13.79C Vancouver 13.79C VancouverMay 28, 2026 11:28 AM - Connect Newsroom - Jasmine Singh
ਰਣਵੀਰ ਸਿੰਘ ਵਲੋਂ ਫਿਲਮ 'ਡੌਨ 3' ਨੂੰ ਅਲਵਿਦਾ ਕਹਿਣ ਤੋਂ ਬਾਅਦ ਇਸ ਮਾਮਲੇ ਨੇ ਹੋਰ ਜ਼ਿਆਦਾ ਤੂਲ ਫੜ੍ਹ ਲਿਆ ਹੈ। ਪੱਛਮੀ ਭਾਰਤੀ ਸਿਨੇਮਾ ਕਰਮਚਾਰੀਆਂ ਦੀ ਫੈਡਰੇਸ਼ਨ ਨੇ ਅਭਿਨੇਤਾ ਰਣਵੀਰ ਦੇ ਖਿਲਾਫ ਅਸਹਿਯੋਗ ਵਾਲਾ ਕਦਮ ਚੁੱਕਿਆ ਹੈ। ਅਸਲ ਵਿੱਚ ਇਸ ਵਿਵਾਦ ਨੂੰ ਲੈ ਕੇ ਅਭਿਨੇਤਾ ਅਤੇ ਐਕਸੈਲ ਇੰਟਰਟੇਨਮੈਂਟ ਵਿਚਕਾਰ ਤਣਾਅ ਵਧਿਆ ਹੈ।
ਐਕਸਲ ਦੀ ਅਗਵਾਈ ਫਰਹਾਨ ਅਖਤਰ ਅਤੇ ਰਿਤੇਸ਼ ਸਿਧਵਾਨੀ ਕਰ ਰਹੇ ਹਨ। ਮਾਰਚ ਮਹੀਨੇ ਦੌਰਾਨ ਹੋਈ ਇਕ ਮੀਟਿੰਗ ਵਿੱਚ ਆਮਿਰ ਖਾਨ, ਸਾਜਿਦ ਨਾਡੀਆਲਵਾਲਾ ਅਤੇ ਕਰਨ ਜੌਹਰ ਦੀ ਮੌਜੂਦਗੀ ਵਿੱਚ ਇਹ ਦੇਖਿਆ ਗਿਆ ਕਿ ਰਣਵੀਰ ਦੀ ਟੀਮ ਨੇ ਐਕਸਲ ਸਾਹਮਣੇ ਇਕ ਵਿੱਤੀ ਤਜਵੀਜ਼ ਰੱਖੀ ਹੈ। ਉਨ੍ਹਾਂ ਵਲੋਂ ਸੁਝਾਅ ਦਿੱਤਾ ਗਿਆ ਸੀ ਕਿ 10 ਕਰੋੜ ਦੀ ਪੇਸ਼ਗੀ ਅਦਾਇਗੀ ਦੇ ਨਾਲ-ਨਾਲ ਭਵਿੱਖ ਦੇ ਪ੍ਰਾਜੈਕਟ ਵਿੱਚ 25 ਕਰੋੜ ਦੀ ਛੋਟ ਦਿੱਤੀ ਜਾਵੇਗੀ। ਰਣਵੀਰ ਦੀ ਟੀਮ ਦਾ ਮਨੋਰਥ ਸੀ ਕਿ ਸੰਬੰਧਾਂ ਵਿੱਚ ਬਹੁਤਾ ਵਿਗਾੜ ਨਾ ਪਵੇ।
ਦੂਜੇ ਪਾਸੇ ਅਖਤਰ ਅਤੇ ਸਿੰਧਵਾਨੀ ਦੇ ਗਰੁੱਪ ਨੇ ਸਿੰਘ ਦੀ ਤਜਵੀਜ਼ ਨੂੰ ਠੁਕਰਾ ਦਿੱਤਾ ਅਤੇ ਕਿਹਾ ਕਿ ਉਹ ਭਵਿੱਖ ਵਿੱਚ ਉਸ ਨਾਲ ਕੰਮ ਕਰਨ ਵਿੱਚ ਕੋਈ ਰੂਚੀ ਨਹੀਂ ਰੱਖਦੇ। ਨਤੀਜੇ ਵਜੋਂ ਮਾਮਲਾ ਅਜੇ ਸੁਲਝਦਾ ਨਜ਼ਰ ਨਹੀਂ ਆ ਰਿਹਾ। ਐਕਸਲ ਟੀਮ ਸਿੱਧੇ ਮੁਆਵਜ਼ੇ ਦੀ ਮੰਗ ਕਰ ਰਹੀ ਹੈ।
