ਰਿਹਾਨਾ ਤੇ A$AP ਰੌਕੀ ਕਰ ਰਹੇ ਨੇ ਆਪਣੇ ਪਹਿਲੇ ਬੱਚੇ ਦੀ ਉਡੀਕ

ਡਾਇਮੰਡਜ਼' ਫੇਮ ਸਿੰਗਰ ਅਤੇ ਫੈਸ਼ਨ ਮੁਗਲ ਰਿਹਾਨਾ ਰੈਪਰ A$AP ਰੌਕੀ ਨਾਲ ਆਪਣੇ ਪਹਿਲੇ ਬੱਚੇ ਦੀ ਉਮੀਦ ਕਰ ਰਹੀ ਹੈ।
ਬੀਤੇ ਹਫਤੇ ਨਿਊਯਾਰਕ ਵਿਚ ਇਸ ਜੋੜੇ ਦੀ ਇਕ ਤਸਵੀਰ ਖਿੱਚੀ ਗਈ ਸੀ, ਜਿਸ ਵਿਚ ਰਿਹਾਨਾ ਨੇ ਆਪਣਾ ਬੇਬੀ ਬੰਪ ਦਿਖਾਉਂਦੇ ਹੋਏ ਲੰਬੀ ਗੁਲਾਬੀ ਰੰਗ ਦੀ ਜੈਕੇਟ ਪਹਿਨੀ ਹੋਈ ਸੀ।ਇਸ ਵੱਡੇ ਸਾਈਜ਼ ਦੀ ਜੈਕੇਟ ਦਾ ਹੇਠਲਾ ਹਿੱਸਾ ਖੁੱਲ੍ਹਾ ਹੋਣ ਕਰਕੇ ਉਸਦਾ ਵਧਿਆ ਬੰਪ ਦਿਖਾਈ ਦੇ ਰਿਹਾ ਸੀ। ਇਸ ਦੇ ਨਾਲ ਉਸ ਨੇ ਇਕ ਗੋਲਡ ਕਰਾਸ ਅਤੇ ਰੰਗਦਾਰ ਜਿਊਲਰੀ ਸਟਾਈਲ ਕੀਤੀ ਹੋਈ ਸੀ।

ਇਕ ਸਰੋਤ ਨੇ 2020 ਵਿਚ ਪੁਸ਼ਟੀ ਕੀਤੀ ਸੀ ਕਿ ਰਿਹਾਨਾ ਅਤੇ A$AP ਰੌਕੀ ਇਕ ਸਾਲ ਦੀ ਦੋਸਤੀ ਤੋਂ ਬਾਅਦ ਡੇਟਿੰਗ ਕਰ ਰਹੇ ਹਨ।

ਜਨਵਰੀ 2020 ਵਿਚ ਰਿਹਾਨਾ ਦੇ ਆਪਣੇ ਅਰਬਪਤੀ ਬੁਆਏਫ੍ਰੈਂਡ ਹਸਨ ਜਮੀਲ ਤੋਂ ਵੱਖ ਹੋਣ ਤੋਂ ਬਾਅਦ ਇਸ ਜੋੜੇ ਦੇ ਇਸ਼ਕ ਦੀਆਂ ਅਫਵਾਹਾਂ ਫੈਲੀਆਂ ਸਨ।