ਸਾਗਰਿਕਾ ਅਤੇ ਜ਼ਾਹੀਰ ਖਾਨ ਦੇ ਘਰ ਬੇਬੀ ਬੁਆਏ ਦੀ ਕਿਲਕਾਰੀ

ਬਾਲੀਵੱਡ ਅਭਿਨੇਤਰੀ ਸਾਗਰਿਕਾ ਅਤੇ ਉਸ ਦਾ ਪਤੀ ਸਾਬਕਾ ਭਾਰਤੀ ਕ੍ਰਿਕਟਰ ਜ਼ਾਹੀਰ ਖਾਨ ਹੁਣ ਇਕ ਪੁੱਤਰ ਦੇ ਮਾਪੇ ਬਣ ਗਏ ਹਨ। ਚੱਕ ਦੇ ਇੰਡੀਆ ਦੀ ਸਟਾਰ ਨੇ ਆਪਣੇ ਪਤੀ ਨਾਲ ਇਕ ਪੋਸਟ ਸਾਂਝੀ ਕੀਤੀ ਹੈ, ਜਿਸ ਤੇ ਇਸ ਖ਼ੁਸ਼ੀਆਂ ਭਰਪੂਰ ਖ਼ਬਰ ਦਾ ਜ਼ਿਕਰ ਹੈ। ਇਸ ਜੋੜੇ ਨੇ ਆਪਣੇ ਨਵ ਜੰਮੇ ਪੁੱਤਰ ਦੀ ਨਾ ਸਿਰਫ ਦੁਨੀਆ ਨਾਲ ਜਾਣ-ਪਛਾਣ ਕਰਵਾਈ ਸਗੋਂ ਇਹ ਵੀ ਦੱਸਿਆ ਕਿ ਉਸ ਦਾ ਨਾਂਅ ਫਤਿਹ ਸਿੰਘ ਖਾਨ ਹੈ।

ਇਸ ਪੋਸਟ 'ਚ ਇਕ ਸਨੈਪਸ਼ਾਟ ਵੀ ਸਾਂਝਾ ਕੀਤਾ ਗਿਆ ਅਤੇ ਚਿਤਰ ਦੇ ਹੇਠਾਂ ਇਕ ਕੈਪਸ਼ਨ ਲਿਖਿਆ ਹੈ। ਪਿਆਰ ਧੰਨਵਾਦ ਅਤੇ ਪ੍ਰਭੂ ਦੀਆਂ ਆਸੀਸਾਂ ਨਾਲ ਅਸੀਂ ਆਪਣੇ ਲਾਡਲੇ ਫਤਿਹ ਸਿੰਘ ਖਾਨ ਦਾ ਸਵਾਗਤ ਕਰਦੇ ਹਾਂ।