ਰੋਹਿਤ ਸ਼ੈੱਟੀ ਨੇ ਲਿਆ ਸੁੱਖ ਦਾ ਸਾਹ

ਕਈ ਮੁਸ਼ਕਲਾਂ ਦਾ ਸਾਹਮਣਾ ਕਰਨ ਤੋਂ ਬਾਅਦ, ਫ਼ਿਲਮ ਨਿਰਮਾਤਾ ਰੋਹਿਤ ਸ਼ੈੱਟੀ ਦੀ ਫ਼ਿਲਮ 'ਸੂਰਿਆਵੰਸ਼ੀ' ਆਖਰਕਾਰ ਸ਼ੁੱਕਰਵਾਰ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋ ਹੀ ਗਈ।

ਨਿਰਦੇਸ਼ਕ ਨੇ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤਾ ਕਿ ਉਨ੍ਹਾਂ ਦੀ ਪੁਲਿਸ ਡਰਾਮਾ ਫ਼ਿਲਮ ਪੂਰੇ ਦੇਸ਼ ਵਿੱਚ 'ਸਾਰੇ ਮਲਟੀਪਲੈਕਸਾਂ ਅਤੇ ਸਿੰਗਲ ਸਕ੍ਰੀਨਾਂ' ਤੇ ਰਿਲੀਜ਼ ਹੋ ਗਈ ਹੈ।

ਮੁਸ਼ਕਿਲਾਂ ਓਦੋਂ ਸ਼ੁਰੂ ਹੋਈਆਂ ਜਦੋਂ ਨਿਰਮਾਤਾਵਾਂ ਅਤੇ ਪ੍ਰਦਰਸ਼ਕਾਂ ਵਿਚਕਾਰ ਝਗੜੇ ਕਾਰਨ ਵੀਰਵਾਰ ਰਾਤ ਤੱਕ ਅਕਸ਼ੈ ਕੁਮਾਰ-ਸਟਾਰਰ ਫ਼ਿਲ੍ਮ ਲਈ ਐਡਵਾਂਸ ਬੁਕਿੰਗਾਂ ਸ਼ੁਰੂ ਨਹੀਂ ਹੋ ਸਕੀਆਂ ਸੀ। ਰਿਪੋਰਟਾਂ ਅਨੁਸਾਰ, ਫ਼ਿਲਮ ਦੇ ਨਿਰਮਾਤਾਵਾਂ ਨੇ ਪਹਿਲੇ ਹਫ਼ਤੇ ਦੀ 60 ਪ੍ਰਤੀਸ਼ਤ ਆਮਦਨ ਦੇ ਹਿੱਸੇ ਦੀ ਮੰਗ ਕੀਤੀ ਸੀ ਅਤੇ ਇਹ ਵੀ ਮੰਗ ਰੱਖੀ ਕਿ ਥੀਏਟਰ ਮਾਲਕ 'ਸੂਰਿਆਵੰਸ਼ੀ' ਨੂੰ ਵੱਧ ਤੋਂ ਵੱਧ ਸ਼ੋਅ ਪ੍ਰਦਾਨ ਕਰਨ। ਇਸ ਮੁੱਦੇ ਬਾਰੇ ਕੋਈ ਵੇਰਵਿਆਂ ਦਾ ਖੁਲਾਸਾ ਕੀਤੇ ਬਿਨਾਂ, ਰੋਹਿਤ ਨੇ ਸਾਂਝਾ ਕੀਤਾ ਕਿ ਉਨ੍ਹਾਂ ਨੇ ਲੜਾਈ 'ਜਿੱਤੀ' ਅਤੇ ਇਹ ਵੀ ਦੱਸਿਆ ਕਿ ਉਹ ਇਸ ਰਾਜ਼ੀਨਾਮੇ ਕਰਕੇ ਕਾਫ਼ੀ ਰੁੱਝੇ ਹੋਏ ਸਨ।