ਸਿੰਗਾ ਦੇ ਬਿਆਨਾਂ ਨੇ ਪਾਲੀਵੁੱਡ ਵਿੱਚ ਮਚਾਇਆ ਤਹਿਲਕਾ

ਪੰਜਾਬੀ ਅਦਾਕਾਰ ਅਤੇ ਗਾਇਕ ਸਿੰਗਾ ਨੇ ਪਾਲੀਵੁੱਡ ਇੰਡਸਟਰੀ ਦੇ ਕੁਝ ਲੋਕਾਂ ਬਾਰੇ ਖੁੱਲ੍ਹੇ ਖੁਲਾਸੇ ਕਰਕੇ ਤਹਿਲਕਾ ਮਚਾ ਦਿੱਤਾ ਹੈ। ਸਿੰਗਾ ਨੇ ਕਿਸੇ ਦਾ ਨਾਂਅ ਲਏ ਬਗੈਰ ਪ੍ਰਗਟਾਵਾ ਕੀਤਾ ਕਿ ਕੁਝ ਚਰਚਿਤ ਲੋਕ ਪਾਲੀਵੁੱਡ ਵਿੱਚ ਨਵੇਂ ਆਉਣ ਵਾਲੇ ਲੋਕਾਂ ਸਾਵੇਂ ਅੜਿਕੇ ਡਾਅ ਰਹੇ ਹਨ। ਇਹ ਲੋਕ ਆਪਣੇ ਪ੍ਰਭਾਵ ਦੀ ਦੁਰਵਰਤੋਂ ਕਰਕੇ ਨਵੇਂ ਕਲਾਕਾਰਾਂ ਲਈ ਕਈ ਤਰ੍ਹਾਂ ਦੀ ਮੁਸ਼ਕਲਾਂ ਪੈਦਾ ਕਰਦੇ ਹਨ।

ਸਿੰਗਾ ਨੇ ਇਹ ਵੀ ਕਿਹਾ ਕਿ ਕੁਝ ਲੋਕ ਬੁਰੇ ਇਰਾਦਿਆਂ ਨਾਲ ਆਪਣੇ ਠਰਕੀ ਪੁਣਾ ਵਿਖਾਉਂਦੇ ਹੋਏ ਕੁਝ ਗਲਤ ਕਿਸਮ ਦੀਆਂ ਹਰਕਤਾਂ ਵੀ ਕਰ ਜਾਂਦੇ ਹਨ। ਇੱਥੋਂ ਤੱਕ ਕਿ ਉਹ ਨਵੇਂ ਟੈਂਲਟ ਦਾ ਸ਼ੋਸ਼ਣ ਕਰਨ ਤੋਂ ਬਾਜ਼ ਵੀ ਨਹੀਂ ਆਉਂਦੇ।

ਹਾਲਾਂਕਿ ਸਿੰਗਾ ਨੇ ਕਿਸੇ ਦਾ ਨਾਂਅ ਹੀਂ ਲਿਆ ਅਤੇ ਨਾ ਹੀ ਕਿਸੇ ਨੇ ਸਿੱਧੇ ਤੌਰ 'ਤੇ ਇਸ ਬਾਰੇ ਪ੍ਰਤੀਕਿਰਿਆ ਦਿੱਤੀ ਹੈ ਪਰ ਫਿਰ ਵੀ ਇਸ ਤਰ੍ਹਾਂ ਦੀ ਉਤਸੁਕਤਾ ਬਣ ਗਈ ਹੈ ਕਿ ਅਜਿਹੇ ਬੁਰੇ ਇਰਾਦਿਆਂ ਵਾਲੇ ਲੋਕਾਂ ਬਾਰੇ ਪੂਰਾ ਭੇਤ ਕਦੋਂ ਖੁੱਲੇਗਾ।