'ਮਾਡਰਨ ਲਵ' ਦੀ ਇੰਡੀਅਨ ਅਡੈਪਸ਼ਨ 'ਚ ਮੁੱਖ ਅਦਾਕਾਰ ਹੋਣਗੇ ਪ੍ਰਤੀਕ ਗਾਂਧੀ, ਵਾਮਿਕਾ ਗੱਬੀ ਤੇ ਫਾਤਿਮਾ ਸਨਾ ਸ਼ੇਖ

ਅਮਰੀਕੀ ਕਮੇਡੀ ਟੀਵੀ ਸੀਰੀਜ਼ ਜਿਸ ਦਾ ਨਾਂ ਮਾਡਰਨ ਲਵ ਹੈ ਤੇ ਜਿਸ ਨੂੰ ਜੌਹਨ ਕਾਰਨੀ ਨੇ ਡਿਵੈੱਲਪ ਕੀਤਾ ਹੈ, ਦੀ ਹੁਣ ਇੰਡੀਅਨ ਅਡੈਪਟੇਸ਼ਨ ਹੋ ਰਹੀ ਹੈ।ਇਸ ਵੱਡੇ ਪ੍ਰੋਜੈਕਟ ਦਾ ਕੰਮ ਹੰਸਲ ਮਹਿਤਾ, ਵਿਸ਼ਾਲ ਭਾਰਦਵਾਜ, ਅੰਜਲੀ ਮੈਨਨ, ਅਲੰਕ੍ਰਿਤਾ ਸ਼੍ਰੀਵਾਸਤਵਾ, ਧਰੁਵ ਸਹਿਗਲ ਤੇ ਸੋਨਾਲੀ ਬੋਸ ਵਰਗੇ ਨਾਮਵਰ ਨਿਰਦੇਸ਼ਕ ਸੰਭਾਲਣਗੇ ਤੇ ਇਸ ਵਿੱਚ ਵਾਮਿਕਾ ਗੱਬੀ, ਪ੍ਰਤੀਕ ਗਾਂਧੀ ਤੇ ਫਾਤਿਮਾ ਸਨਾ ਸ਼ੇਖ ਵਰਗੇ ਅਦਾਕਾਰ ਕੰਮ ਕਰਨਗੇ।

ਇਸ ਸੀਰੀਜ਼ ਵਿਚ ਮੁਹੱਬਤ ਦੇ ਸਾਰੇ ਖ਼ੂਬਸੂਰਤ ਰੂਪਾਂ ਨੂੰ ਪੇਸ਼ ਕਰਨ ਦੇ ਨਾਲ ਨਾਲ ਇਸ ਦਾ ਮਨੁੱਖੀ ਸਾਂਝਾਂ 'ਤੇ ਅਸਰ ਵੀ ਪੇਸ਼ ਕੀਤਾ ਗਿਆ ਹੈ। ਹਰ ਐਪੀਸੋਡ ਇਕ ਅਖ਼ਬਾਰ ਦੇ ਕਾਲਮ ਤੋਂ ਪ੍ਰਭਾਵਤ ਹੈ ਤੇ ਨਵੀਂ ਕਹਾਣੀ ਨੂੰ ਰੂਪਮਾਨ ਕਰਦਾ ਹੈ ।
ਇੰਡੀਅਨ ਅਡੈਪਟੇਸ਼ਨ ਇਸ ਸੀਰੀਜ਼ ਦੇ ਵੱਖ ਵੱਖ ਐਪੀਸੋਡਜ਼ ਨੂੰ ਇਨ ਬਿਨ ਉਸੇ ਰੂਪ ਵਿਚ ਪਰ ਤਾਜ਼ਾ ਤਰੀਨ ਧਾਰਨਾ ਅਨੁਸਾਰ ਪੇਸ਼ ਕਰੇਗਾ।