸੂਰਤ ਲੜਕੇ ਦੇ ਮਾਣ ਮੱਤੇ ਮਾਪੇ ਬਣ ਗਏ ਹਾਂ।ਅਸੀਂ ਰੱਬ ਦੇ ਇੰਨਾ ਮਿਹਰਬਾਨ ਹੋਣ 'ਤੇ ਸ਼ੁਕਰਗੁਜ਼ਾਰ ਹਾਂ।"
ਨਵ ਜਨਮੇ ਦੀ ਆਮਦ ਦੀ ਖ਼ਬਰ ਮਿਲਣ ਪਿੱਛੋਂ ਪ੍ਰਸ਼ੰਸਕਾਂ ਅਤੇ ਫ਼ਿਲਮ ਇੰਡਸਟਰੀ ਦੇ ਲੋਕਾਂ ਨੇ ਕੁਨਾਲ ਤੇ ਨੈਨਾ ਲਈ ਦਿਲੀ ਸ਼ੁੱਭ ਇੱਛਾਵਾਂ ਭੇਟ ਕੀਤੀਆਂ ਹਨ।