ਰਸ਼ਮੀਕਾ ਅਤੇ ਵਿਜੇ ਨੇ ਗੁਪਤ ਢੰਗ ਨਾਲ ਉਦੈਪੁਰ ਵਿੱਚ ਵਿਆਹ ਦੀ ਬਣਾਈ ਯੋਜਨਾ

ਅਦਾਕਾਰਾ ਰਸ਼ਮੀਕਾ ਮੰਡਾਨਾ ਅਤੇ ਵਿਜੇ ਦੇਵਰਕੋਂਡਾ ਉਦੈਪੁਰ ਵਿੱਚ ਸਖਤ ਸੁਰੱਖਿਆ ਪ੍ਰਬੰਧਾਂ ਵਾਲੇ ਸਮਾਰੋਹ ਦੌਰਾਨ ਵਿਆਹ ਕਰਵਾਉਣ ਦੀ ਯੋਜਨਾ ਬਣਾ ਰਹੇ ਹਨ। ਇਕ ਮੀਡੀਆ ਰਿਪੋਰਟ ਅਨੁਸਾਰ ਇਹ ਵਿਆਹ 26 ਫਰਵਰੀ ਨੂੰ ਹੋਵੇਗਾ, ਜਦੋਂਕਿ ਵਿਆਹ ਦੇ ਜਸ਼ਨ ਅਤੇ ਹੋਰ ਰਵਾਇਤੀ ਰਸਮਾਂ 24 ਫਰਵਰੀ ਤੋਂ ਸ਼ੁਰੂ ਹੋ ਜਾਣਗੀਆਂ।

ਜਾਣਕਾਰੀ ਅਨੁਸਾਰ ਇਸ ਵਿਆਹ ਸਮਾਗਮ ਨੂੰ ਨਿੱਜੀ ਮਾਮਲਾ ਦੱਸਿਆ ਜਾ ਰਿਹਾ ਹੈ, ਜਿਸ ਵਿੱਚ ਪਰਿਵਾਰ ਦੇ ਮੈਂਬਰ ਅਤੇ ਬਹੁਤ ਚੋਣਵੇਂ ਨਜ਼ਦੀਕੀ ਦੋਸਤ ਮਿੱਤਰ ਸ਼ਾਮਲ ਹੋਣਗੇ। ਵਿਆਹ ਨੂੰ ਪੂਰੀ ਤਰ੍ਹਾਂ ਗੁਪਤ ਰੱਖਣ ਲਈ ਸਮਾਰੋਹ ਦੌਰਾਨ ਸਾਰੇ ਹਾਜ਼ਰੀਨ ਲਈ ਫੋਨ ਦੀ ਵਰਤੋਂ ਨਾ ਕਰਨ ਦਾ ਫੈਸਲਾ ਵੀ ਕੀਤਾ ਗਿਆ ਹੈ। ਖਾਸ ਗੱਲ ਹੈ ਕਿ ਇਸ ਵਿਆਹ ਵਿੱਚ ਫਿਲਮੀ ਭਾਈਚਾਰੇ ਤੋਂ ਕਿਸੇ ਮੈਂਬਰ ਨੂੰ ਸੱਦਾ ਨਹੀਂ ਦਿੱਤਾ ਗਿਆ।