ਕੀ ਤੁਸੀਂ ਨਸੀਬ ਅਤੇ ਗੁਰੂ ਦੀ ਸਾਂਝ ਲਈ ਤਿਆਰ ਹੋ

ਪੰਜਾਬੀ ਸੰਗੀਤ ਜਗਤ ’ਚ ਇਸ ਗੱਲ ਨੂੰ ਲੈ ਕੇ ਭਾਰੀ ਉਤਸ਼ਾਹ ਹੈ ਕਿ ਗਾਇਕ ਅਤੇ ਰੈਪਰ ਨਸੀਬ ਬਾਲੀਵੁੱਡ ਨਾਲ ਸਾਂਝ ਪਾਉਣ ਲਈ ਤਿਆਰ ਹਨ। ਉਹ ਪੰਜਾਬੀ ਸਿਤਾਰੇ ਗੁਰੂ ਰੰਧਾਵਾ ਨਾਲ ਮਿਲ ਕੇ ਕੰਮ ਕਰਨ ਦਾ ਇਰਾਦਾ ਰੱਖਦੇ ਹਨ।

ਇਸ ਤਰ੍ਹਾਂ ਗੁਰੂ ਰੰਧਾਵਾ ਅਤੇ ਨਸੀਬ ਦੀ ਜੋੜੀ ਆਪਣੇ ਕਲਾਤਮਕ ਹੁਨਰ ਨਾਲ ਨਵੀਆਂ ਪੈੜਾਂ ਪਾ ਸਕਦੇ ਹਨ। ਦੋਹਾਂ ਕਲਾਕਾਰਾ ਨੇ ਹਾਲ ਹੀ ’ਚ ਇੰਸਟਾਗਾਮ ’ਤੇ ਕੁਝ ਤਸਵੀਰਾਂ ਸਾਂਝੀਆਂ ਕੀਤੀਆਂ, ਜਿਸ ਨਾਲ ਸੰਗੀਤ ਪ੍ਰੇਮੀਆਂ ਨੂੰ ਇਕ ਵੱਡੀ ਉਮੀਦ ਬਣਨ ਲੱਗੀ ਹੈ।

ਗੁਰੂ ਰੰਧਾਵਾ ਇਸ ਵੇਲੇ ਆਪਣੀ ਪਲੇਠੀ ਪੰਜਾਬੀ ਫ਼ਿਲਮ ਸ਼ਾਹਕੋਟ ਸੰਬੰਧੀ ਚਰਚਾ ’ਚ ਹਨ। ਦੂਜੇ ਪਾਸੇ ਨਸੀਬ ਨੂੰ ਦਿਲਜੀਤ ਦੋਸਾਂਝ ਦੇ ਲੁਮਿਨਾਟੀ ਟੂਰ ਦੌਰਾਨ ਕੁਝ ਪ੍ਰਤੀਕਿਰਿਆਤਮਕ ਟਿੱਪਣੀਆਂ ਦਾ ਸਾਹਮਣਾ ਕਰਨਾ ਪਿਆ ਸੀ। ਪ੍ਰਸ਼ੰਸਕਾਂ ਨੂੰ ਇਸ ਜੋੜੀ ਦੀ ਇਕੱਠੀ ਪੇਸ਼ਕਾਰੀ ਤੋਂ ਬਹੁਤ ਵੱਡੀਆਂ ਉਮੀਦਾਂ ਹਨ ਅਤੇ ਸੰਗੀਤ ਪ੍ਰੇਮੀ ਇਹ ਦੇਖਣ ਲਈ ਕਾਹਲੇ ਹਨ ਕਿ ਨਸੀਬ ਅਤੇ ਗੁਰੂ ਦੀ ਜੋੜੀ ਸੰਗੀਤ ਦੇ ਖੇਤਰ ’ਚ ਕਿਸ ਤਰ੍ਹਾਂ ਕਮਾਲ ਕਰਦੀ ਹੈ।