ਮਿਸ ਯੂ ਐਸ ਏ ਚੈਸਲੀ ਕ੍ਰਿਸਟ ਚੱਲ ਵਸੀ

2019 ਮਿਸ ਯੂ ਐਸ ਏ ਚੇਸਲੀ ਕ੍ਰਿਸਟ ਭਰ ਜੁਆਨੀ ਵਿੱਚ ਇਸ ਫਾਨੀ ਜਹਾਨ ਤੋਂ ਰੁਖ਼ਸਤ ਹੋ ਗਈ ਹੈ।
ਉਹ 30 ਤੀਹ ਵਰ੍ਹਿਆਂ ਦੀ ਸੀ।ਸੁੰਦਰਤਾ ਦੀ ਰਾਣੀ, ਵਕੀਲ'ਫੈਸ਼ਨ ਬਲਾਗਰ ਤੇ ਐਕਸਟਰਾ ਟੀਵੀ ਦੀ ਪੱਤਰਕਾਰ ਇਹ ਬਹੁ ਪੱਖੀ ਸ਼ਖ਼ਸੀਅਤ ਐਤਵਾਰ 30 ਜਨਵਰੀ ਨੂੰ ਸਵੇਰੇ 7 ਵਜੇ ਤੋਂ ਤੁਰੰਤ ਬਾਅਦ ਨਿਊਯਾਰਕ ਸਿਟੀ ਦੀ ਇੱਕ 60 ਮੰਜ਼ਲਾ ਇਮਾਰਤ 'ਤੋਂ ਡਿੱਗ ਪਈ।
ਨਿਊ ਯਾਰਕ ਪੁਲੀਸ ਡਿਪਾਰਟਮੈਂਟ ਦੇ ਇਕ ਬੁਲਾਰੇ ਨੇ ਈ ਨਿਊਜ਼ ਨੂੰ ਦੱਸਿਆ ਕਿ ਉਹ ਥਾਂ 'ਤੇ ਹੀ ਮਰ ਗਈ।ਬੁਲਾਰੇ ਨੇ ਦਸਿਆ ਕਿ ਕ੍ਰਿਸਟ, ਜਿਹੜੀ ਕਿ ਇਸ ਇਮਾਰਤ ਦੀ ਨੌਵੀਂ ਮੰਜ਼ਿਲ 'ਤੇ ਰਹਿੰਦੀ ਸੀ,ਦੀ ਮੌਤ ਲੱਗਦਾ ਹੈ ਕਿ ਆਤਮਹੱਤਿਆ ਸੀ।
ਹਾਲਾਂਕਿ ਬੁਲਾਰੇ ਨੇ ਇਹ ਵੀ ਕਿਹਾ ਕਿ ਮੌਤ ਦਾ ਕਾਰਨ ਸਰਕਾਰੀ ਤੌਰ 'ਤੇ ਐਲਾਨਣ ਲਈ ਅਜੇ ਮੈਡੀਕਲ ਐਗਜ਼ਾਮ ਹੋਵੇਗਾ।