ਪਰਿਣੀਤੀ ਤੇ ਜੈਨੀਫ਼ਰ ਵਿੰਗੇਟ ਦਿੱਸਣਗੇ ਨੈੱਟਫ਼ਿਲਕਸ 'ਤੇ

ਬਾਲੀਵੁੱਡ ਅਦਾਕਾਰਾ ਪਰਿਣੀਤੀ ਚੋਪੜਾ ਅਤੇ ਟੈਲੀਵਿਜ਼ਨ ਸਟਾਰ ਜੈਨੀਫ਼ਰ ਵਿੰਗੇਟ ਨੈੱਟਫਲਿਕਸ 'ਤੇ ਇੱਕ ਦਿਲਚਸਪ ਨਵੀਂ ਰਹੱਸਮਈ ਥ੍ਰਿਲਰ ਲੜੀ ਦੀ ਅਗਵਾਈ ਕਰਨ ਲਈ ਤਿਆਰ ਹਨ। ਪਰਿਣੀਤੀ ਚੋਪੜਾ ਵਲੋਂ ਆਪਣੇ ਸੋਸ਼ਲ ਮੀਡੀਆ ਹੈਂਡਲ 'ਤੇ ਇੱਕ ਨੋਟ ਸਾਂਝਾ ਕੀਤਾ ਗਿਆ ਹੈ, ਜਿਸ 'ਚ ਉਨ੍ਹਾਂ ਨੇ ਲਿਖਿਆ ਕਿ ਕੁਝ ਉਲਝਣਾਂ ਅਜਿਹੀਆਂ ਹੁੰਦੀਆਂ ਹਨ ਜਿਹੜੀਆਂ ਜਦੋਂ ਖ਼ੁੱਲਦੀਆਂ ਹਨ ਤਾਂ ਤੁਹਾਨੂੰ ਆਪਣੇ 'ਚ ਲਪੇਟ ਲੈਦੀਆਂ ਹਨ, ਤੁਸੀ ਅੰਦਾਜ਼ੇ ਲਗਾਉਂਦੇ ਰਹਿ ਜਾਂਦੇ ਹੋ ਪਰ ਤੁਹਾਨੂੰ ਛੁਟਕਾਰਾ ਨਹੀਂ ਮਿਲਦਾ।

ਪਰਿਣੀਤੀ ਚੋਪੜਾ ਨੈੱਟਫਲਿਕਸ ਲਈ ਇੱਕ ਰੋਮਾਂਚਕ ਡਰਾਮੇ ਨਾਲ ਆਪਣਾ ਡਿਜੀਟਲ ਡੈਬਿਊ ਕਰਨ ਲਈ ਪੂਰੀ ਤਰ੍ਹਾਂ ਤਿਆਰ ਹੈ।ਆਉਣ ਵਾਲਾ ਪ੍ਰੋਜੈਕਟ ਰਹੱਸ ਅਤੇ ਸਸਪੈਂਸ ਬਣਿਆ ਹੋਇਆ ਹੈ। ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ 2024 ਚ ਦਿਲਜੀਤ ਦੋਸਾਂਝ ਨਾਲ ਫ਼ਿਲਮ ਅਮਰ ਸਿੰਘ ਚਮਕੀਲਾ ਚ ਉਨ੍ਹਾਂ ਨੇ ਕੰਮ ਕੀਤਾ ਹੈ।

ਉਨ੍ਹਾਂ ਨੇ ਤਾਹਿਰ ਰਾਜ ਭਸੀਨ,ਅਨੂਪ ਸੋਨੀ,ਜੈਨੀਫਰ ਵਿੰਗੇਟ,ਚੈਤਨਿਆ ਚੌਧਰੀ,ਹਰਲੀਨ ਸੇਠੀ ਅਤੇ ਸੋਨੀ ਰਾਜ਼ਦਾਨ ਸਮੇਤ ਹੋਰ ਕਲਾਕਾਰਾਂ ਦੀਆਂ ਫੋਟੋਆਂ ਵੀ ਸਾਂਝੀਆਂ ਕੀਤੀਆਂ ਹਨ।