ਪ੍ਰੈਗਨੈਂਸੀ ਦੌਰਾਨ ਕੰਮ ਕਰਦੇ ਰਹਿਣ ਦੇ ਸਵਾਲ 'ਤੇ ਆਲੀਆ ਨੇ ਕਿਹਾ-'ਨੀਡ ਨੋ ਰੈਸਟ'

ਕਰੀਨਾ ਕਪੂਰ ਖਾਨ ਅਤੇ ਨੇਹਾ ਧੂਪੀਆ ਦੀ ਤਰ੍ਹਾਂ ਆਲੀਆ ਭੱਟ ਵੀ ਹੁਣ ਉਨ੍ਹਾਂ ਔਰਤਾਂ ਲਈ ਪ੍ਰੇਰਣਾ ਬਣ ਗਈ ਹੈ, ਜੋ ਗਰਭ ਅਵਸਥਾ ਦੌਰਾਨ ਕੰਮ ਕਰਨਾ ਪਸੰਦ ਕਰਦੀਆਂ ਹਨ। ਫਿਲਮ 'ਡਾਰਲਿੰਗਜ਼' ਦੇ 'ਲਾ ਇਲਾਜ' ਗੀਤ ਦੇ ਲਾਂਚ ਦੌਰਾਨ ਆਲੀਆ ਨੂੰ ਪੁੱਛੇ ਗਏ ਸਵਾਲ ਦਾ ਉਨ੍ਹਾਂ ਨੇ ਬੜਾ ਢੁੱਕਵਾਂ ਜਵਾਬ ਦਿੱਤਾ।

ਉਨ੍ਹਾਂ ਨੂੰ ਪੁੱਛਿਆ ਗਿਆ ਕਿ ਕੀ ਉਹ ਅਜਿਹੇ ਸਮੇਂ ਵਿਚ ਆਰਾਮ ਦੀ ਜ਼ਰੂਰਤ ਮਹਿਸੂਸ ਕਰਦੇ ਹਨ, ਜਦੋਂ ਉਹ ਪਤੀ ਰਣਬੀਰ ਕਪੂਰ ਨਾਲ ਆਪਣੇ ਪਹਿਲੇ ਬੱਚੇ ਦੀ ਮਾਂ ਬਣਨ ਵਾਲੀ ਹਨ।

ਇਸ ਸਵਾਲ ਦਾ 'ਗੰਗੂਬਾਈ ਕਾਠੀਆਵਾੜੀ' ਸਟਾਰ ਨੇ ਜਵਾਬ ਦਿੰਦੇ ਕਿਹਾ, ''ਜੇ ਤੁਸੀਂ ਫਿਟ ਹੋ, ਸਿਹਤਮੰਦ ਹੋ, ਤੰਦਰੁਸਤ ਹੋ ਤਾਂ ਆਰਾਮ ਲੈਣ ਦੀ ਜ਼ਰੂਰਤ ਨਹੀਂ ਹੈ। ਕੰਮ ਕਰਨਾ ਮੈਨੂੰ ਸਕੂਨ ਦਿੰਦਾ ਹੈ, ਮੇਰਾ ਜਨੂੰਨ ਹੈ। ਇਹ ਮੇਰੇ ਦਿਲ, ਮੇਰੀ ਆਤਮਾ, ਹਰ ਚੀਜ਼ ਨੂੰ ਜਿੰਦਾ ਅਤੇ ਤਰੋ-ਤਾਜ਼ਾ ਰੱਖਦਾ ਹੈ। ਤਾਂ ਮੈਂ ਤਾਂ ਮਤਲਬ 100 ਸਾਲ ਦੀ ਉਮਰ ਤੱਕ ਕੰਮ ਕਰਾਂਗੀ।"

ਗੌਰਤਲਬ ਹੈ ਕਿ ਅਪ੍ਰੈਲ ਵਿਚ ਵਿਆਹ ਦੇ ਬੰਧਨ ਵਿਚ ਬੱਝਣ ਤੋਂ ਬਾਅਦ ਆਲੀਆ ਤੇ ਰਣਬੀਰ ਨੇ ਜੂਨ ਵਿਚ ਇੰਸਟਾਗ੍ਰਾਮ 'ਤੇ ਪ੍ਰੈਗਨੈਂਸੀ ਦਾ ਖੁਲਾਸਾ ਕੀਤਾ ਸੀ।

ਰਣਬੀਰ ਨੇ ਖ਼ੁਸ਼ੀ ਜ਼ਾਹਰ ਕਰਦੇ ਕਿਹਾ, "ਮੈਂ 2022 ਨੂੰ ਪ੍ਰਮਾਤਮਾ ਦੀ ਰਹਿਮਤ ਦੇ ਰੂਪ ਵਿਚ ਦੇਖਦਾ ਹਾਂ। ਮੇਰੀ ਜ਼ਿੰਦਗੀ ਵਿਚ ਜੋ ਵੀ ਚੰਗਾ ਹੋ ਰਿਹਾ ਹੈ, ਮੈਂ ਉਸ ਲਈ ਸ਼ੁਕਰਗੁਜ਼ਾਰ ਹਾਂ। ਭਾਵੇਂ ਵਿਆਹ ਹੋਵੇ ਜਾਂ ਬੱਚੇ ਦੀ ਉਮੀਦ... ਇਹ ਸਭ ਕੀਮਤੀ ਪਲ ਹਨ ਅਤੇ ਇਹ ਪਲ ਮੇਰੇ ਨਾਲ ਹਮੇਸ਼ਾ ਰਹਿਣਗੇ। 2022 ਮੇਰੇ ਲਈ ਇੱਕ ਬਹੁਤ ਵਧੀਆ ਸਾਲ ਹੈ ਅਤੇ ਮੈਂ ਬੇਸਬਰੀ ਨਾਲ ਪਿਤਾ ਬਣਨ ਦੀ ਉਡੀਕ ਕਰ ਰਿਹਾ ਹਾਂ।"