17.46C Vancouver 17.46C VancouverJul 25, 2025 1:12 PM - Connect Newsroom
ਪੰਜਾਬੀ ਸਿਨੇਮਾ ਦੀ ਚਰਚਿਤ ਅਤੇ ਪ੍ਰਤਿਭਾਸ਼ਾਲੀ ਅਭਿਨੇਤਰੀਆਂ 'ਚ ਜਾਣੀ ਜਾਂਦੀ ਨੀਰੂ ਬਾਜਵਾ 'ਸੰਨ ਆਫ ਸਰਦਾਰ 2' 'ਚ ਸ਼ਾਮਲ ਹੋ ਗਈ ਹੈ। ਉਸ ਨੇ ਕਿਹਾ ਕਿ ਮੈਂ ਇਸ ਫਿਲਮ 'ਚ ਸ਼ਾਮਲ ਹੋ ਕੇ ਬਹੁਤ ਖੁਸ਼ ਹਾਂ, ਜਿਹੜੀ ਪ੍ਰਤਿਭਾ ਸ਼ਾਲੀ ਵਿਜੇ ਕੁਮਾਰ ਅਰੋੜਾ ਵਲੋਂ ਨਿਰਦੇਸ਼ਕ ਹੈ ਜਦੋਂ ਕਿ ਇਸ ਦਾ ਲੇਖਨਕਾਰਜ ਜਗਦੀਪ ਸਿੰਘੂ ਸਿੱਧੂ ਨੇ ਕੀਤਾ ਹੈ। ਨੀਰੂ ਬਾਜਵਾ ਨੇ ਕਿਹਾ ਕਿ ਮੈਨੂੰ ਆਪਣੇ ਕਰੀਅਰ ਦੀਆਂ ਕੁਝ ਬੇਹਦ ਸਫਲ ਪੰਜਾਬੀ ਫਿਲਮਾਂ 'ਚ ਇਨ੍ਹਾਂ ਨਾਲ ਕੰਮ ਕਰਨ ਦਾ ਸੁਭਾਗ ਪ੍ਰਾਪਤ ਹੋਇਆ ਹੈ।
ਉਸ ਨੇ ਕਿਹਾ ਕਿ ਜਦੋਂ ਮੈਨੂੰ ਇਹ ਪਤਾ ਲੱਗਾ ਕਿ ਉਹ ਦੋਵੇਂ ਇਸ ਫਿਲਮ ਨਾਲ ਜੁੜੇ ਹੋਏ ਹਨ ਤਾਂ ਮੈਂ ਤੁਰੰਤ ਕੈਮਿਊ ਕਰਨ ਲਈ ਸਹਿਮਤੀ ਪ੍ਰਗਟਾ ਦਿੱਤੀ।
ਇਹ ਅਜਿਹੇ ਚਰਚਿਤ ਪੰਜਾਬੀ ਰਚਨਾਕਾਰਾਂ ਨਾਲ ਜੁੜਨ ਦਾ ਅਤੇ ਕੰਮ ਕਰਨ ਦਾ ਮੇਰਾ ਤਰੀਕਾ ਸੀ, ਜਿਹੜੇ ਕਿ ਹੁਣ ਰਾਸ਼ਟਰੀ ਪਛਾਣ ਹਾਸਲ ਕਰ ਰਹੇ ਹਨ। ਨੀਰੂ ਬਾਜਵਾ ਨੇ ਕਿਹਾ ਮੈਂ ਸ਼ੁਰੂ ਤੋਂ ਹੀ ਪੰਜਾਬੀ ਸਿਨੇਮਾ ਦੀ ਹਿਮਾਇਤ ਕੀਤੀ ਹੈ ਅਤੇ ਪੰਜਾਬੀ ਕਹਾਣੀਆਂ ਅਤੇ ਕਲਾਕਾਰਾਂ ਨੂੰ ਦੁਨੀਆ ਭਰ 'ਚ ਲੋਕਾਂ ਦੇ ਦਿਲ ਜਿੱਤਦਿਆਂ ਦੇਖਣਾ ਮਾਣ ਵਾਲੀ ਗੱਲ ਹੈ।
