30.12C Vancouver 30.12C VancouverJan 7, 2022 7:45 PM - ANI
ਅਦਾਕਾਰ ਰਾਜਕੁਮਾਰ ਰਾਓ ਜਲਦੀ ਹੀ ਇਕ ਨੇਤਰਹੀਣ ਉਦਯੋਗਪਤੀ ਸ੍ਰੀਕਾਂਤ ਬੋਲਾ ਦੀ ਜਿ਼ੰਦਗੀ 'ਤੇ ਆਧਾਰਿਤ ਬਣ ਰਹੀ ਫਿ਼ਲਮ ਵਿਚ ਮੁੱਖ ਕਿਰਦਾਰ ਵਿਚ ਨਜ਼ਰ ਆਉਣਗੇ। ਇਸ ਫਿ਼ਲਮ ਦਾ ਨਿਰਮਾਣ ਭੂਸ਼ਣ ਕੁਮਾਰ ਦੀ ਟੀ- ਸੀਰੀਜ਼ ਕੰਪਨੀ ਅਤੇ ਚਾਕ ਐਂਡ ਚੀ਼ਜ਼ ਫਿ਼ਲਮਜ਼ ਪ੍ਰੋਡਕਸ਼ਨ ਵਲੋਂ ਕੀਤਾ ਜਾ ਰਿਹਾ ਹੈ।
ਸ੍ਰੀਕਾਂਤ ਬੋਲਾ ਨੇ ਆਪਣੀ ਜਿ਼ੰਦਗੀ ਦੇ ਮੁੱਢਲੇ ਦੌਰ ਵਿਚ ਬਹੁਤ ਸਾਰੀਆਂ ਮੁਸ਼ਕਿਲਾਂ ਦਾ ਸਾਹਮਣਾ ਕੀਤਾ। ਨੇਤਰਹੀਣ ਹੋਣ ਕਾਰਨ ਉਨ੍ਹਾਂ ਨੇ ਦੱਸਵੀਂ ਤੋਂ ਬਾਅਦ ਸਾਈਂਸ ਸਟ੍ਰੀਮ ਵਿਚ ਦਾਖ਼ਲੇ ਲਈ ਲੰਮੀ ਕਾਨੂੰਨੀ ਲੜਾਈ ਲੜੀ।
ਆਪਣੇ ਵੱਡੇ ਸੁਪਨਿਆਂ ਅਤੇ ਹੌਂਸਲੇ ਦੀ ਮਦਦ ਨਾਲ ਸ੍ਰੀਕਾਂਤ ਨੇ ਨਾ ਸਿਰਫ਼ ਦੱਸਵੀਂ ਅਤੇ ਬਾਰ੍ਹਵੀਂ ਪਾਸ ਕੀਤੀ, ਸਗੋਂ ਅਮਰੀਕਾ ਦੇ ਮੈਸਾਚੁਸੇਟਸ ਇਸੰਟੀਚਿਊਸ਼ਨ ਆਫ ਟੈਕਨਾਲੋਜੀ ਵਿਚ ਪੜ੍ਹਾਈ ਕਰਨ ਵਾਲੇ ਪਹਿਲੇ ਕੌਮਾਂਤਰੀ ਨੇਤਰਹੀਣ ਵਿਦਿਆਰਥੀ ਹੋਣ ਦਾ ਮਾਣ ਵੀ ਹਾਸਲ ਕੀਤਾ।
ਕਹਾਣੀ ਦੀ ਸਕ੍ਰਿਪਟ ਸੁਮੀਤ ਪੁਰੋਹਿਤ ਅਤੇ ਜਗਦੀਪ ਸਿੱਧੂ ਨੇ ਕਲਮਬੱਧ ਕੀਤੀ ਹੈ ਅਤੇ ਫਿ਼ਲਮ ਦੀ ਸ਼ੂਟਿੰਗ ਜੁਲਾਈ 2022 ਵਿਚ ਸ਼ੁਰੂ ਕੀਤੀ ਜਾਵੇਗੀ।
