ਕੇਨ ਵੈਸਟ ਅਤੇ ਬਿਅੰਕਾ ਸੈਂਸੋਰੀ ਦਾ ਮਾਮਲਾ ਹੋਇਆ ਗੜਬੜ

ਗ੍ਰੈਮੀਜ਼ ਰੈੱਡ ਕਾਰਪੇਟ 'ਤੇ ਵਿਵਾਦਪੂਰਨ ਨਗਨ ਸਟੰਟਾਂ ਤੋਂ ਕੁਝ ਦਿਨ ਬਾਅਦ ਬਿਅੰਕਾ ਸੈਂਸੋਰੀ ਅਤੇ ਕੇਨ ਵੈਸਟ ਦਾ ਮਾਮਲਾ ਗੜਬੜਾਉਣ ਲੱਗਾ ਹੈ। ਇਹ ਵੀ ਸੁਣਨ 'ਚ ਆਇਆ ਹੈ ਕਿ ਦੋਵੇਂ ਤਲਾਕ ਦੀ ਤਿਆਰੀ ਕਰ ਰਹੇ ਹਨ। ਇਸ ਸਬੰਧ 'ਚ ਸੂਤਰਾਂ ਦਾ ਦਾਅਵਾ ਹੈ ਕਿ ਤਲਾਕ ਲਈ ਜੋੜੇ ਦੀ ਆਪਸੀ ਸਹਿਮਤੀ ਬਣ ਗਈ ਹੈ ਅਤੇ ਹੁਣ ਬਿਅੰਕਾ ਨੂੰ ਤਲਾਕ ਸੰਬੰਧੀ ਪੰਜ ਮਿਲੀਅਨ ਡਾਲਰ ਪ੍ਰਾਪਤ ਹੋਣਗੇ।

ਜ਼ਿਕਰਯੋਗ ਹੈ ਕਿ ਦੋਹਾਂ ਦਾ ਵਿਆਹ 2022 'ਚ ਹੋਇਆ ਸੀ ਅਤੇ ਹੁਣ ਇਨ੍ਹਾਂ ਸੰਬੰਧਾਂ ਦੀ ਸਮਾਪਤੀ ਹੋ ਰਹੀ ਹੈ। ਬਿਅੰਕਾ ਲਾਸ ਏਂਜਲਸ ਦੇ ਬੇਵਰਲੀ ਪਾਰਕ ਨੌਰਥ 'ਚ ਆਪਣੇ ਛੋਟੇ ਜਿਹੇ 35 ਮਿਲੀਅਨ ਡਾਲਰ ਦੇ ਘਰ 'ਚ ਰਹਿੰਦੀ ਹੈ ਜਦੋਂਕਿ ਕੇਨ ਦੇ ਠਿਕਾਣੇ ਬਾਰੇ ਕੁਝ ਪਤਾ ਨਹੀਂ। ਅੰਦਾਜ਼ੇ ਲਗਾਏ ਜਾ ਰਹੇ ਹਨ ਉਹ ਜਾਪਾਨ ਦੇ ਸ਼ਹਿਰ ਟੋਕੀਓ 'ਚ ਪਰਤ ਸਕਦਾ ਹੈ, ਜਿੱਥੇ ਉਹ ਪਿਛਲੇ ਸਾਲ ਇਕ ਹੋਟਲ 'ਚ ਰੁਕਿਆ ਸੀ।

ਦੱਸਿਆ ਜਾਂਦਾ ਹੈ ਕਿ ਬਿਅੰਕਾ ਉਸ ਵੇਲੇ ਬੜੀ ਪ੍ਰੇਸ਼ਾਨ ਹੋ ਗਈ ਜਦੋਂ ਕੇਨ ਵੈਸਟ ਨੇ ਉਸ ਨੂੰ ਆਪਣਾ ਫਰ ਵਾਲਾ ਕੋਟ ਉਤਾਰਨ ਅਤੇ ਗ੍ਰੈਮੀ ਦੇ ਲਾਲ ਕਾਰਪੇਟ 'ਤੇ ਇਕ ਦ੍ਰਿਸ਼ ਬਣਾਉਣ ਵਾਸਤੇ ਆਖਿਆ। ਪ੍ਰੇਸ਼ਾਨੀ ਦੇ ਬਾਵਜੂਦ ਬਿਅੰਕਾ ਨੇ ਉਸ ਵੇਲੇ ਕੇਨ ਦਾ ਕਿਹਾ ਮੰਨ ਲਿਆ ਸੀ।