15.53C Vancouver 15.53C VancouverMar 10, 2025 12:03 PM - Connect Newsroom
ਪਾਲੀਵੁੱਡ ਅਤੇ ਪੰਜਾਬੀ ਸੰਗੀਤ ਦੇ ਖੇਤਰ ਵਿੱਚ ਇੰਨੀ ਦਿਨੀਂ ਖਾਸੇ ਸਰਗਰਮ ਨਜ਼ਰ ਆ ਰਹੇ ਸਟਾਰ ਗਾਇਕ ਬੱਬੂ ਮਾਨ, ਜੋ ਜਲਦ ਹੀ ਕੈਨੇਡਾ ਦੌਰੇ ਲਈ ਵੀ ਰਵਾਨਾ ਹੋਣ ਜਾ ਰਹੇ ਹਨ, ਜਿਸ ਸੰਬੰਧਤ ਹੋਣ ਵਾਲੇ ਸ਼ੋਅਜ਼ ਦੀ ਰਸਮੀ ਰੂਪ ਰੇਖਾ ਦਾ ਐਲਾਨ ਉਨ੍ਹਾਂ ਵੱਲੋਂ ਕਰ ਦਿੱਤਾ ਗਿਆ ਹੈ।
ਇਸ ਵਰ੍ਹੇ 2025 ਦੇ ਅਗਾਮੀ ਮਈ ਮਹੀਨੇ ਤੋਂ ਅਗਾਜ਼ ਵੱਲ ਵਧਣ ਜਾ ਰਹੇ ਇਨ੍ਹਾਂ ਸ਼ੋਅਜ਼ ਦੀ ਸ਼ੁਰੂਆਤ 3 ਮਈ ਤੋਂ ਵੈਨਕੂਵਰ ਬ੍ਰਿਟਿਸ਼ ਕੋਲੰਬੀਆ ਵਿੱਚ ਹੋਵੇਗੀ, ਜਿਸ ਉਪਰੰਤ 10 ਮਈ ਨੂੰ ਐਡਮਿੰਟਨ ਏਬੀ (ਐਕਸਪੋ ਸੈਂਟਰ ਅਰੀਨਾ), 11 ਮਈ ਕੈਲਗਰੀ (ਵਿੰਸਪੋਰਟ ਅਰੀਨਾ), 16 ਮਈ ਵਿਨੀਪੈਗ (ਬੁਰਟਨ ਕਮਿਨਗਜ ਥੀਏਟਰ) ਅਤੇ 17 ਮਈ ਨੂੰ (ਟੋਰਾਂਟੋ ਦੇ ਸਕੋਟੀਬੈਂਕ ਅਰੀਨਾ) ਵਿਖੇ ਇਹ ਲਾਈਵ ਕੰਸਰਟ ਆਯੋਜਿਤ ਕੀਤੇ ਜਾ ਰਹੇ ਹਨ।
ਕੈਨੇਡਾ ਵਿਖੇ ਇਸ ਸਾਲ ਦੇ ਪਹਿਲੇ ਲਾਈਵ ਗਾਇਕੀ ਪ੍ਰੋਗਰਾਮਾਂ ਵਜੋਂ ਅੰਜ਼ਾਮ ਦਿੱਤੇ ਜਾ ਰਹੇ ਹਨ ਗਾਇਕ ਬੱਬੂ ਮਾਨ ਵੱਲੋਂ ਉਕਤ ਸ਼ੋਅਜ਼, ਜਿਸ ਸੰਬੰਧਤ ਸਾਰੀਆਂ ਤਿਆਰੀਆਂ ਪ੍ਰਬੰਧਕਾਂ ਵੱਲੋਂ ਤੇਜ਼ੀ ਨਾਲ ਪੂਰੀਆਂ ਕੀਤੀਆਂ ਜਾ ਰਹੀਆਂ ਹਨ।
