ਅਮਿਤਾਭ ਬੱਚਨ ਅਤੇ ਕਮਲ ਹਾਸਨ 'ਕਲਕੀ 2' ਵਿੱਚ ਕਰਨਗੇ ਕਮਾਲ

ਮੈਗਸਟਾਰ ਅਮਿਤਾਭ ਬੱਚਨ ਅਤੇ ਤਾਮਿਲ ਸਿਨੇਮਾ ਦੇ ਧਰੰਧਰ ਕਲਾਕਾਰ ਕਮਲ ਹਾਸਨ 40 ਸਾਲ ਦੇ ਵਕਫੇ ਬਾਅਦ ਇਕ ਵਾਰ ਫਿਰ ਇਕੱਠੇ ਵੱਡੇ ਪਰਦੇ 'ਤੇ ਦਿਖਾਈ ਦੇਣਗੇ।ਇਸ ਵਾਰ ਉਹ 'ਕਲਕੀ 2' ਵਿੱਚ ਆਪਣੀਆਂ ਮਹੱਤਵਪੂਰਨ ਭੂਮਿਕਾਵਾਂ ਨਿਭਾਉਣਗੇ। ਅਮਿਤਾਭ ਨੇ ਇਸ ਫਿਲਮ ਦੇ ਸੈਟ ਦੀਆਂ ਕੁਝ ਗੱਲਾਂ ਸਾਂਝੀਆਂ ਕਰਕੇ ਪ੍ਰਸ਼ੰਸਕਾਂ ਨੂੰ ਕਾਫੀ ਖੁਸ਼ ਕੀਤਾ।

ਇਸ ਤੋਂ ਪਹਿਲਾਂ ਦੋਵੇਂ ਵੱਡੇ ਅਭਿਨੇਤਾ 1985 ਵਿੱਚ ਗ੍ਰਿਫ਼ਤਾਰ ਫਿਲਮ ਵਿੱਚ ਨਜ਼ਰ ਆਏ ਸਨ। ਇਹ ਪ੍ਰਾਜੈਕਟ ਕਲਕੀ 2898ਈ ਦੀ ਭਾਰੀ ਸਫਲਤਾ ਤੋਂ ਬਾਅਦ ਆਇਆ ਹੈ। ਅਮਿਤਾਭ ਬੱਚਨ ਇਕ ਵਾਰ ਫਿਰ ਅਸ਼ਵਧਾਮਾਂ ਦਾ ਰੋਲ ਨਿਭਾਅ ਰਹੇ ਹਨ, ਜਿਹੜਾ ਕਿਰਦਾਰ ਉਨ੍ਹਾਂ ਨੇ ਪਹਿਲੀ ਫਿਲਮ ਵਿੱਚ ਨਿਭਾਇਆ ਸੀ, ਕਲਕੀ 2898ਈ 2024 ਵਿੱਚ ਰਿਲੀਜ਼ ਹੋਈ ਸੀ, ਜਿਹੜੀ ਪੂਰੀ ਤਰ੍ਹਾਂ ਨਾਲ ਹਿੰਦੂ ਪੌਰਾਣਿਕ ਕਥਾਵਾਂ ਤੋਂ ਪ੍ਰੇਰਿਤ ਹੈ।