10.94C Vancouver 10.94C VancouverDec 22, 2021 12:41 AM - Agencies
ਮੁੰਬਈ ਵਿਚ ਆਉਣ ਵਾਲੀ ਫ਼ਿਲਮ ਆਰਆਰਆਰ ਦੇ ਪ੍ਰੀ-ਰਿਲੀਜ਼ ਸਮਾਗਮ ਵਿੱਚ ਬਾਲੀਵੁੱਡ ਅਦਾਕਾਰ ਸਲਮਾਨ ਖ਼ਾਨ ਨੇ ਅੱਜ 'ਬਜਰੰਗੀ ਭਾਈਜਾਨ 2' ਦਾ ਬਾਕਾਇਦਾ ਐਲਾਨ ਕੀਤਾ।
ਫਿਲਮ ਦੀ ਕਹਾਣੀ ਐਸ ਐਸ ਰਾਜਾਮੌਲੀ ਦੇ ਪਿਤਾ ਕੇ ਵੀ ਵਿਜੇਂਦਰ ਪ੍ਰਸਾਦ ਵੱਲੋਂ ਲਿਖੀ ਜਾਵੇਗੀ।ਇਨ੍ਹਾਂ ਨੇ ਹੀ ਮੂਲ ਫ਼ਿਲਮ ਦੀ ਕਹਾਣੀ ਲਿਖੀ ਸੀ ਜਿਸ ਦਾ ਨਿਰਦੇਸ਼ਨ ਕਬੀਰ ਖਾਨ ਨੇ ਕੀਤਾ ਸੀ।
ਸਲਮਾਨ ਨੇ ਬੀਤੇ ਐਤਵਾਰ ਐਸਐਸ ਰਾਜਾਮੌਲੀ ਦੀ ਹਮਾਇਤ ਵਿਚ ਰਾਜਾਮੌਲੀ ਵੱਲੋਂ ਨਿਰਦੇਸ਼ਿਤ ਫ਼ਿਲਮ ਆਰ ਆਰ ਆਰ ਦੇ ਰਿਲੀਜ਼ ਹੋਣ ਤੋਂ ਪਹਿਲਾਂ ਦੇ ਇਕ ਸਮਾਗਮ ਵਿੱਚ ਸ਼ਿਰਕਤ ਕੀਤੀ।ਫ਼ਿਲਮ ਵਿੱਚ ਜੇ ਆਰ ਐੱਨਟੀਆਰ, ਰਾਮ ਚਰਨ, ਆਲੀਆ ਭੱਟ ਅਤੇ ਅਜੈ ਦੇਵਗਨ ਭੂਮਿਕਾ ਨਿਭਾਅ ਰਹੇ ਹਨ।
ਸਮਾਗਮ ਦੌਰਾਨ ਸਲਮਾਨ ਖਾਨ ਨੇ ਬਜਰੰਗੀ ਭਾਈਜਾਨ ਫਿਲਮ ਦੀ ਗੱਲ ਕਰਦਿਆਂ ਕਿਹਾ ਕਿ ਇਹ ਫ਼ਿਲਮ ਉਨ੍ਹਾਂ ਦੇ ਕਰੀਅਰ ਦੀਆਂ ਬਿਹਤਰੀਨ ਫ਼ਿਲਮਾਂ ਵਿਚੋਂ ਇਕ ਹੈ ਅਤੇ ਉਨ੍ਹਾਂ ਇਸ ਗੱਲ ਲਈ ਐੱਸ ਐੱਸ ਰਾਜਾਮੌਲੀ ਦੇ ਪਿਤਾ ਦਾ ਧੰਨਵਾਦ ਕੀਤਾ।
ਬਜਰੰਗੀ ਭਾਈਜਾਨ ਫਿਲਮ ਦਾ ਨਿਰਦੇਸ਼ਨ ਕਬੀਰ ਖਾਨ ਨੇ ਕੀਤਾ ਸੀ ਅਤੇ ਫ਼ਿਲਮ ਵਿੱਚ ਕਰੀਨਾ ਕਪੂਰ ਖ਼ਾਨ ਅਤੇ ਨਵਾਜ਼ੂਦੀਨ ਸਿੱਦੀਕੀ ਨੇ ਵੀ ਭੂਮਿਕਾ ਨਿਭਾਈ ਸੀ।
