'ਮੂਨ ਨਾਈਟ' ਸੀਰੀਜ਼ ਦਾ ਸਟਾਰ ਗੈਸਪਰਡ ਹਾਦਸੇ 'ਚ ਹਲਾਕ

ਗੈਸਪਰਡ ਉੱਲੀਅਲ ਜੋ ਕਿ ਮਾਰਵਲ ਦੀ ਆਉਣ ਵਾਲੀ 'ਮੂਨ ਨਾਈਟ' ਸੀਰੀਜ਼ ਦਾ ਸਟਾਰ ਸੀ,ਸਕੀ ਰਿਸਾਰਟ 'ਤੇ ਹੋਏ ਹਾਦਸੇ ਵਿੱਚ ਚੱਲ ਵਸਿਆ ਹੈ।
ਉਹ 37 ਵਰ੍ਹਿਆਂ ਦਾ ਸੀ।ਅਦਾਕਾਰ ਦੇ ਪਰਿਵਾਰ ਤੇ ਲੋਕਲ ਏਜੰਟ ਨੇ ਦੱਸਿਆ ਕਿ ਸਿਰ ਵਿੱਚ ਸੱਟ ਲੱਗਣ 'ਤੇ ਸੀਜ਼ਰ ਐਵਾਰਡ ਜੇਤੂ ਅਦਾਕਾਰ ਨੂੰ ਮੰਗਲਵਾਰ ਨੂੰ ਹਸਪਤਾਲ ਲਿਜਾਇਆ ਗਿਆ ਸੀ ਪਰ ਉਸ ਨੂੰ ਬਚਾਇਆ ਨਾ ਜਾ ਸਕਿਆ।
ਸੇਵੋਇ ਖੇਤਰ ਵਿੱਚ ਢਲਾਣਾਂ 'ਤੇ ਹੋਏ ਹਾਦਸੇ ਪਿੱਛੋਂ ਉਸ ਨੂੰ ਗ੍ਰੇਨੋਬਲ ਦੇ ਇਕ ਹਸਪਤਾਲ ਵਿਚ ਹੈਲੀਕਾਪਟਰ ਰਾਹੀਂ ਲਿਜਾਇਆ ਗਿਆ ਸੀ। ਆਸਕਰ ਇਸਾਕ ਤੇ ਈਥਨ ਹਾਕ ਦੇ ਨਾਲ ਉਹ ਹੁਣ ਉਪਰੋਕਤ ਸੀਰੀਜ਼ ਵਿਚ ਮਿਡਨਾਈਟ ਮੈਨ ਦਾ ਰੋਲ ਅਦਾ ਕਰਦਿਆਂ ਦਿਖਾਈ ਦੇਵੇਗਾ।